لي يفهم لنباتات يدخل يجاوبني بليييييييز

نور الملاك · 2014-03-19, 17:46

السلام عليكم بغيت نسقسي الناس لي يعرفو للنباتات خويا اليوم شرالنا مجموعة من النباتات واحنا عندنا وين نغرسوهم مي المشكلة منقدروش ضرك نغرسوهم باسكو رانا مع البنيان وخفنا يفسدولنا قاتلو ماما خليهم في الاكواب نتاعهم هو كل نبته محطوطة في كوب كاين نباتات محطوطين في اكواب نتاع بلاستيك وكاين لي محطوطين في اكواب نتاع حديد اسكو ميموتوش كيما يبقاو في الاكواب ؟؟؟ والنباتات لي شراهم واحدة اسمها الياسمين الاصفر والثانية مسك الليل والثالثة الورد الاحمر والرابعة اللواي 4 سيزون ياريت تنصحوني كيفاش نعتني بيهم وكاش منقدر ندير لتربة نتاعهم باش يزيدو ينبتو الله يخليكم متقراوش وتخرجو جاوبوني

ريم الصحراء · 2014-03-21, 23:19

بما أنه اشتراها في أكواب معناها أنها عاشت فيها مدة من الزمن فلا داعي للقلق المهم العتناء بهم ولكن في انتظار اكمال البناء يمكنك نقلهم في شهر مارس ال أصص أكبر كي يزداد نموهم مع اضافة تربة زراعية دون أن تكسري الطوبة تاعه تمنياتي بالنجاح.

rahou19 · 2014-03-23, 16:21

السلام عليكم
تقدري تخليهم في الأحواض لي شريتهم فيهم بشرط حطيهم في بلاصة ما تكونش الشمس نهار كامل ناصبة فيهم واسقيهم مرتين في الاسبوع حسب الجو ومرة على مرة قلبي التراب بلا ما تضري العروق
الياسمين الاصفر ومسك اليل راهم من نفس الفصيلة أما اللواي فأفضل مكان لها هو خلف الزجاج النافذة ومتحبش الماء بزاف أما الور الأحمر فهو مقاوم جيد للحرارة أو البرودة أعيد وأكرر المكان المظلل خاصة بعد منتصف النهار هو أساس انتعاش النبات وأنا هنا لجميع استفسارتك واستفسارات الاخوة وشكراّ

ام سامي15 · 2014-03-25, 21:20

اغرسيهم في التربة داخل ايناء
و مين تكملو البنيان

احفريلهم حفرة بحيث تحطيهم داخل تربة الحديقة مع تربة الايناء