إستفسار حول التسجيل كمترشح حر ..

[argismed]

المشاركة الأصلية كتبت بواسطة noureddine18

نورمالمو متاحة للتقني الطب والله اعلم

المشاركة الأصلية كتبت بواسطة ino sweet

الطب ليست متاحة للتقني رياضي والله اعلم

استفسر عن هذا الامر قبل ذلك

بالتوفيق

يمكنهم إختيار تخصص طب
ملاحظة : في النظام القديم لم يكن يسمح لهم

[{ حديث الوجدان }]

تخصص الطب متاح للتقني

[السيد عصام]

أرجو من الإخــوة الدعاء بالتوفيق لجميع المسلمين

[TheGoodLife]

المشاركة الأصلية كتبت بواسطة oussama walid

التوقيت فلول كي كنت نراجع دروس السنوات لي فاتو كنت نقرا مادة حتى نتعب منها و نبدل تقريبا كل أسبوع نبدل بديت بكيمساء ثم رياضيات و الفيزياء و كملت غير معاهم حتى جانفي و لازم كل شهر نكمل وحدة من البرنامج في مارس بديت عربية و شوية فلسفة. الحفيظة بديت في نص أفريل كل يوم درس نعاودو اليوم لي بعدو و بعد 4 أيام ثم 7 أيام ومبعد شهر في شكل امتحان ماشي تقرى من الكراس
كنت نقرى كل يوم ربما ديت يومين أو 3 راحة في العام كامل. بصح هكذا ما تعبتش في نهاية العام ولا مرة درت ليلة بيضاء
الرياضيات خليت الهندسة الفضائية في الأخير و كانت غلطة كبيييرة فيها أنواع الأسئلة بزاف و لازم تبداها في نص العام باه تطبق طرق الحل كاملين
الفيزياء مركزتش على التمارين بزاف استعملتهم فقط باه نلقى النقائص و نولي نعاود الدرس و في كل مرة يتعمق الفهم و هذا وش سلكني في الامتحان . الطلبة لخرين يستعملو التمارين باه يلقاو أفكار و يحفظوهم و النتيجة نهار الامتحان بدلولهم غير شوي الأسئلة حصلو . الكيمياء لازم تفهم الحساب الستوكسومتري قبل كل شي و اذا كنت تجيد الانجليزية و الفرنسية نمدلك كتب روعة تاع جامعات أمريكية.
اللغات ماراجعتش مستوى راك علابالك بيه تاع الامتحانات
بالنسبة للبرنامج ما درتش برنامج زمني نقرا وش تنفحلي المهم نتقدم فالمراجعة و نتا و ظروفك. أنا كنت نقرى ساعتين مع بعض أو 3 اذا كان الدرس مليح و نستراح ساعتين بصح ما قدرتش نزيد فوق 7 ساعات يوميا . و كي وليت نقرا ساعة و نستراح 15 دقيقة لحقت 11 ساعة : دراسة جدية قصدي ماشي تقرى شوي و تكونيكتي شوي
هذا وش راه في بالي ضرك اذا عندك أسئلة محددة اطرحها
صح فطورك أخي

khouya ana ma3dnich lwa9t yasser psq f nhar 3andi omour na3melhom, tsamma ra7 tkoun 3andi ghir 3 heurs yawmiyan lel9raya... ou golt ki nossel l mars neglebha 7/8heurs akeka... Wech rayek? Na9der nalheg haka

[argismed]

المشاركة الأصلية كتبت بواسطة thegoodlife

khouya ana ma3dnich lwa9t yasser psq f nhar 3andi omour na3melhom, tsamma ra7 tkoun 3andi ghir 3 heurs yawmiyan lel9raya... Ou golt ki nossel l mars neglebha 7/8heurs akeka... Wech rayek? Na9der nalheg haka

من المفروض تكفيك هذه المدة الزمنية

[doussma bk]

نعم الى غاية فترة التسجيلات

[oussama walid]

المشاركة الأصلية كتبت بواسطة thegoodlife

khouya ana ma3dnich lwa9t yasser psq f nhar 3andi omour na3melhom, tsamma ra7 tkoun 3andi ghir 3 heurs yawmiyan lel9raya... Ou golt ki nossel l mars neglebha 7/8heurs akeka... Wech rayek? Na9der nalheg haka

تكفي بشرط تكون منضبط يعني تقرى يوميا ادا كان هدفك معدل ممتاز

[r4biadz]

بارك الله فيكم .

[~ حِـكــآيةُ حُ‘ـلمٍ ♫]

السلام عليكم

الف مبروك خويا سعيد ، هذا وين خبرتني نعمة

الحمد لله الجهد لم يضع سدا ، ولله غير فرحتلك من قلبي

مرحبا بك في كلية الطب مسبقا ^^

[{ حديث الوجدان }]

المشاركة الأصلية كتبت بواسطة ~ حِـكــآيةُ حُ‘ـلمٍ ♫

السلام عليكم

الف مبروك خويا سعيد ، هذا وين خبرتني نعمة

الحمد لله الجهد لم يضع سدا ، ولله غير فرحتلك من قلبي

مرحبا بك في كلية الطب مسبقا ^^

أهلا أختي ملاك .. الله ابارك فيك والعاقبة ليك لنجاحات مستقبلية

والله كانت نعمة إلهية أن تحصلت على هذا المعدل ..

كيف ؟ ومن أين ؟ لاأدري ... ما أعرفه أنها رحمة منزلة من الله تعالى

فالحمد لله ... الحمد لله ...

______


ماذا عن أخيك ؟ بشرينا ...


