قلبي وهي

[مشكلتي]

السلام عليكم
في الايام الماضية اعجبتني فتاة تقدمت لوالدها مباشرة ولقد قبل عادي لحد الان
المشكلة حدثت صدفة رايت اختها والله من النظرة الاولى سحرت قلبي وارتحت لها بشكل مفاجى
وانا الان اريد فشخ الخطوبة مع الاولى واخطب الثانية على سنة الله ورسوله
خاصة وان الان جل تفكيرك افكر فيها والله
يعني اريد اسال عادي اقول لوالدي افسخ الخطوبة مع هاذي واريد اختها
لا يوجد احراج او رفض
وماذا عنها هي يعني الغيرة او ماشابه
خاصة وان كان احدكم مرة بتجربة مماثلة ساكون ممتنا
والسلاه عليكم ورحمة الله وبركاته

[Zaki Dilmi]

مشكلتك معقدة

ستخلق مشكلة بين الاختين ان فعلت

كان عليك التقصي و الصبر قبل الخطبة

ربي يسهل عليك تصيب من ينفعك

[أم أماني أريج]

و الله يا أخي ما لقيت ما نقول .....
سبحان الله .........و كأن قلوب بعض الناس من حجر!
و كأن أختها ستقبل بك أصلا .......

[اياد حياتي]

أنت عشاق ملال عجباتك هي ومبعد أختها راهي فاكية وتختار ترفد حبة الله يهديك رجال آخر زمن

[toulay]

وعليكم السلام ورحمة الله تعالى وبركاته
يعني انت حابة تشعل النيران بين الاخت واختها
تبطل عليها باش تدي اختها واش راح يكون ردة فعل الطفلة مسكينة مين تعرف
ارجع لعقلك خلي عليك التخمام هذا
زعمة تروح عند اب الطفلة وتقولو راني حاب نفسخ الخطبة لانو عجبتني بنتك الاخرى اذا مضربكش راك تشعل

[ℓανєη∂єя]

نفرضو مسبوكش و ماضربوكش و قبلو ... يجي نهار تزيد تشوف وحدا خير منهم في زوج تبطل و تروحلها ؟؟ أكبر في عقلك و منبعد أطلب بنات الناس للزواج

[kameljijeli]

السلام عليكم
لا أنصحك بهذا أبدًا فقد تتعرض للأذى من طرف ولي الفتاة و ستخلق عداوة أبدية بين الأختين
و من تفكيرك أظن أنك تعيش مرحلة المراهقة و هذا ليس تفكير من يريد الزواج حقًّا,

[محمد جديدي التبسي]

عجيب والله يبدو انك تمزح او لست في وعيك!
مستحيل تقبل اختها ولو تفسخ ما عادوش يشوفو فيك واش حاسب بنات الناس لعبة؟!! ربي يهديك

[ملاك الامل]

انصحك ما كالاه ديرها لانو راح تخسرهم الاثنين

[سيف الدين الطيار]

اخي المتحدث يبدو انك ..صعيبة شوية
ما تدي حتى وحدة لكان تدي الاولى تظلم روحك
لكان الثانية تظلم الاولى

[sisiii]

لو فعلت هذا ستخسر الكل البنت والاخت والاب

[مياسم الصمت]

السلام عليكم

نصيحتي لك ما تدي حتى واحدة
حتى ما توقع في الخيانة لاحقا
مادام من نظرة واحدة سحراتك وامر مستبعد ان تقبل العائلة بالمقايضة هذه ( تخطب واحدة ومن بعد تدور للأخرى)
واذا تزوجت الاولى ستبقى معلقا بالثانية حسب الشوفة

مادام معيارك الأول هو الجمال
فابحث عن ذات الجمال وهم كثر
لكن تذكر انك وحدك من تتحمل عاقبة خياراتك

[نصيرة الإسلام]

في حالتك اخي الحل هو أن تتركهما في الإثنتين .
:
لأنّه لو بقيت مع الأولى ..فستبقى معلقا بالأخرى و لأنها اختها فستراها في أكثر من مناسبة و مع الوقت سيظهر عليك ذلك و ربما ستقع في مشاكل لا يحمد عقباها لاحقا.
و إن أعلنت عن رغبتك في خطبت الثانية بدل الأولى فهنا ستلقى أمرين :
إما أن يقبل الاب والفتاة ( و هذي 0,01 بالمئة قابلة للحدوث) و الفتاة الأولى مسكينة ستتعرض لصدمة نفسية..و ستنشأ عداوة بين الأختيين.
إمّا أن يرفض الأب و زد على هذا سيسمعك كلاما ....
:
لهذا من رأيي اخي أفسخ الخطبة مع هذه الفتاة . ( فبنات الناس لست لعبة) و أنصحك بإعادة ترتيب اوراقك للزواج .
لأنك على ما يبدوا لم تحدد ما تريده بعد ... أو أنك من النوع الذي كلما راى ألاجمل و الأفضل يصبوا إليه .هنا يجب ان تحل مشكلتك هذه مع نفسك قبل الخوض في امور الزواج .
:
الزواج ميثاق غليظ لا أعلم هناك من يتعامل مع الامر بكل تساهل و عدم مسؤولية سبحان الله
أسأل الله ان يرزقك الزوجة التي ترضيك ,,و أن يرزق هاتين الفتاتين الأزواج الصالحة التي يرضيهن يا رب .

[وصال سلام]

انت انسان ماعلابالوش وش يحوس تالفتلو وقللبو فارغ علابيها كي شفت ختها تعلقت بيها وانا علابالي اذا انت شفت اخرى احسن منها نفس الشي راح تديرو هذو هوما الرجال كرشهم كبيييييييرة ماذا بيهم يتزوجو جميع نساء الارض وقليل وتقول مش كفاية

حاب دير قنبلة موقوتة في الدار وتفتن بين الخوات حسبي الله ونعم الوكيل
ولا لعب ذر وتمسخير هذا كيفاه تمد الكلمة للناس ومن بعد تقول لالا ماعجبتنيش تقول راك في السوق تبيع وتشري وتبدل كيما تحب
هذي هي كلمة الرجال عندكم

ان شاء الله تعود من نصيب راجل اوخر مش انت يغرف قيمتها ويقدرها وناوي فيها قلب ورب
ربي يهديك برك

[fella111]

....كيما قالو لك الاخوة افسخ الخطبة لانك ستظلم خطيبتك و نفسك اياك حتى ان تحاول ما في بالك مش بعيدك يرميك ابوها بالرصاص .