الجزء 179 من كوزينة احلى رفقه كوزينة الحراير

[انا هي رزيقة]

السلام عليكم نهاركم برباحكم و مائة نعجة في مراحكم فحلاتي الزينونات .....ان شاء الله الكل بخير يا رب .. اختي وردة ان شاء الله ميكون غير لخير اختي و بالبركة على اختك البنوتة الحلوة عقبالك يا رب و لكل الحوامل و ربي يرزق كل متمنية
اختي ام جوجو الفحلة مهذا الجمال و الله الملسوقة التونسية تهوس .... ربي يحفظلك دوك اليدين تع الحراير الطيبات و الشكر موصول طبعا لحبيبتي الفحلة امنية .. جعل الله مجهودك في ميزان حسناتك حنونة وصفة فعلا مغرية
سيليا الحبوبة و حيوتة الغالية بصحتكم اابوري و الدجاج و الارز و الدجاج مطرح ميسري يمري
ام هدول يا حلوتي وشبيه المورال حنونة .. اكيد فترة و تعدي انا ثاني دي فوا تجيني عين صديقة مي منخليهاش تطول عندي .....ياختي منحبهاش تكرهلي حياتي و انا طبعي احب الحياة ....خخخخخخ
حقا اختي نهال مرحبا بك معانا و الله طياباتك جميلة دون مجاملة
اخواتي روعة الصحراء زخرفة ام يوسف نهاركن سعيد و صح فطوركم
حبيبتي ريمة يا طيوبة على سلامتك حنونة هذي غيبة و الله توحشتك حببية و يا مامي على كسرة اختك الفحلة مشاء الله مشاء الله مشاء الله بلغيها سلامنا... و طيابك انتي ثاني لا يعلى عليه حبيبتي و االله دون مجاملة لمسك الخاصة بارزة سورتو الارز بالدجاج شكلو مغري و مشهي بصحتكم

[انا هي رزيقة]

اليوم جبتلكم كيكة جميلة درتها البارح و خرجتلي اممم و اممم و اممم ....و نزيدلها امممممم هشاشة و لذة و طراوة و جمال و اقتصاد يعني كيكة ناجحة بكل المقايييس ...فيها 3 بيضات و كاس سكر و كاس زيت و كاس ماء و باكي خميرة و نصف و 3 كيسان فرينة و ملعقتين كاكاو و شوةي فاني و الطريقة و لا اسهل .. تغربلي في ايناء الفرينة و اللوفور و من جهة اخرى حطي في الميكسور 3 بيضات مع كاس سكر ميكسيهم ثواني فقط ثم زيدي الزيت و الماء ثم زيدي ميكسي ثواني حتى يتجانس الخليط ثم فرغيه بالشوية على الفرينة .... ثم قسمي الخليط الى نصفين النصف الاول حطي فيه فاني و الثاني غربلي فيه الكاكاو ثم فرغي الخليطين بالتناوب يعني مرة خليط الفاني و مرة خليط الكاكاو في صينية الفرن (للاسف مصورتش هذ المرحلة) ثم ديري خطوط بالسكين من وسط الصينية الى اطرافها ثم الى الفرن و فقط.... شفتو السهولة و النتيجة من اروع ميكون

[zokhrofa]

مممممممممممممممم رزيقة تبان تشهي شحال نحب الموسكوتشو خرجلك هااااااايل يعطيك الصحة

[nihal159]

ماشاء الله؛ الأخت رزيقة جاتك تهبببببببل

[nihal159]

مساء الخير لبنات كيما وعدتكم، جبتلكم شوية من طياباتي، وراني محضرتهم مع الصور التفصيلية باش نديرهم مواضيع لكن للأسف ضيق الوقت ماسمحليش.
نبداو بشربة فريك أو كيما نقولو حنا الجاري، مع كسرة مطلوع

بطاطا فالكوشة على طريقة حماتي ربي يحفضها، بنييينة تهبل، ان شاء الله في أقرب فرصة نحطلكم الطريقة

