توحشت لميما في نص ليالي**
ضاڨ خاطري حالي معذور
من بعدك يااما حاجة ماترجالي**
حالي حال لي من ضهرو مكسور
عياطي في بير لا من يسمع اقوالي**
راني في عڨبة من بعد حدور
دموعي ويدان عنها زاد هبالي**
رحلت الحنانة سكنت لڨبور
تهد حيطي لي كان عالي**
فرقت ذا دار موالف معمور
حرڨة في قلبي كيتها تبقالي**
ما ننسا ميمتي راني مضرور
كانت كي الشمس تضوي ڨنالي**
واليوم تمسات غطاتها لبحور
ولا كي لڨمر طالع وهل هلالي**
منك يازمان راني مغدور
مزينها وردة من جنان قطفوهالي**
ما اطيب ريحتها مسك وبخور
نكتب عنك يا لميما لوكان توالي**
في ضلما وطفى عني ذاك النور
( تقرير عن مشاركة سيئة )، و الموجودة أسفل كل مشاركة .
2021-08-27, 19:19
توحشت لميما في نص ليالي**
العرض المتطور
