استفسار عاجل - الصفحة 2

عبد الرزاق 96 · 2011-01-19, 18:42

اقتباس:

المشاركة الأصلية كتبت بواسطة adelfaz

انا تكونت في تيارت في معهد ابن رشد
الاكل جيد / البرد قارص جدا/ السكن كاين مليح وكاين الشالي غرفة لكل اثنين/ الموقع قريب من وسط المدينة ومن المسجد والدوش يقابله محل

مشكووووووووووور

عبد الرزاق 96 · 2011-01-19, 18:44

اقتباس:

المشاركة الأصلية كتبت بواسطة setif-info

السلام عليكم
هناك جديد في ما يخص التكوين يكون في ولاية تيارت
يوم 01 فيفيري واحيطكم علما اني قرات الفاكس في المديرية بنفسي والتكوين يخص عدة ولايات سطيف برج باتنة ...
ويكون استلام الاستدعاءات يوم الخميس على 8 في مديرية التربية
مع العلم انه يطلب من كل واحد اعداد ملف اداري جديد كما قال لي رئيس مصلحة التكوين و التفتيش بمديرية التربية لولاية سطيف

مشكووور وما هو الملف الاداري المطلوب منك

عبد الرزاق 96 · 2011-01-19, 18:48

اقتباس:

المشاركة الأصلية كتبت بواسطة bababi

انا قد وصلني الاستدعاء لبداية التكوين في تيارت يوم 1 فيفري

هل اتصلوا بك هاتفيا لاستلام ابلاستدعاء

هل الاستدعاء يخص جميع الولايات
مشكور

أحمد الأمين24 · 2011-01-19, 20:48

السلام عليكم،أنا كنت ف التكوين العام اللي فات بتيارت و واش نقولكم.البرد يقطع،الماكلة ف الفطور مليحة و العشا ما كان ماكان الشربة و الجلبانة دير فيكم حالة كي ما تشبعوش قولو لصالح يزيد لكم،حاشاكم ليتوالات كـــــــــــارثة صحية، الماء غير صالح للشرب لازم تشرو من الحانوت،كاين مسجد القدس و قريب ل ليتيو لي تقراو فيه الدوش فان قريب.
القراية نورمال كاع تنجحو و ما يخلعوكمش كلش شكليات بصح حلو ريصانكم شوية.كاين الحبس مقابل ليتيو لي حب يبات ليلة ولا زوج فيه راهم يرحبو بيكم.
كاين المعلمات يقراو باش يكونو معلمات ابتدائي كارثة أخلاقية و تربوية.بصح مشي كاع.
كاين ميزو جان لي يحب الانترنيت ب 20 دينار للساعة.
ســـــــــــــــــــــــلام.

setif-info · 2011-01-20, 13:02

شكرا اخي على المعلومات المفيدة

ben3ain · 2011-01-20, 15:24

وهل فترة التكوين متقطعة حيث انني سمعت ان التكوين النظري يتخلله تكوين تطبيقي في احدى المؤسسات التابعة لولاية المتربص
اريد من متربصي الدفعة الماضية مزيدا من الشرح حول التكوين التطبيقي ومدته و لكم جزيل الشكر

بقعة ضوء · 2011-01-20, 15:25

انا شخصيا تكونت في سطيف، ذكريات لن انساها مهما عشت من الزمن
التكوين كان بثانوية ابن رشيق في الحي الهادئ والجميل بومارشي
المبيت بالنسبة للذكور كان بمتق ابي بكر قروي، غرف ما شاء الله، نظافة، الماء 24/24 الدوش.... اما بانسبة للاناث فكانت الاقامة في ثانوية ابن رشيق
والله ذكريات ما بعدها ذكريات والجوانب الحسنة غطات على الجوانب السيئة هذه الاخيرة نرجعها لسوء التنظيم وقلة الخبرة
مدينة مضيافة وناسها كراماء نتذكر لما انطالق التكوين في شهر ماي التحقت بالتكوين بملابس صيفية والله صدقوني صاحب احد المقاهي لي كنت نرتادو عطاني مسكين المعطف تاعو وكذلك فعل احد الاساتذة المؤطرين مع ميل ليا سبحان الله.....
عذرا ما قصدت نخرج عن الموضوع لكن الذكريات وحميمية التكوين هي لي اثرت فيا ان شاء الله تلقاو نفس ظروف الاستقبال في تيارت مع اني اشك مسبقا في ذلك ومعذرة مسبقا من اهل تيارت لكن والله سطيف حالة خاصة، توصلت انو المؤطرين عرضونا حتى لبيوتهم نذكر منهم عمي عبد القادر لي نتمنالو السعادة والهناء بما انو احيل على التقاعد مؤخرا

setif-info · 2011-01-20, 15:43

وهذا حال ناس سطيف الكل ناس كرو وجود وان شاء الله نلقاو المعاملة الجميلة في تيارت

setif-info · 2011-01-20, 15:46

اقتباس:

المشاركة الأصلية كتبت بواسطة ben3ain

وهل فترة التكوين متقطعة حيث انني سمعت ان التكوين النظري يتخلله تكوين تطبيقي في احدى المؤسسات التابعة لولاية المتربص
اريد من متربصي الدفعة الماضية مزيدا من الشرح حول التكوين التطبيقي ومدته و لكم جزيل الشكر

اخي العزيز لقد تحصلنا على برنامج التكوين والورقة مع زميلي وفيها ما كتبته حيث التكوين يكون مقسم على 04 مراحل :
من 30/01 الى 17/02
من 20/03 الى 05/04
والباقي لم اذكره

أحمد الأمين24 · 2011-01-20, 18:27

السلام عليكم،العام الماضي بحكم أننا التحقنا بالتكوين متأخرين لتأخر النتائج كان التكوين التطبيقي مرة في ماي 15 يوم و آخر في أوكتوبر شهرا كاملا ثم الامتحانات النهائية و مذكرة نهاية التكوين. بصح كيما قلتلكم ما يخلعوكمش كامل تنجحو .و أنوه أن التواريخ لفترة التكوين تتبدل بين ليلة و ضحاها راكم تعرفو بلادنا.
وفــــــــــــــــــقكم الـــــــــــــــــله.