الجزء163من كوزينة واش طيبتي اليوم ؟؟.؟؟؟.؟؟ - الصفحة 2

omhadil · 2016-04-19, 08:51

وهذا عشايا البارح روز بالفرن

ام هدول · 2016-04-19, 08:53

الله يبارك على الخيرا ت حيوتة وام هديل حتى انا كي نرجع نرجع يارشيفي ان شالله سلالالام

ام عبدو و ملاك · 2016-04-19, 08:55

ام اسلام الف الف مبروك افتتاح الكوزينة الجديدة وبالربح ان شاء الله
لي عودة بالباروك

حياة نور الدين · 2016-04-19, 08:58

اهلااااا اسيمهان ان شاء الله ريحتي والقلوب عند بعضها حنا ثان توحشسنااااك

ام هديل وام هدوال صباح الانوااار

انا فطوري بواقي الحريرة والبوراك

x ام رحاب x · 2016-04-19, 09:00

محبوش يطلعولي الصور هبلني المركز بسيف باه طلعو هاكي باروكي المتواضع غير من الارشيف
الكعك التركي

ليتارتولات

lyzzabel · 2016-04-19, 09:15

السلاام عليكم و رحمة الله ،، صباح النووور حبيباتي و نهاركم طيب نتمنى تكونو قاع لاباس نتوما و عائلااتكم ياارب

دخلت لقيت حبييبة قلبي ام اسلاام حلت الكوزينة الجديدة الف مبرووووك يا الحبيبة ان شاء الله تربح عليك و علينا و تزهى بأطاايب الحرااير الفحلاات و شكرااا على الحلو لي استقبلتينا بيه ربي يحلي اياامك و ايامنا يا رب

يعططيكم الصحة على باروكااتكم المشهية حبيباتي كل وحدة بإسمها و ألف أهلااا و سهلاااا بحبيبتي الغااالية اسمهاان والله وحشتك كبييييرة موااااااح

ام عبدو ما سمحتليش الفرصة نشكرك على كوزينتك الرائعة كروعتك و طييبة قلبك و بارك الله فيك قمتي بضيافك و ضيفتيهم أحسن ضيافة و سامحيني ما شاركتش فيها بزاف لضروووف وااااع

غاليتي ام إسلاام نحاول نحطلك تاباروك بصح من الأرشيف ما راني نصور وااالو المورال راه على حساب الجهد و الحمد لله على كل حال

ميمتي الحنينة كي راكي يا الغالية توحشتك بزااااااااف

سبحان الله و الحمد لله و لا إله إلا الله و الله أكبر

حياة نور الدين · 2016-04-19, 09:21

لقيت البنات حطوا خيراتهم وكلامهم وطلباتهم في كوزينة المعلمة نقلتها هنا باش تشذوفوها

اقتباس:

المشاركة الأصلية كتبت بواسطة أم محمد تاج

صباحاتي يا بطااات ونهاركم زييين وكروووشكم معمرييييين ههه
حبيباتي اسمحولي مانيش نشارك والله مشغوولة لشوشتي هاذو افراح وهاذو مزيودين جدد الله يدوم الافراح علينا وعليكم يارب
ام عبدوو الف الف شكر على الاستظافة الطيبة يا طيوووبة
حبيباتي نشالله نرجع بالخير والخمييير انتظرنني
مواحاتي للكل
حقة بليييز لي عندها خبر على ام كاميليا تراسلني على الخاص ربي يعيشكم
سلام

اقتباس:

المشاركة الأصلية كتبت بواسطة oum ibrahim

صباح الخيرات يا الحراير يومكن موفق و سعيد
دخلت للصفحة الاخيرة قبلتني الكسرة نتاع ام جوجو الفحلة يعطيك الصحة اممممممم
ام لجين تفضلي الوصفات و اسفة على التاخير
وصفة قوارب البطاطا و الكورجات المحشية
نحضر صوص بيضاء بقطعة صدر دجاج بصل سنة ثوم ملح فلفل اسود
من جهة اخرى نجيب حبات بطاطا و كورجات نقطعها بالطول على 2 و نفرغها من الداخل ونملحها و نقليها والزائد الي نحيناه منها نفورو
بعد ما يطيب الدجاج نفتتو و نخلط معاه الخليط نتاع البطاطا و الكورجات الي فورناه و المعدنوس و حبة بيض او اكثر حسب الكمية ملح فلفل اسود
نحكم القوارب نحط في وسطها قطعة جبن ابيض اختياري نقدر نستغنى عليها و نعمرها بالحشو و نستفها في بلا و نفرغ عليها شوية صوص الي طاب فيها الدجاج و ندخلها الفرن ما تطولش بزاف غير قيس ما يحكم البيض كلشي طايب لما تطيب نخرجها و نحط من فوق جبن مبشور و نرجعها يذوب الجبن و نطفي و الصوص الي طاب فيها الدجاج لازم تكون خاثرة و كمية قليلة اما الي ما يحبش الحاجة الناشفة ممكن يخلي شوية صوص للتقديم و الف صحة و هناء

