رد علي الاساتذة الشيوخ المحترمين الذين يقولونا عنا غشاشين

[ath111]

المشاركة الأصلية كتبت بواسطة sofiene dz

هل التقيت انت باستاذ نزيه ?
للاسف اخي لا يوجد راهم يلعبوا فيها نزاهة برك
وان وجد الاستاذ النزيه هذا خبر يفرح

يا أخي أنا أستاذ و المنتدى يشهد لي أنني أسخر وقتي لمساعد الطلبة مثلك

و لك أن تراجع مواضيعي و مشاركاتي و أنصحك أن لا تعمم فتظلم

[sofiene DZ]

[quote][يا أخي أنا أستاذ و المنتدى يشهد لي أنني أسخر وقتي لمساعد الطلبة مثلك

و لك أن تراجع مواضيعي و مشاركاتي و أنصحك أن لا تعمم فتظلم

/quote]
انت استاذ ساسالك وجاوبني بصراحة
ان كنت تحرس في الباكالوريا ودخل عليك شاف سونتر وقال ليك خلي التلاميذ تخدم هل تتركهم يغشون ولا تقول ليه لا وتروح تشكي بيه وتكتب تقرير

[mimi311]

اخي انا امع كلامك 20 بالمئة صح كاين اساتذة يقرو من فوق القلب سيرتو تاع ليكور كل مرة يخرجك قبل الوقت نص ساعة يديها غير في الهدرة على الخلاص ودراهم وكي تخلص تنحسب عليك بالثواني بوك يعرق ويجيبهم من تديهمله باسكو مكانش طريقة اخرى
ربي كاين راهم ياكلو في دراهم الحرام مي كاين دي بروف مشاء الله لي ميستاهلوش هاذ الهدرة
وعلى النقيل والزوم حابة نقولك حاجة كاين لي ينقل غير على 10 وهذاك مياثرش مي كاين لي ينقل ويلحق 15-16 وواحد يقرى ليل ونهار ميلحقش وكي تجي في التخصص الغشاش يدي بلاصت القاري مش ظلم هذا
نعرف وحدة مسكينة عام قاع وهي تقرى والله غالب عليها جابته 9.90 علاه معرفتش تنقل وصحابات الماكياج بالنقيل يطلعو للجاميعة ويوسخوها هنا الاستاذ عنده الحق راه يشوف للبعيد

[Crazy Gorlito]

و الله عندك الحق
العام ميقروناش , شبعونا غير دروس خصوصية
وفالتالي التلميذ مسكين يرجع هو الغشاش
ايا يرحم باباكم كرهتولنا فالقراية و جد القراية
( و ماشي كامل كيف كيف )

[jamaicovic]

لا يا اخي لا تعمم صح انا معك و قلبي معمر كيفك لكن لا تظلم كاين اساتدة ما شاء الله انت اخطأت في شيء انك جعلت اللوم كله من الاساتدة و انا حسب راي المتواضع النظام التعليمي في الجزائر الكل يشارك في فشله الاساتدة التلاميد المديرين الوزارة لان لا احد يخدم خدمتو كيما نقولو و حقيقة انا عشتها و عشت امرا رهيبا و هو ان تصل بالدرجة لاستاد يقولي ياك راك دير دروس خصوصية متعولش علينا حنا حنا او نوصلو برك ...........يا حبيبي واش توصل علاه انت طاكسي يا جماعة انا لا اضن حين يستعمل التلميد الغش فهو غش بل هو ضحية لاستعمال الغش كون هو جا يقرى نورمال متصرالوش هكا و لا تقولو ان الغش ينحسر في التعليم فقط فقول الرسول يشمل كل شيء شوف حياتك كامل مغشوشة لباسك طعامك حتى تصلبنا و هل الاستاد الدي يقول لك المهم راس الشهر نروح نسلك هدا ماش غش المهم يا صحابي ربي هو الدي يعلم ربما نحن المخطئين و نسأله الغفران
و التوفيق ان شاء الله

[ثرثارة]

كاتب هدا التعليق تافه لا يستحق ان يلتحق بالجامعة لانه لا يعرف لا قيمة العلم ولا قيمة المعلم اللدي اوصله لهده المرحلة للاسف الشديد

[mhd]

هل درست عند جميع أساتذة الجزائر ؟؟
حتى تصدر حكما كهذا على الجميع
ومن خلال أسلوب كلامك فهمنا مستواك الفكري

أنا شخصيا حرست البكالوريا لمدة تتجاوز ال20 عاما
والله وحده يشهد أني لم أسمح يوما بالغش
لأي تلميذ مهما كان شكله أو مقامه ( بطلا أو جبانا كان)
ومهما كانت النتائج.....

