شكون حنا!؟!

[سليم المبتسم]

شكون حنا!؟!
نحن شعب ..نسكنوا في باطيمة 75 متر مربع
ودايرين صالة معمرة بالمابل باش كي جو الضياف يقولو عندهم دار تخلع ...
مكانش شعب كيما حنا يدير عرس يعرض 400 شخص قيمة شهرية نتاع 4 سنين باش الناس تقول دار عرس يطرطق ..
أحنا شعب عايش بالغلط..نخالف
طبقاتنا وامكانياتنا المادية تلقى واحد عندوا ايفون اكس7 يسوى .6 ملاين وهو شهريتوا 2 ملاين
ومولات البيت لي كل يوم تشتكي من غلاء المعيشة وارتفاع الأسعار للخضر وهي ترمي نصها كل عشية ...
احنا لسنا فقراء نحن مبذرين نحن شعب نستهلك بغباء ولسنا منتجين للاسف نحن شعب نموت على المظاهر والتباهي و التفاخر ونضحي بالكل
باش يهدرو علينا فقط للأسف هذا واقعنا.