قراتان البسباس بكريمة الجبن
نحضر صوص بيضاء بقطعة صدر دجاج بصل ثوم ملح فلفل اسود
ننظف البسباس و نقطعو شوية صغير و نزيدو مع الدجاج و نخليه يطيب
نقطع البطاطا دوائر و نقليها و نقطرها من الزيت
لما يطيب الدجاج والبسباس نفتت الدجاج و نخلطو مع البسباس و نجيب بلاتو فرن ندهنو بقليل من المرغرين و نستف فيه البطاطا و فوقها نفرغ خليط الدجاج و البسباس و من فوق نفرغ الكريمة و الى الفرن ما تطولش بزاف غير تتداخل الكريمة مع المكونات نشعل من فوق و نحمرالقراتان من فوق ونطفي و نقدمها مع رشة معدنوس والف صحة و هناء على فكرة كنت نديرو بالبيشاميل لكن من يوم درتو بهذي الطريقة وليت ما نستغناش عليها امممممممممممم
كريمة الجبن
كاس و نص حليب ملعقة كبيرة مملوءة نشاء كمية من الجبن الابيض قليل من الملح نخلط بارد في بارد و نحطها فوق النار و نحرك حتى تعقد ننزعها و نفرغها مباشرة فوق القراتان و هي سخونة لانو لوكان تبرد رايحة تتماسك
على فكرة اذا درتو كمية كبيرة من الدجاج والبسباس و البطاطا تزيدو في كمية الكريمة يعني تزيدو في الحليب و النشاء و الجبن

اقتباس:

المشاركة الأصلية كتبت بواسطة omjoujou

السلام عليكم ورحمة الله وبركاته
صباح الخيرات
جبتلكم رخسيس سخون غير كيما كملتو باه تفطرو بيه قصدي تشربو قهوة بيه تفضلوا

غدايا لحم العجل بالبطاطا في الفور طريقة ام وليد
يوم موفق للجميع
سلاااااااااااام

اقتباس:

المشاركة الأصلية كتبت بواسطة أم لجين هيثم

صباح الخير ويوم موفق
عاجل
لي جربت العجين المورق السحري تقلي كاش نصائح عليه وكيفية طيابها باه جي مورقة راني رايحة نجربها ضك راني اول مرة رايحة نعملها
وحطولي رابط تاع ليتارت بالتفاح لي درتهم الاخت رزيقة

lyzzabel · 2016-04-19, 09:21

بسم الله

lyzzabel · 2016-04-19, 09:26

lyzzabel · 2016-04-19, 09:36

هدا قراتان تاع لا بيري بالفيوند آشي درته هادو يومين هدا ما صورت خخخ و جاج مفور

[IMG][/IMG]

و هادو لمحبااات الكسكس و المعجنااات منهم حبيبتي الغالية ام اسلاااام و زقزوووقة و حيوووتة

و الحمد لله على نعمه حمدا كثيرا طيبا مباركا فيه

حيوووتة شكراا على النقل عزيزتي

سكرووور على سلاااامتك والله حتى انا راني محيرة على ام كاامي كليوم نقول نراسلها مي نشوف اللامبة تاعها طاافية ياااربي سمعنا عليها سماع الخير ياااارب

ام عمووودي مشكوورة على الوصفاات الرااائعة يا عسسسل

ام لجين والله ما عندي فكرة حبيبتي و تارت التفاح خاطييييني ما نبغيهمش ان شاء الله يدخلو الشيرات و يفيدوك

فطوري اليوم جلبان بالمرقة و اللحم و سلطة و الحمد لله على نعمه راني روطااار واااااع

ربي يعاونكم حبيباتي و صح فطووركم

أستغفر الله العظيم الذي لا إله إلا هو الحي القيوم و أتوب إليه

oum ibrahim · 2016-04-19, 10:07

يعطيكم الربح نتوما هنا و انا نهدر وحدي لهيه هههههههه
راني جبت مشاركاتي
QUOTE=oum ibrahim;3995462095]صباح الخيرات يا الحراير يومكن موفق و سعيد
دخلت للصفحة الاخيرة قبلتني الكسرة نتاع ام جوجو الفحلة يعطيك الصحة اممممممم
ام لجين تفضلي الوصفات و اسفة على التاخير
وصفة قوارب البطاطا و الكورجات المحشية
نحضر صوص بيضاء بقطعة صدر دجاج بصل سنة ثوم ملح فلفل اسود
من جهة اخرى نجيب حبات بطاطا و كورجات نقطعها بالطول على 2 و نفرغها من الداخل ونملحها و نقليها والزائد الي نحيناه منها نفورو
بعد ما يطيب الدجاج نفتتو و نخلط معاه الخليط نتاع البطاطا و الكورجات الي فورناه و المعدنوس و حبة بيض او اكثر حسب الكمية ملح فلفل اسود
نحكم القوارب نحط في وسطها قطعة جبن ابيض اختياري نقدر نستغنى عليها و نعمرها بالحشو و نستفها في بلا و نفرغ عليها شوية صوص الي طاب فيها الدجاج و ندخلها الفرن ما تطولش بزاف غير قيس ما يحكم البيض كلشي طايب لما تطيب نخرجها و نحط من فوق جبن مبشور و نرجعها يذوب الجبن و نطفي و الصوص الي طاب فيها الدجاج لازم تكون خاثرة و كمية قليلة اما الي ما يحبش الحاجة الناشفة ممكن يخلي شوية صوص للتقديم و الف صحة و هناء

