ساعدوني

[مشكلتي]

السلام عليكم إخوتي في الدين
أتمنى مساعدتكم لي ولو بكلمة طيبة
أ نا فتاة جامعية من عائلة شبه فقيرة والحمد الله كثــــــــــــــــــــــــــــــــــــــــــــــــ ـــــــــــيرة المشاكل بزاااف بزااف بزاااف
منتقدرش نوصفلكم وكاين شيء لي منقدرش نحكيه
رانا عايشين في عمارة وفي نفس العمارة توجد عائلة تقرب أبي من بعيد نفس اللقب تقول عليهم ماما تاع شعودة لعقاقربحكم تعرفهم أكثر من 30 سنة وهوما عايشين في نفس العمارة المهم نعدبت بزاااااااااااااف فالقراية أنا وخوتي وخواتاتي فالمتحان نقول لإجابة بفمي صحيحة ونكتبها غالطة !!!!!!
ححنا لبنات سلكنا والحمد الله وصلنا كامل للجامعة بعنااااااااااااااااااء وحلعذاب كيفاش نوصفوا هاذوا لعباد يكرهونا وسورتوةوا على القراية جابوها ورا خويا لكبير حتى زاودوه من لقراية وخويا صغير أواصل بيه هذا عاموا لأخير أدعيولوا بالك تكون دعوة تاع واحد فيكم مستجابة وينجح في شهادة تعليم متوسط حنا لبنات نقعدوا فالدار ونديروا شي لتقول ماما رقية و قراءة القرآن بصح دراري صح يعاودوا وعاودوا تبرد لقراية من قلبهم وزيد نهار كامل وهوما برا ..
الموضوع لفقدت صبري فيه وعليه فتحت الموضوع هو رائحة عطر تدخل البيت من كل النوافد وبشكل غزيـــــــــــــــــــــــــر يعني لوكان نفرغ قرعة تاع ريحة كامل وماتجيش هكديك وكيفاه تدخل لدار بهديك لغزارة لم أفهم هوما يسكنوا فوقنا وعلى هذا كل شي يطلقوه يجي علينا والمشكل أنوا لما نستنشق هذي ريحا كامل يرجع راسنا يوجع ورجال تاع داروا يرجعوا لأتفه سبب ينوضوا عرس والله ياخوتي كرهت هذا الوضع إيماجينيو فشهر رمضان ورحمينهاش لازم دايمن نغلقوا النوافد والله ليوم حسيت بروحي رايحا نطيح طاجين تاع لكسرم من جيه وقدرة تغلي من جيه وضيق وطاقة مغلوقة إـــــــــــــــــــي وي
وبحكم حنا شبه فقراء مستحيل نبدلوا سكنه
مام مرة جبنا الراقي لدار ومابان والوا
والله ياخاوتي ماكانش رمضان عديتوا كيما هذا كرهت كل شي وفقدت صبر وراني نخمم في تخمام ربي يغفرلي برك
أدعولنا وهل يوجد حلول
أنا متأكدة من كل شيء قلته وأقسم بالله أن هذا واقعي المعاش حاليا وسابقا ولا أريد سماع أنه وسواس أو شيء من هذا القبيل
هذا شيء قليــــــــــــــــل من الواقع المعاش :'(
هل من حلول !؟

[ayaamira666]

ربي يفرج عليكم اختي
نصيحتي ليك انك ماتعمريش راسك بزاف بيهم حاولي ان تتلهاي بامور اخرى تخرجك من دائرة الفقر و سوف ترين حياتك تحول الى الافضل
بما انك جامعية فجدي لنفسك عملا تساعدين به عائلتك و تنساي الشر تاع الجيران هادو
حاولي قدر المستطاع قراءة القران و المواضبة على الصلاة و الادكار

[lachiche]

Slm alikium khti nchallah tfaradj 3likiun rabi bon habit ngoulk hadja lfakr nrml w machi 3ibe w denia rahi dor w matab9ach hakda w yji nhar w twaliw labas bikoum mais lazem tosbro W nti a9rat w diri lgelb w okhrdji hadja w 33awni darkoum w khawtek chej3ihoum w anshihium w jirenkoum hadouk ta9adrou tbi3ou darkoum w tarahlou c nn ahadrou m3ahoum gololhoum rakoum dironjitouna balak yahdihoum rabi

[أم شروفة]

ممكن غير وسواس منك ...المشاكل في كل عائلة جزائرية ...لاقوهم بالحسنى وخليهم لربي

[naamane3]

اذكار الصباح والمساء
معها لن يضركم شيئ باذن الله

[rose de sable s]

