الجزء73 من واش طيبتي؟ابداااااع فحلات الجلفة - الصفحة 3

أم ريمة* · 2014-05-06, 13:54

الف مبروك ام امانى كوزينة عامرة بالخيرات الله يبارك انا ندى الحلويات ممممممممم اتفضلى الباروك

ام امانى ياريت تعطينا طريقتك فالفريزى و واش درتى لام محمد تاج ؟؟الصورة 5 وشكرا جزيلا

راجية غفران ربها · 2014-05-06, 14:00

هاهم تطبيقات من كنوزك يا الغالية

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

قطيطوشة · 2014-05-06, 14:01

كوزينة مبروكة أن شاء الله
الله يبارك ويزيد
ويسلم يديكم

طير الرحمة · 2014-05-06, 14:03

اقتباس:

المشاركة الأصلية كتبت بواسطة أم محمد تاج

ام ياسووو محترفة التحريفات هاي ليك وصفة البابي papi يهبل يهبل على ضمانتي من كراستي

papi
4بيضات كاس سكر كاس زيت باطة ياؤورت كاس حليب 2 باكيات خميرة وكاس سميد وكاس فرينة ورشة ملح وفاني
اولا نخبط البيض مع السكر والفاني مليح مليح ونضيف رشة ملح ونضيف الحليب والزيت والخميرة والفرينة والسميد ونحطهم في بلاطو مدهون بالزبدة والفرينة ونطيبو مثل المسكوتة
ومن جهة نوجد شاربات خفاف وكي يطيب نسقيوه غير خفافي مايش كيما البسبوسة ونزين بالكاوكاو او النواد كوكو
صدقوني لي يذوقو عندي يدي الوصفة يهبل يهبل
ام ياسو ماعندك ماتحرفي فيه هههههههه

تسلم ايييييييييدك
هي متل هده الوصفة الي حطيتها امس
جبتها من الفيس وجربتها هاااااااايلو اكلوها كلها مع القهوة قاطو بالسميد والفرينة اقتصادي ويذوب في الفم
هذه الوصفة تجي خفيفة بزاف حبيباتي وسهلة ومقاديرها بسيطة موجودة في كل بيت ان شاء الله
تقدري ديريها ليلة من قبل باش تكون هشة في الغد
المقادير;
4بيض
كاس سكر
كاس زيت
كاس ياغورت طبيعي (تقدري تستعملي ياغورت بنكهات مختلفة واذا ماتوفرش تقدري ديري لبن)
2 كاس فرينة
1كاس سميد رطب
ملعقة صغيرة فانيليا
1خميرة كيميائية
نحط السكر والبيض والفانيليا في الخلاط ونضربهم مدة 4 دقائق,نزيد الزيت والياغورت,وفي الاخير الفرينة والدقيق والخميرة
نحط المزيج في المول والى الفرن لمدة 40دقيقة على درجة الحرارة 160
في الاخيركيطيب نخرجو من الفرن نكون وجدت معجون المشماش المخفف بشوية ماء ماشي بزاف ونحطو فوق القاطو ديالنا وهو سخون ونشبحو بالمكسرات او بجوز الهند
المليح في الوصفة انكم ماتحسوش ابدا بالسميد
انا درت ياغورت بنكهة فواكه الغابة ممممممم ذوق رائع جربوه ماتندموش إن شاء الله
هده الوصفة جبتها من احدى الصفحات بالفيس

هااااايلة

إضغط هنا لرؤية الصورة بحجمها الطبيعي.

ام فضيلة · 2014-05-06, 14:05

اللف مبروووووووك الكوزينة الجديدة الغالية ام اماني ومشاء الله الاطباق دائما في القمة ربي يرزقك من او سع ابوابه ويعطيك ما تتمني ويصلحلك اولاد ك يا رب جيت نسقسي على اطياقك لقيت الاخوات قاموبالواجب وشكرا لسعة صدرك وطيبة قلبك عندي سؤال واحدفقط الكريمة البيضاء الي خدمتي بيها الفريزي راهي شادة روحه ومتماسكة مشاء الله حبيت نخدم تارت لعيد ميلاد زوجي بعد غدوة يا ريت تمديهالي ولكي جزيل الشكر مع فائق الاحترام والتقدير ومع الباروك طبعا ونبدا بمقروط الكوشة وصفتك الرائعة

مريم الاميرة · 2014-05-06, 14:09

مساء النور يا حراير و صح غداكم
الف مبروك الكوزينة ام اماني و ماشاء الله على الخيرات لي حطيتيها كل حاجة تنسي في لخرى تسلم اليادي عزيزتي
حقا ام اماني اسمحيلي ما حطيتلك طريقة النقش تاع الشهدة و الله غير صورتو و استنيتك تدخلي و نتي كنت غايبة و كي جيتي نت غبت انا و زاد زوجي دا لبوغتابل نتاعي و فورماتا لاكاغت راحلي كلش و الله وخذني المهم اني شفت في قناة سميرة وحدة دارتو و طريقة النقش نتاعها ساهلة ديري برك مقروط الشهدة و رايحة تخرجلك و اسمحيلي مرة اخرى حنونتي

