أريد التصرف في التركة/الورث_ساعدوني

[مشكلتي]

السلام عليكم ورحمة الله تعالى وبركاته

حبيت نسقسي، دوكا احنا جماعة من الاخوة خلالنا الوالد ربي يرحمو أرض صغيرة، وحالتها مخلطة بزاف كفاش تتقسم.
والوالدة مهيش باغية تجيب لي يقسم الفريضة
وحتى الظروف متسمحش يعني الاخوة مهمش مستعدين لظروف

وانا بديت نخاف من الموت، كون نموت النصيب تاعي يروح للورثة الا الثلث لي نقدر نوصي بيه برك،
لكن أنا بديت نخاف من الموت
حبيت نتصرف في حقي من التركة في حاجة تنفعني في قبري
نعرف ناس محتاجين أكثر من أهلي، حبيت نكتب وصية ليهم تتعدى الثلث لي سمحت بيه الشريعة الإسلامية
وحبيت ندير وقف صغير تاني لله

معرفتش وش ندير
وهل تصلح؟
هل فالبلدية ولا وين؟
نكتب وثيقة مثلا وثيقة تمليك للعائلة الفلانية بنصف نصيبي من التركة. مع تأجيل التمليك لغاية قسمة الأرض بين الاخوة سواء نكون مت أو مزولت بالحياة.

ونصف الارض وقف مدرسة قرآنية تابعة للمسجد. أيضا مع تأجيل توقيفها.

هل نقدر ندير حاجة كما هذي،

وهل نقدر نحبس التعهد هذا فالمستقبل ونغير فيه مثلا؟
اذا بانتلي عائلة أخرى اكثر احتياجا مثلا هل نقدر؟
أو اذا كنت أنا محتاج مثلا نقلل من الهبة لي نوهبها لهاذ العائلة ونخلي نصيب ليا؟