مشاكل كاين في كل بيوت
و اولاد اغلبهم ميحبوش لقراية يعني عادي
ديرو سورة البقره في منزل و اذكار صباح و مساء
لكن تستطيعو تغير منزل بتبديله مع شخص اخر ابحثي عن من يريد تغير منزل
اسال جيران اذا هم ثاني يشم ريحة ام لا حتي تتاكدي

[عين الصقر]

اختي هذا وسواس يفعل بصاحبه العجب اكثر مما يفعله السحر
ماتعمريش راسك بيهم خلاص
ولن يضركم شيء الا باذن الله تعالى
وفيما يخص اخواك الذكور فالأوضاع المادية تلعب دور كبير في هذا الحالة وخروجهم للشارع و ماشابه من تداعيات الاجتماعية وهذا الظاهرة موجودة في معظم الأحياء والعمارات والجزائري بطبعه منرفز
اطلقو سورة البقرة في الدار وقراي اية الكرسي وارمي كامل هذا التخيلات من راسك
مالازمش كل شيء نحصلوه في العين والسحر وما شابه مع أنها امور موجودة وحق
وحاولو بعد التخرج البحث عن عمل

ربي يرزقكم الطيبة والطمأنينة والامان

[الفاتحة]

ما تخافوش منهم وتوكلو على ربي ماكانش حاجة تضر الا بإذن الله ممكن اللي تفكرو فيه صحيح لازم الرقية والقرآن وممكن مجرد وساوس وفي كل الأحوال الانسان المؤمن ما يضرو والو لا سحر لا عين لا الشر تاع العباد لذلك الرجوع الى الله والتوكل عليه وعدم الخوف الا منه ونقولك حاجة الدنيا فانية وكل واحد يخلص وش دار ما تخميش بزاف وصحا رمضانكم

[no name rix]

قوموو بتبادل أو بيع ثم شراء منزل أخر
الله يكون فعونكم

[مجرّد إنسان]

فهمت من كلامك بأنّك وعائلتك تتعرضون لأذى كبير من الجار "المشعوذ" الذين يسكن فوقكم
وأنّ الأذى الذي تتعرضون له يكون مباشرا كالأصوات المرتفعة التي تزعجكم أو غير مباشر كالسحر أو ما شابه ذلك
على كل حال أنصحكم بالصبر والإكثار من قرآءة القرآن والدعاء
أدعوا الله بأن يفرّج كربكم وبأن يقيكم شرّ جاركم
وإن كنتم تستطيعون أن تنصحوا جاركم مباشرة أو عن طريق وسطاء كإمام المسجد مثلا ومن دون وقوع مشاكل وأضرار أكبر فذاك الأفضل لعلّ وعسى أن يهديه الله

[snowiman]

يحسن عونكم



.

[أم فاطمة السلفية]

السلام عليكم ورحمة الله

أختي الكريمة اذا كان شكك في محله وتقينت أن الأمر قد يتعلق بالسحر والحقد فاني أنصحكبما يلي وباذن الله تكون النتائج طيبة:
-شغلي سورة البقرة في البيت وأعيديها كل ماتنتهي وان تعذر وجود المذياع أو اي جهاز آخر اقرئيها من المصحف مباشرة.
-خذي دلو من الماء وأقرأي الفاتحة والاخلاص والمعوذتين وآيات الكرسي ورشي بهذا الماء كل زوايا البيت .
-افتحي النوافذ ولا تخافي من أي شيء فيد الله فوق أيديهم ولاتخشي منهم وأقولها لك لا تخافي منهم، لا من السحر ولا من الرائحة التي تدخل البيت فانهم لن يضروك باذن الله وأوصيك بصلاة الفجر والمحافظة على الأذكار وقراءة القرآن وقد يكون للبيت ومشاكله تأثير على نفسيتك فاستعيني بالله ولا تقنطي من رحمة الله فسيأتي الفرج باذن الله وحاولي أن ترقي الماء وأعطيه لأخوتك أما أن يعتقد الانسان أن كل ماأصابه من السحر فسيدخل في متاهة ليس لها مخرج ولذلك اعزمي أمورك وتوكلي على الله وفي الأخير أسأل الله الكريم رب العرش العظيم أن يرفع عنكم البلاء و يحفظكم من كل سوء انه ولي ذلك والقادر عليه.

[nesrinwarda]

االسلام عليكم ورحمة الله وبركاته
لن يصيبنا إلا ما كتب الله لنا

[meriem algerie]

"قل لن يصيبناالا ما كتب الله لنا " صدق الله العظيم

اية الكرسي كل صباح ومساء ولن يضرك اذى الانس والجن باذن الله