عطرالذهب · 2014-05-06, 14:10

السلام عليكم وكزينة مبروكة على الجميع وان شاءالله نسمعو فيها غير الاخبار الطيبة
واهم حاجة غدوى بنت رياحين راح تدخل المستشفى ادعولها بالشفاء العاجل والله ماكانش اغلى من الضنى
وربي يرزق كل وحدة بواش متمنية واللي اولادهم على ابولب امتحانات ومن بينهم بنوتاتي نتمنى ربي يوفقهم وينجحهم كاااااااااامل
ام اماني ماكولاتك لا يعلى عليها واللي تقول العكس راهي غالطة وانا شخصيا سبب شهرتي عند ماليا هي اطباقك عمري لاجربتها وماصلحتش وعجبني خبز الدار اللي شكلة نفس كسرة الكوشة نتاعي فرحت حسبتك عملتيه تطبيق
وعجبني لفريزيي وفيه دايما بصمتك منظم ومتحووووف خير من اللي شفتهم قبل مع احترامي لمجهودات الجميع
الباروك ماعنديش الجديد بالصح نحاول نخدم حاجة تليق بيك ونحطهالك

أنواار الإيماان · 2014-05-06, 14:12

مساء الخير
مبروووووووووووووووووك الكوووووووووووزينة عتبة الربح ان شاء الله

الباروك من الارشيف برك هههههههههههه ماعنديش الجدبد

مريم الاميرة · 2014-05-06, 14:12

ليلو ماكلتك تهبل الله يبارك سوغتو التريدة اممممممممممممممممم بصحتك
ام محمد شكرا على الوصفة حنونتي
منال تسلم الايادي حنونتي

راجية غفران ربها · 2014-05-06, 14:13

قلب اللوز باللبن

ام طيري الجنة · 2014-05-06, 14:14

السلام عليكم ها قد جاءت ام طيري الجنة هذه المرة لأبارك لاختي المتألقة ام اماني ماشاء الله اطباق رائعو ووصفات ناجحة ربي يباركلك اختي و يزيد و كوزينةخير و خمير معاك ان شاء الله
و هذا الباروك نتاعي الفريزيي اللي درتو لاول مرة في ظروف كوميدية حكيتها في الصفحة الاخيرة في الكوزينة السابقة هههههههه
بصح طبعا ماشي كيما الفريزيي الرائع نتاعك

اختي والله غي انت مبروكة على خاطر هذا الفريزيي راني في مدة متشوقةنديره لوكان كنت نتوحم ماشي هاك هههه

راجية غفران ربها · 2014-05-06, 14:15

تعيشي مريومة شكرا حنونة

مريم الاميرة · 2014-05-06, 14:16

ام ريمة امممممممممممممممممممممم لفريزيي تحفة من يدك
ام فضيلة كلش يهبل الله يبارك و قلب اللوز راو بقا بين عينيا نوض نديرو و نحي السخفة
الادب العربي بصحتكم الكيك
عطورة اهلا حبيبتي كيف الاحوال ان شاء الله لاباس

Sidra Seba · 2014-05-06, 14:16

اقتباس:

المشاركة الأصلية كتبت بواسطة طير الرحمة

تسلم ايييييييييدك
هي متل هده الوصفة الي حطيتها امس
جبتها من الفيس وجربتها هاااااااايلو اكلوها كلها مع القهوة قاطو بالسميد والفرينة اقتصادي ويذوب في الفم
هذه الوصفة تجي خفيفة بزاف حبيباتي وسهلة ومقاديرها بسيطة موجودة في كل بيت ان شاء الله
تقدري ديريها ليلة من قبل باش تكون هشة في الغد
المقادير;
4بيض
كاس سكر
كاس زيت
كاس ياغورت طبيعي (تقدري تستعملي ياغورت بنكهات مختلفة واذا ماتوفرش تقدري ديري لبن)
2 كاس فرينة
1كاس سميد رطب
ملعقة صغيرة فانيليا
1خميرة كيميائية
نحط السكر والبيض والفانيليا في الخلاط ونضربهم مدة 4 دقائق,نزيد الزيت والياغورت,وفي الاخير الفرينة والدقيق والخميرة
نحط المزيج في المول والى الفرن لمدة 40دقيقة على درجة الحرارة 160
في الاخيركيطيب نخرجو من الفرن نكون وجدت معجون المشماش المخفف بشوية ماء ماشي بزاف ونحطو فوق القاطو ديالنا وهو سخون ونشبحو بالمكسرات او بجوز الهند
المليح في الوصفة انكم ماتحسوش ابدا بالسميد
انا درت ياغورت بنكهة فواكه الغابة ممممممم ذوق رائع جربوه ماتندموش إن شاء الله
هده الوصفة جبتها من احدى الصفحات بالفيس

هااااايلة

إضغط هنا لرؤية الصورة بحجمها الطبيعي.

يعطيك الصحة اختي طير الرحمة راني هزيت الوصفة حطيتها في وصفات حراير واش طيبتي اليوم باش تسهلنا مهمة كي نحوسو نشوفو المقادير نتاعها تجينا ساهلة باش نجربوها انشاء الله

مريم الاميرة · 2014-05-06, 14:18

بنات حبيت ندير قلب اللوز نتاع الصوامعية شكون لي جرباتو تقلي و الا ماكانش ندير تاع ليليا مالفة نديرو و خلاص