يا الي رجعتو من الثكنة وين راكم

[klayna]

السلام عليكم

- المكان - مدرسة ضباط الصف للعتاد
- الرتبة - طالب ضابط صف احتياطي
- الملف الطبي - مرض مزمن السكري

------------------------------------------------------

اليوم الأول

الكشف عند الطبيب ... ما يكلمك ما والوا لازم انت تقولوا واش بيك و لا راك apt

اليوم الثاني

تنوض على الساعة الرابعة صباحا
ديروا 5 - 5 و يحسبوكم
مباشرة الى المرحاض
تخرج 5 - 5 و يعاودو يحسبوكم
مباشرة الى المطعم و يحسبوكم
تشرب الحليب . الخبز و الزبدة و تخرج 5 - 5 يحسبوكم
و تروح لبلاصة يبان فيها العلام تقارع على الساعة السابعة و نصف تستعد يطلع العلام
ترجع الى la salle de sport وين ما كاين ليدكو زاورة
راك راقد نايض ولا تلعب ديمينو .. كارطا
وقت الفطور يخرجوك 5 - 5 و يحسبوكم و تروح تفطر فطور شباب
على الرابعة مساء الى النادي كاش ما تشري
العشاء على السادسة مساءا عشا مقود نيشان
و تروح لساحة العلام يديروا الحساب جينيرال
و ترجع ترقد على الساعة العاشرة ليلا
-------------------------------------------------
لمدة 23 يوم. ..... .... 5 - 5 و يحسبوك لووووول

لا هرب السيفيل راهي تروح في القارد سيفيل تريبينال.

--------------------------
كازيرنا تحكم

50 esor
50 eg

-------------------------
البرد مكاش
الكرفي مكاش
السيفيل كن يعرف كيفاه يهدر يجيب حقوا من الكولونال بلان
كيما أنا كنت نتقلش ههه يخافوني لا نتيحلهم
الحمام مرتين في الأسبوع
الهاتف ممنوع

----------------------
الحمد للا خرجت و تهنيت.

و مازال جماعة تما تقارع الحد يكملوا معاهم مع العلم أنا في الكازيرنا و لبسوا 50 - 50

سلام.

[federer the maestro]

انا الثلاثاء هزيت لكارت جون بعد 16 يوم في باتنة العدد كان 600 عقبنا 2 فيزيت في المدرسة لبس حوالي 200 واحد و بداو في الكورفي و بقينا 400 في الانتظار و قالونا تروحو لقسنطينة هزو 90 للمستشفى العسكري بقسنطينة 80 خرجوا معفى بسبب طبي و 10 قالولهم البسوا راكم لباس عليكم وبقى 300 شخص قالولهم من قسنطينة حبسوا و خرجوهم فائض و الغاشي كل هز لكارت جون و الحمد لله

[ali.dje]

مبروك عليكم والله تهنيتو و نحيتو مشكل من قدامكم
انا ما رحتش هاذي المرة في مارس ان شاء الله نروح . وان شاء الله كشما يكون فائض لانو ما عندي حتى دوصي
وبعض المرات نندم كي ما رحتش. بصح ما تعرف الخير وين راه هاذي المرة ولا المرة الجاية
كبروك عليكم والعاقبة للخدمة والزواج ان شاء الله

[DAHO_MATRIX]

لعقوبة لينا ان شاء الله

[iMaD SoLiTaRiO]

federer the maestro
ممكن تفيدنا ببعض المعلومات حول الثكنة بباتنة

[federer the maestro]

المشاركة الأصلية كتبت بواسطة imad solitario

federer the maestro
ممكن تفيدنا ببعض المعلومات حول الثكنة بباتنة

هي مدرسة للمدرعات المعاملة نوعا ما حسنة غير الي وصل روحو الكموندو الي يحكم فينا صعيب شويا الماكلة منحكيلكش و الكورفي ما فيهاش ياسر و قدرة استعابها من 150 الى 170 و حنا دخلنا 600 عموما من احسن المدارس و طنيا فهي تعتمد على الدراسة اكثر من التدريب و كاش ماتحتاج خويا راني هنا

[Yuzzarsif]

المشاركة الأصلية كتبت بواسطة yassine cqa

السلام عليكم
التحقت بالثكنة يوم اغلاقها في 30/09/2013 مدرسة اطارات المشاة سيدي بلعباس كاشولنا في لوردابال و قالونا روحو لمكاتب التجنيد الخاصة بكم لطلب التأجيل و قالونا كذلك يمكنكم ان تدفعوا ملفات الكفالة العائلية هناك حتى و ان لم تكونوا قد اجريتم الفحص الطبي في 19 سنة
هل فعلا يمكن ان ندفع ملف الكفالة
ارجوا الاجابة عاجلا من فظلكم

انا تاني كنت في مدرسة اطارات المشاة بسيدي بلعباس رحت في 01 اكتوبر كاشولي في لورد دابال و قالولي نفس الشيء و لكن كي رحت باش نخرج التاجيل ما قبلوش قالولي بدلنا القانون و ما عندكش الحق تاخد تاجيل لازم تقارع لورد دابال 2...اما ملف الكفالة الله اعلم ماسقسيتش عليه...و انت كي سرالك ؟؟

[amine eco]

بالتوفيق للجميع

[houari2911]

سلام عليكم

للدين خرجوا من الثكنة
هل كان هناك اصحاب الوزن الزائد من الدين خرجوا