صحيح كاين وكاين من الحراس ولكن من الخطأ التعميم
مثل المترشحين كاين اللي يقراو وفور وكاين الفاشلين

وصحيح أصبح اليوم واضح أن::
البراميل الفارغة تصدر صوت قرقعة قوية جدا

والله يهدي ما خلق
ولله في خلقه شؤون

[ath111]

[QUOTE=sofiene DZ;1052950668]

[يا أخي أنا أستاذ و المنتدى يشهد لي أنني أسخر وقتي لمساعد الطلبة مثلك

و لك أن تراجع مواضيعي و مشاركاتي و أنصحك أن لا تعمم فتظلم

/quote]
انت استاذ ساسالك وجاوبني بصراحة
ان كنت تحرس في الباكالوريا ودخل عليك شاف سونتر وقال ليك خلي التلاميذ تخدم هل تتركهم يغشون ولا تقول ليه لا وتروح تشكي بيه وتكتب تقرير

أتكلم عن نفسي

أنا أدرس تلاميذي بتفاني وإن حرست فلن أسمح بالغش لأي كان و إن طلب مني رئيس المركز

أن أسمح بالغش أقل له أحرسهم أنت و أغادر

[assala BaC2012]

ماهذا يا أخي؟ ماهذا التقهقر و التخلف الذي وصلنا له؟؟
مهما كان الموضوع صعيب,ياحبيبنا نورمالمو راك طالب علم و عندك في الراس وراك توجد في روحك للجامعة نورمالمو الاشكالية لي يحطوك فيها تعرف كيفاش تتعامل .ماشي ديرولنا البلبلة و الحس على جال واش ...فكرو بعيـــــــــــــد ..والله شعب غير قابل للتطور.
بزيادة وش دخلك في الاساتذة.راك قلتها بفمك كاين ربي لي يحاسبهم ومتعممش .

[jihanne]

يعطيك الصحة
فرغتلي قلبي

[aboujabli]

المشاركة الأصلية كتبت بواسطة sofiene dz

السلام عليكم ورحمة الله وبراكاته
اساتذتنا الكرام كيف حالكم اتمني انكم بصحة جيدة لكن لا تنسوا انكم ستحترقون في نار جهنم بسبب نفاقكم وافعالكم الدنيئة وخوفكم وجبنكم
لا تنسوا ان معظم الاساتذة مبرجون ولباسهم فاضح وفضائحهم منتشرة فهل هذا حلال وعندما يستعين التلميذ المسكين المقهور بورقة زوم مساعدة لحل تمارين تقولون انه غشاش وحرام التلميذ يستعين بالزوم لانكم لم تودوا الرسالة هذا دليل علي فشلكم انتم ببساطة فاشلون
كيف تتركون اشخاصا يغشون لان لديهم معارف واما ولاد الشعب تزيروا عليهم وتقولوا حرام وكيفاه تخافوا من الشاف سونتر ومتخافوش من ربي وكيفاه نهار كامل وانتم تشكوا اظرابات عي الشهرية وتقلون ان التلاميذ غير مهتمين دراهمكم حرام علي قد مايزيدوكم مايبان عليكم والوا بوسك دراهم رباء حرام عرق التلاميذ الاساتذة الكل قتلهم الفقر كاين ناس تدي في 300الف وعايشين خير من الاساتذة ليدوا في 7ملاين الحرام دراهم الرباء ايها الجبناء انا احتقرككم بعدما تاكدت منكم

بني اتقي الله وكفى قدف وشتم الاساتذة ,لماذا التعميم , انا استاذ ولا انكر بان هناك حالات شادة مما وصفته , بني الا يوجد في هذا المنتدى بالضبط اساتذة يبدلون قصارى جهدهم لتقديم يد العون والمساعدة لابنائنا التلاميذ , اتنكر ما يقدمه ابو حفص استاذ العلوم.؟؟؟؟؟؟؟؟؟ وغيره...
- بني عليك بطلب المغفرة من الله سبحانه لانك ارتكبت ذنبا كبير ا , يتمثل في القدف بغير حق.
بني اقول لك ايام زماننا والله ثم والله يوم اجراء البكالوريا كانت الاساتذة الذين يدروسوننا هم الذين يحرصون علينا ايام الامتحان ,لا الاستاذ يقدم المساعدة لتلاميذه , لا نحن نفكر في الغش ولا حتى التفكير في خطف كلمة من زميلك .
حتى بنائنا التلاميذ ليس كلهم غشاشين , فالاقلية فقط , وهم الاتكالين والنائمين طوال العام الذي يقضوه زهوا ولعب وفي النهاية , الوسيلة الوحيدة للنجاح هي الغش , وفي هذه الحالة يستعمل جميع الوسائل , ليس الزوم فقط وانما التهديد حتى بالقتل , وانا شاهد على بعض الحالات.
بني عليك بالاعتذار للاساتذك , فالله سبحانه وتعالى لن يغفر لك ذلك .

[iukamos]

تبا لك أيها الوزير فقلبي الصغير لا يتحمــــــــــــــــــــــل