يابنتي شوفي ألمرسمنا وشبيه**** ضركة بعد الغالية عشى خالـــــي
العز ألكانلك وين أتشوفيـــــــه*****وألـــفات أقبيل يبقى في بـــالـــــي
عز الزهرةيا درى وين أتلاقيـــه*****واحليل اليتيـــم ماعــندو والـــي
كنت جدي أغزال هي تلعب بيه***** حتى النوم أمعاك قالت يحلالــي
حجر أمى ياغافلة وأكبرت فيه *****واذا غبــت عيطــت جيبوهــالــي
كانت ضو الحوش جملة نخزر ليه***** وآه القعدة فيه كانت تحــلالــي
حتى أحميدة كان يغفل وأتوصيه***** لاتنسا ش أخيتــك تصفــهالــي
عشنا وسط الخير وأتمتعنا بيـــه ***** معرافة وأتمد حق الزوالــــــــي
من يغضب في دارنا هي ترضيــه***** واذ كنت أبعيـــد هي تلقـــــــالي
عزك بعد الوالدةمحــــال أتـــريــــه***** من يفقد يمـــاه يفهم مقــــــــالي
هــذا حـــكم الله لازم نرضى بيـــه ***** وقت أرحولك حان وف الآجالي
مولانا كــــريم راني نــرجى فــــيه**** أغفر ذنب الوادة وأرحمــــهالــي
الطيب بعد الصلى دمعوعينيـــــــه***** ياكريم أنت تجاوب سؤالــــــــــــي
وسع قــــبر أميمتي تتمــــــتع فيــه ***** والسكنة بجوار طــه تحــــلالــي
صلى الله علـى الهـــادي وآليــــــه***** وشفاعة رسول الله تكتبـــــــهالي
( تقرير عن مشاركة سيئة )، و الموجودة أسفل كل مشاركة .
2017-05-15, 18:58
يابنتي
العرض الشجري