بيـــــن الطب و جراحة الأسنان !!!! بيـــــن الطب و جراحة الأسنان !!!!

.زَيْنْ الْدِيِنْ. · 2013-07-05, 10:57

السلام عليكم و رحمة الله تعالى و بركاته
متـــــحصـــل على بكالوريا 2013 بمعدل 15.90 و الحمد لله
متردد بيــــن اختيار الطب أو جراحة الأسنان ؟؟
صـــرآآحة أميل لجراحة الأسنان أكثر لأن دراستها أكثر متعة '' من الجانب التطبيقي " و كذا حظوظ العمل بعد التخرج ....
و متخوف من الطــــــب خصوصا ما سمعته من صعوبات حول امتحان Risidanat يعني خايف نقرا 7 سنوات و منقدرش نكمل
ممكـــــن معلومات عن التخصصين طب / جراحة الأسنان ...

على سنوآت الدرآسة !
على البرنآمج !
على مدى صعوبة التخصصين !
ثـآني على الحفآظة !
على المستقبل في التخصصين !

على أي حآجة أنتم أدرى ..

... مع العلم أني سأوجه لقسنطينة ان شاء الله

hadjerbb · 2013-07-05, 11:15

اعمل طب اسنان احسن لانك تحبها اكثر والمستقبل فيها احسن من الطب لانه اليوم الشعب كامل راهو طبيب والله نعرف بزاف اطباء راهم شوماج اعمل الشيء الي تلقا فيه مستقبل مبروك على النجاح

رُوح طِــஐـــفلة · 2013-07-05, 11:16

دير الحاجة لي تحبها وتميل ليها
وربي يوفقك ان شاء الله

.زَيْنْ الْدِيِنْ. · 2013-07-05, 11:26

شكــــــــــرا لكُنّ على النصيحة
فقط أتعرض لضغوطات من الوالدة '' حفظها الله '' لاختيار الطــــــب :'(

hadjerbb · 2013-07-05, 11:59

شووف كل الاولياء احلامهم يشوفو ولدهم طبيب بصح راك عارف في بلادي ميكي والله الطبيب ماعنده والو المستقبل مجهول امامه لكان راك حاب ترضي امك اعمل الطب ولكان تشوف روحك ماتقدرش تقرا طب لانه ماعندكش ميول للطب اختار شيء اخر انت تحبه وتلقا بيه خدمه في المستقبل فكر مليح يا اخي هدا مستقبل

amine.bma · 2013-07-05, 12:20

اختر الحاجة لي تحبها انت رانا حاصلين في الطب اذا تقدر تقرا ليها و تتعب معاها تنجح

اية الرحمان18 · 2013-07-05, 13:55

جراحة اسنان احسن والقرار يعود لك

bouchra2013 · 2013-07-05, 15:07

اقتباس:

المشاركة الأصلية كتبت بواسطة amine.bma

اختر الحاجة لي تحبها انت رانا حاصلين في الطب اذا تقدر تقرا ليها و تتعب معاها تنجح

ممكن شوية معلومات عن الطب المواد .... الامتحانات.....او معلومات اخرى

moutassambba · 2013-07-05, 16:02

معدلي 15.29 نفس تفكيرك جد خائف من الإختيار بينهما
لم أجد الساعدة المنشودة

ahlam algerie · 2013-07-05, 16:41

f la médecine ta9ra 8 module annulaires w 4 module b semestre yede5lo 2 w ye5orjo 2telzmek 7fiiiiiiiida bezaf mais chabin surtout anatomie et embryo tet3ab bezaf mais niveau ta3ek yetla3 w la7abit tousal mat5amemch te5mam ta3 drahem çé vrai tebghi dir la venir ta3ek mais hadouk rez9 men 3and rabi fakar fi 7aja li tebghiha wela momkin tfara7 biha cha5s 3zIiiiiiiiiiiiiiiiiiiiiiiiiiiiiiiz 3lik kima 3melt ana w les examens kayen QCM ou QCS ou question directe
bn courage

amine.bma · 2013-07-05, 21:29

اقتباس:

المشاركة الأصلية كتبت بواسطة bouchra2013

ممكن شوية معلومات عن الطب المواد .... الامتحانات.....او معلومات اخرى

أختي هاذو هوما المواد تاع سنة أولى مع المعاملات

cytologie............. 2 علم الخلية
statistique..............2 الاحصاء
chimie générale et organique ..............2 كيمياء و كيمياء عضوية
informatique..............1 اعلام الي
génétique..............2 علم الوراثة
histologie..............1 علم الأنسجة
embryologie.............1 علم الأجنة
biophysique.............2 فيزياء حيوية
physiologie.............1 علم الوظائف
anatomie.............2 علم التشريح
biochimie.............2 كيمياء حيوية
éthique et déontologie.............1 أخلاقيات مهنة الطب

اذا احتجتي اي سؤال قولي

الناجح بإذن الله · 2013-07-05, 21:46

_ يا أخي ,,, مثل هذه القرارات لازم تختارها وحدك ,,, لأنه كل من الطب و جراحة الأسنان لهما مستقبل ,,, و والديك مايحبولك الشيئ السيئ و أنت أعلم بهذا ,,, صلي ركعتين استخارة لله ثم اختر أيهما أحب اليك ,,, و لا تستمع إلى أقوال الناس كثير فلا أحد يعلم الغيب إلا الله ,,, لكلا التخصصين جانبان إيجابي و سلبي ,,, و من يدرس الطب يقولك الطب أحسن و من يدرس جراحة الأسنان يقولك جراحة الأسنان أفضل ,,,, ما أنصحك به هو تفاؤل بالخير تجده ,,, و من حيث رأيي الخاص ,,, بصفتي أدرس طب هههه (التعصب) فأرجو أن تختار الطب رغبة أمك

بلسومة · 2013-07-06, 07:22

السلام عليكم
شوف يا ابني انا عندي 13 سنة عمل في طب الاسنان واقول لابني ان رضا الوالدين هو اشارة المرور اللي توريلك الطريق وانو الشئ اللي يباركوه الوالدين ولو تفلسف عليك الف فيلسوف -هو الصح حاول ترضي امك الغالية و الا تختار الي هي رضات بيه الله ينورلك طريقك يا ابني لا تخاف فكل شئ باذن الله

rimayeva · 2013-07-06, 11:52

افهمك اخي انا العام لي فات ابي كان يصر عليا بشدة باش ندر ميدسين و انا كنت حابة جراحة اسنان فوت ايام من اسوا ايام حياتي ودرت جراحة اسنان ومقتنعة بيها ومع مرور الوقت باب تاني اقتنع بيها بعد ما قنعتو وققوتلو بلي منقدرش ننجح في الميدسين و درك راهو فخور با و الحمد لله

rimayeva · 2013-07-06, 11:53

كي تخمملها بالعققل و الله جراحة الاسنان افضل من الطب
وصلي صلاة الاسستخارة اخي وبالتوفيق