3awenouni

aminahassiba · 2013-09-27, 10:49

salut svp rabi yahfdkoum li andha wasefa ll badenjale tewarihali

اميرة في دنيا حقيرة · 2013-09-27, 11:03

حنونتي كاين وصفات بزاف تع البذنجان و الاصلية هي تع الصوص الحمراء

شوفي تنقي البذنجان وتدهنيه بالقارص باه ميحكالش و تقصيه دوائر و تملحيه وتشري عليه طرف تع فلفل اسود تخلطيهم وتقليهم حتى يحماروا مليح لانوا البذنجان كي يتحمر مليح يجيك بنييييييييييييييييييييين و تحطيه على جنب

تحظري صوص حمراء و تخليها تخثار مليح كيما تع المعكرونة بصح متكثريش الطماطم ياسر باه متجيكش حامضة دريها ملاحة حمراء ماشي بيضاء يعني ماشي ناقصة طماطم و من بعد كي تخثار تحطي هداك البذنجان في صحن التقديم و تسقيه بالصوص و بالهناء والشفاء و نفس الوصفة تقدري ديريها طاجين بالبيشامال سواء باللحم مرحي و لا الدجاج

aminahassiba · 2013-09-27, 11:20

اقتباس:

المشاركة الأصلية كتبت بواسطة اميرة في دنيا حقيرة

حنونتي كاين وصفات بزاف تع البذنجان و الاصلية هي تع الصوص الحمراء

شوفي تنقي البذنجان وتدهنيه بالقارص باه ميحكالش و تقصيه دوائر و تملحيه وتشري عليه طرف تع فلفل اسود تخلطيهم وتقليهم حتى يحماروا مليح لانوا البذنجان كي يتحمر مليح يجيك بنييييييييييييييييييييين و تحطيه على جنب

تحظري صوص حمراء و تخليها تخثار مليح كيما تع المعكرونة بصح متكثريش الطماطم ياسر باه متجيكش حامضة دريها ملاحة حمراء ماشي بيضاء يعني ماشي ناقصة طماطم و من بعد كي تخثار تحطي هداك البذنجان في صحن التقديم و تسقيه بالصوص و بالهناء والشفاء و نفس الوصفة تقدري ديريها طاجين بالبيشامال سواء باللحم مرحي و لا الدجاج

yatik saha

إلهام07 · 2013-09-27, 12:55

ننصحك جربي باذنجان باني panné يعني تقشرية وتقطعية دوائر وتملحيه وتخليه يطلق الماء نتاعو ومن بعد تنشفيه وترمديه في فرينة ثم بيض ثم خبز مرحي وتقليه
بهذي الطريقة مايشربش الزيت ويجي بنين ومقرمش رووووووووووووووعة
ثاني كمية صغيرة حوالي رطل ديرلك كمية مليحة ماشي كيما مالفين كي نقليوه ينقص ويتكمش بالعكس يجي زاكي ويزيد
صدقيني رائع وقدميه مع صلصة حمراء أو فريت وسلطة
أنا هنا قدمتو مع الصلصة الحارة نتاع أم رامي هايلة وساهلة وسريعة ومعاه عصير تفاح نتاع وحد الاخت هايل

om mita · 2013-09-28, 15:51

قشريه واقليه
بطاطا مقليه
الصوص:بصل يتقلى مليح ثم كفتة ثم طماطم مرحية وتخليها طيب بصح ماتنشفش
البيشامال
التحضير : طبقة بكطاطا طبقة صوص طبقة باضنجان واعيدي الكرة انت والكمية تاعك وعدد الأفراد وفي الأخير البيشمال والفرماج طبعا باه يزيد بنة

om mita · 2013-09-28, 16:03

والى الفرن نسيت ماقتلكش

om mita · 2013-09-28, 16:14

تقدري دريه تاني حميس:
طماطم مرحية شوية ثوم ملح تخليهم يطيبوا شوية وتكني وجدتي باذنجان شويتيه علا شباك ونار خفيفة وتقلبيه حتى يطرا يبرد شو قشريه وقطعيه مربعات ومبعد طبيه فوق الطماطم ومع زيت الزيتون وخليهم يطيبوا وبالصحة ولهنا

om mita · 2013-09-28, 16:22

وهدي تاني وصفة اخرى هي سلاطة :
باذنجان مشوي وقشر لازم مشوي مليح قطعيه طوليا كيما بطاطا مقلية لكن رقيق وديريلو لفينقرات -ملح زيت زيتون وخل وفرماجة -وخلطي مليح حطيه فيها يتشرب ولما يبرد قدميه مع حبات زيتون اسود من فوق وقطع صغيرة من الجبن وطماطم وشطارتك في التزين مع مطلوع سخون منحكيلكش

om mita · 2013-09-28, 16:26

هذي هي الأخيرة قراتان تانيك
بطاطا جريوات جزر مبشور بطل .........الخ اي خضرة تحبي تستعمليها اقلي كل وحدة وحدها من بعد في بلاطو حطي طبقات تاع الخضر تاعك وطبعا ادهني البلاطو بالزبدة
حضري بيض +حيب +معنوس مقطع +زيتون اسود +فرماج قطع او رابي واذا مكانش مشي لازم وخلطي مليح
ثم اسكبي فوق الخضر والى الفرن
راني عاونتك متنساينيش بدعوة مليحة من قلبك