لوبيا زاليقو على طريقة أمي ربي يخليهالي

[أم يوسف2]

جدي توفى ادعولوا بالرحمة والمغفرة

[حياة نور الدين]

السلام عليكن

واش راكم البنات وصح فطوركم

نهولة النحولة عرفتك نشيطة هههه من البيس وانت تحملي في الصور امممم هديك القلب اللوز تقتل بصحتكم في انتظار الباقي

ام هدول حنونة واش راكي وبضحتك العدس قتلك نخموا كيفىكيف انا ثان كنت رايحة ندير عدس منبعد عجوزتيب قالت حابة بركوكس بدلت ودرت بركوكس

وردة الف مبروك لاختك تتربى في عزها ومتخافيش اختي واحسن حاجة زوري الطبيب باش تطمني اكثر

سحابة اختي شكرا على دوقك حنونة وكلامك وان شاء الله نجرب الوصفة

زخرفة اهلااا اختي واكيد عجبتنا المفاجئة

رزيقة يعطيك الصحة على الكيكة اختي هااايلة وكالعادة تعودنا على الخهفيف الظريف من عندك

[حياة نور الدين]

تفضلي وردة باروك اختك طااازة بركوكس

[حياة نور الدين]

نهلة اطباقك تحففففة وفي انتظار مواضيعك بشوق اختي

ام يوسف ان لله وان اليه راجعون ربي يرحمه ويبدل محبته بالصبر

[nihal159]

المشاركة الأصلية كتبت بواسطة أم يوسف2

جدي توفى ادعولوا بالرحمة والمغفرة

إن لله و إن إليه راجعون؛ الله أكبر؛ ربي يرحمو و يغفرلو و يصبركم على فراقو

[nihal159]

المشاركة الأصلية كتبت بواسطة حياة نور الدين

نهلة اطباقك تحففففة وفي انتظار مواضيعك بشوق اختي

ام يوسف ان لله وان اليه راجعون ربي يرحمه ويبدل محبته بالصبر

الله يسلمك حيوتة؛ شرف ليا أنهم عجبوك؛ في أقرب فرصة نحط المواضيع.
راه مازالو عندي بزآآآآف الأطباق؛ قلتلكم راني كنت معتكفة فالمطبخ ههههههه علابيها قلّت مشاركاتي فالكوزينة و المنتدى ككل.

[nihal159]

يعطيك الربح يا حياة؛ شهيتيني صح صح؛ و الله العظيم ؛ تاكلوه بالصحة إن شاء الله؛ ليوم راجلي غايب؛ غدوا إن شاء الله نقولو يجيبلي شوية كرشة؛ سخفت على بركوكس بالكرشة.

[zokhrofa]

اختي ام يوسف ربي يصبر داركم و يصبرك على فراقو هذي سنة الحياة هم السابقون و نحن اللاحقون و يا سعدو لي دار المليح في حياتو هذا ما ندو معانا غير افعالنا

[انا هي رزيقة]

يامي يامي اختي نهال ربي يحفظلك دوك اليدين و الشكر موصول لحماتك طبعا كي تقعدي حنونة حطيلنا الوصفة و شكرا مسبقا ييخرب دباديبك يا ام مهدي شهيتينا تع الصح .........خخخخخ قوليلي بنت خالتي شريتي تليفون جديد و لا طابلات الصورة جميلة جدا عيني عليكي باردة راكي قريب تفوتيني في التصوير ......... خخخخخخ ربي يبارك فيك حنونة و الله بركوكس و عليه لكلام بصحة لي كلاو ....
اختي ام يوسف رحم الله جدك و اسكنه فسيح جنانه هم السابقون و نحن الاحقون

[انا هي رزيقة]

نسيت محطيتش في كوزينة سيليا كسرة لحشاوش تع اختي ام حسام حطيتها عند زخرفة .... بصح ام حسام قالتلي حطيها في الكوزينة ........خخخخخخ