_______

بدأت أتخوف من التخصص صراحة رغم أن العديد طمأنني

الكثير سعيد بمعدله وتخصصه .. انا العكس هههه

هل هذا أمر طبيعي ؟

[~ حِـكــآيةُ حُ‘ـلمٍ ♫]

ان شاء الله ربي يوفقنا في طاعتو اجمعين ^^

بالنسبة لاخي الحمد لله نجح ب13.70 ، لكن آك علابالك خيارات المعدل هذا جد محدودة مع الاسف :/

المهم ، ولله نفس الاحساس لي قاعد تحس فيه عديت عليه العام اللي فات

العبد يعود يتوسوس من كلش و هدرة الناس تدي وتجيب وكل واحد فيهم يعود طبيب كاره من الميزيرية و الحقرة ويهرب فيك منها هههه

بصح نقولك حاجة ، الرزق بيد ربي سبحانو و طول المدة لي يشكيو منو ماتحسش بيه ، اصلا عامي الاول تم تم لقيتو خلص

والصعوبة ، كلش صعيب في الدنيا هاذي حاجة ماتجي بالساهل

الاهم في الطب انك تكون انت حابو ومقتنع بيه ، وباذن الله الانسان يتعب ويجتهد وربي مايخيبش عبادو

تاع بسكرة وين يوجهوكم ؟ واي استفسار و او تساؤل تفضل خويا العزيز وان شاء الله نحاول قد مانقدر نوصلك الواقع على خاطر اني نكره لي يصورولك التخصص جنة ومبعد تتصدم " كيما جماعة تدي الباك وتتهنى شبعت دعاوي عليهم "

[{ حديث الوجدان }]

ألف مبروووك عليه وإن شاء الله راح يلقا التخصص يلي يبدع فيه

ياك مش راح يعاود حر ؟ قوليلو عندك لتعاود ههههههه تموت بالملل

المهم ربي يكتبلو الخير في تخصص شباب وراهو كاين hse يقولو مليحة كنت

راح نديرها السنة زعما ..

بخصوص التخصص مايهمنيش المدة الطويلة عادي أصلا مش متخيل روحي نولي نخدم في المستقبل ههههه

بصح المشكل خايف لمنعرف نوفق بين المواد وكذلك خايف ما نعرف كيفاش نقرا ونحفظ ؟

رغم اني الحمد لله لاباس في الفرونسي تبقا قضية المصطلحات العلمية مبعد تقوليلي كيافش ..

المهم راهي عدة وساوس تجيني .. ياريت توصفيلي على العموم الميزيرة نتاع التخصص

[{ حديث الوجدان }]

نتاع بسكرة يوجهونا لورقلة هههههههه يقولو ميزيرية ثما

راني نخمم نحول لقسنطينة زعما معرف لازم معريفة

باتنة قريبة بزاف علينا حوالي 2 سوايع بصح قداش من واحد

تبدل منها ويشكو الظلم والاظطهاد وسياسة الارض المحروق ضد الطلبة هههه

[~ حِـكــآيةُ حُ‘ـلمٍ ♫]

Hse تع الامن الصناعي لالا ؟ وش يوليو يخدمو مبعد ؟

وان شاء الله كامل يفتحلنا ربي طريق الخير

بالنسبة للمواد و القراية بشكل عام ان شاء الله تقدرلها على خاطر ماشي حاجة واعرة

الطب عدوك فيه هو الوقت ثم الوقت ، كل ماكنت a jour كل ماتكون مرتاح

بالنسبة لطريقة القراية ، شخصيا هذا العام تعمدت نجرب اكثر من طريقة و نحاول نعرف كل موديل كيفاه نقدر نجيب فيه اكبر نقطة باقل جهد " هذا راجع لاني كنت نأجل المراجعة لليلة الامتحان وهذا اكبر خطأ يطيح فيه طالب الطب "

لانو في الامتحانات راه يسقسيك على التفاصيل وبالتالي تضطر تكون حافظ مليح و تدير اكثر من couche للدروس تاعك " علاهاذي يعيطولنا خباشين

بالنسبة للفرنسية فنطمنك ماش راح تكون عائق خلاص بإذن الله ، الكلمات العلمية مع الوقت تتعرف عليها و تحفظها لانها تتكرر

نشفى في ليام الاولين تعنا كنا مخلوعين من كلمة sterno-cleido-mastoidien ولا syncytiotrophoblaste
بصح مع الوقت توالف و تعود نورمال معاهم

عموما باه نقولك الميدسين ساهلة ، راح نكون نكدب عليك اصلا حاجة ماهي ساهلة في الدنيا هاذي
بصح لي علابالي الانسان يحط راسو مع حاجة و يخدم عليها مايخيبوش ربي و كي يطيح يتعلم من الطيحة

بالنسبة للجامعات نتمنى تتاح لك الفرصة في جامعتنا ، على رغم الحقرة و السابوطاج لي كاينين في كل بلاصة و كل كلية ولكن المستوى مليح و زيد عندنا 3 series يعني كي ماتجيبش في وحدة تقدر تعوض

المهم ، نوصيك على الاناتو آسعيد خويا ماتخليهاش تتراكم عليه هذا الموديل بالذات يحتاج الحفاظة بزاف و لكن هو اكثر موديل عندو علاقة بالطب في السنة الاولى فما تغلطش الغلطة تاعي ^^'

[~ حِـكــآيةُ حُ‘ـلمٍ ♫]

وبالنسبة للغة ، تقدر تطلع بين حين واخر على هاذي الصفحة
https://unemietteinfirmiere.wordpres...es-et-racines/

يساعدوك باه تفهم واش قاعد تهدر ماشي تحفظ هكاك برك ^^