هل الهواتف النقالة تحجزها جمارك قسنطينة ؟؟

@[نســـــيم ♥ الجـــــود]@ · 2014-09-12, 21:37

السلام عليكم خاوتي

اود شراء هاتف نقال من الانترنت لكن يراودني قلق بخصوص الجمارك خصوصا و ان ولايتي تابعة لجمارك قستطينة ذات السمعة السيئة للاسف

فهل لو انني اشتريت هاتف نقال سعره بين 70 - 100 دولار سيتم حجزه و ان لم يحجز هل سيجمرك ام لا ؟؟

ارجو الافادة خاوتي

MuslimRider · 2014-09-13, 00:53

اقتباس:

المشاركة الأصلية كتبت بواسطة @[نســـــيم ♥ الجـــــود]@

السلام عليكم خاوتي

اود شراء هاتف نقال من الانترنت لكن يراودني قلق بخصوص الجمارك خصوصا و ان ولايتي تابعة لجمارك قستطينة ذات السمعة السيئة للاسف

فهل لو انني اشتريت هاتف نقال سعره بين 70 - 100 دولار سيتم حجزه و ان لم يحجز هل سيجمرك ام لا ؟؟

ارجو الافادة خاوتي

السلام عليكم

بالفعل جمارك قسنطينة عندهم سمعة جد سيئة خاصة مع السلع الالكترونية

كي تفادى هذا المشكل يمكنك الاستعانة باحد الوسطاء المعتمدين من قسم المتاجر الجلفاوية
حيث يستقبل الوسيط اولا الهاتف الى عنوانه و يكون بالطبع غير تابع لجمارك قسنطينة ثم يرسله لك عبر طاكسي او حافلة او عبر البريد

بخصوص الجمركة حسب اطلاعي على تجارب الاعضاء فكل من يشتري بشحن سريع عبر DHL او Feedex مثلا يتعرض لجمركة و حجز السلعة
اما اذا كان الشحن بالبريد العادي فتستقبل هاتف بشكل عادي
و الله اعلم

و اجوا ان يفيدك باقي الاعضاء بتجاربهم السابقة
بالتوفيق..

minougtr · 2014-09-13, 02:28

جمارك قسنطينة يالطيييييييييييييف

choroukguid · 2014-09-13, 09:26

اطلب الهاتف من البائع على شكل هدية حتى لاتجمرك لك وكما قال الاخ في البريد العادي لاتجمرك

@[نســـــيم ♥ الجـــــود]@ · 2014-09-13, 12:23

شكرا لكم خاوتي

لكن هل هاتف في حدود 50 دولار يجمرك ؟؟؟؟

asma souf · 2014-09-16, 13:02

واشبيهم هذو الجمارك تاع قسنطينه

Mehdi Dzx · 2014-09-16, 19:29

استعمل البريد العادي

minougtr · 2014-09-16, 22:28

اقتباس:

المشاركة الأصلية كتبت بواسطة asma souf

واشبيهم هذو الجمارك تاع قسنطينه

جمارك قسنطينة........مش هتقدر تغمض عينيك

amimare · 2014-09-16, 23:56

اسوء جمارك في الجزاير

freeedom · 2014-09-28, 15:25

جمارك قسنطينة سراقييييييييييييييين احذروا شراء الهواتف و الاجهزة الالكترونية الغالية فالجمارك تعجبهم ويديوها و يبعثولك الكرطونة فارغة و لا فيها سروال جين

حسبي الله و نعم الوكيل فيهم سرقولي تابليت بيسي و الله لن اسامح من سرقها و ان شاء الله ربي يفقس فيه و يجيبلو ضربة

noori · 2014-09-29, 16:12

جمارك قسنطينة بريكة وداوهالي يحرقو بيها ان شاء الله

ayman05 · 2014-09-29, 16:43

شريت سلعة من tinedal شخنوها في 7 اوت
وصلت الى الجزائر في 14 اوت بقيت عند جمارك قسنطينة من 14 اوت الى 24 سبتمبر ؟؟؟؟؟؟؟؟
شهر و 10 ايام
باه لحقتني

freeedom · 2014-09-29, 16:56

اخي خذها نصيحة لوجه الله لا تغامر خصوصا مع جمارك قطاع الطرق عاصمة الثقافة العربية الاسلامية و حتى لا تندم و يوجعك قلبك كما حدث لي سرقوني في تابلات بيسي رائعة ربي وكيلهم ان شاء الله
فكر مليون مرة قبل ان تغامر مع العلم ان السلع تسرق و لا تتعرض للجمركة فحسب جميع الاجهزة الالكترونية تسرق

ayman05 · 2014-09-29, 17:04

ههههههههههههههههههههه صح + لقيت العلبة مفتوحة و مقفولة بالسكتش هههههههههههههههههههههه
لمصايب فتشو فيها بصح مداو والو لخاطر مهيش مفيدة و مهيش غالية

lokmane91 · 2014-09-30, 17:06

أنصحك بالابتعاد عن قسنطينة ... أرسل الهاتف لاحد معارفك أو أقاربك في الجزائر