قراتان البسباس بكريمة الجبن
نحضر صوص بيضاء بقطعة صدر دجاج بصل ثوم ملح فلفل اسود
ننظف البسباس و نقطعو شوية صغير و نزيدو مع الدجاج و نخليه يطيب
نقطع البطاطا دوائر و نقليها و نقطرها من الزيت
لما يطيب الدجاج والبسباس نفتت الدجاج و نخلطو مع البسباس و نجيب بلاتو فرن ندهنو بقليل من المرغرين و نستف فيه البطاطا و فوقها نفرغ خليط الدجاج و البسباس و من فوق نفرغ الكريمة و الى الفرن ما تطولش بزاف غير تتداخل الكريمة مع المكونات نشعل من فوق و نحمرالقراتان من فوق ونطفي و نقدمها مع رشة معدنوس والف صحة و هناء على فكرة كنت نديرو بالبيشاميل لكن من يوم درتو بهذي الطريقة وليت ما نستغناش عليها امممممممممممم
كريمة الجبن
كاس و نص حليب ملعقة كبيرة مملوءة نشاء كمية من الجبن الابيض قليل من الملح نخلط بارد في بارد و نحطها فوق النار و نحرك حتى تعقد ننزعها و نفرغها مباشرة فوق القراتان و هي سخونة لانو لوكان تبرد رايحة تتماسك
على فكرة اذا درتو كمية كبيرة من الدجاج والبسباس و البطاطا تزيدو في كمية الكريمة يعني تزيدو في الحليب و النشاء و الجبن

[/QUOTE]

ام سوهيل · 2016-04-19, 10:07

صباح الخير عليكم ومبروك الكوزينا الجديدة اختي ام اسلام ان شاء الله تكون فاتحة خير علينا جميعا تفضلي بروكي المتواضع
لبنات كل وحدة بي اسمها وش راكم ولله غير توحشتكم

بصح مرانيش مليحة اخلاص وععععععععععع

متتقلقوش

لبنات راني حامل في الشهر 3 وراكم عارفين الاثار الجنيبية تع الوحم انشاء الله انخول انكوت معاكم قدر المستطع لانو بي صراحة معنديش نفس باش اتخلط ونصور

راني ندخل للكوزينا غير بسيف

oum ibrahim · 2016-04-19, 10:15

وهذا بريوش باه تفطرو
بسم الله

و الحمد لله حمدا كثيرا طيبا مباركا فيه
لي عودة للراجعة سلااااااااااام

ام سارة18 · 2016-04-19, 10:16

السلام عليكم
ام اسلام الف مبروك افتتاح الكوزينة الجديدة وان شاء الله تكون كوزينة الخيرات والافراح
ماعنديش باروك جديد ان شاء الله كاش مانلبز حاجة ونحطها
ام سوهيل الف مبروك الحمل وربي يتمملك على خير وربي يرزق كل ام محرومة
لبنات يعطيكم الصخة في الخيرات الي حطيتوها كل وحدة باسمها

oum ibrahim · 2016-04-19, 10:17

اقتباس:

المشاركة الأصلية كتبت بواسطة oum ibrahim

اختي مسلمة في نفس الصفحة الي فيها طياباتي او الي بعدها تلقاي الوصفة كتبتاها ام عبدو اذا مالقيتيهاش نعاودهالك

ام لجين وين عجين سحري تقصدي نتاع ام وليد او وصفة اخرى ؟؟؟؟
اذا هي انا درت نصف المقادير و قسمت كلشي على 2 و الطياب العجينة المورقة بصفة عامة اذا حبيتيها تنتفخ ما ترققيهاش كي تحليها ماعدا الميلفاي لازم رقيقة و تاني سخني مليبح الفور و لما تدخليها ديريها على حرارة مرتفعة حتى تشوفيها انتفخت نقصيلها و خليها تطيب من الداخل و تتحمر
بالنسبة لرابط تارت التفاح ادخلي مواضيع رزيقة تلقايهم النت عندي ثقيلة لوكان جبتهملك
ام مريومة عاش من سمع صوتك يا موصيبة توحشتك رانا في الانتظار
حقى نسيت ام محمد 5 نقولك يعطيك الف الف عافية على التطبيق و الله خرجلك روووووووووووووعة و تقدري بهذيك العجينة ديري انواع معجنات بزاف من بعد نجيبلك صور تشوفي بصحتكم وشكرا على الثقة
عسلاية طال غيابك ؟؟؟

ليزا العسل سبحان الله انا نسقسي عليك في كوزينة ام عبدو و انت دخلت عند ام اسلام القلوب عند بعضها غير الخير وشبيها ام كامي ؟؟؟؟