يما وبابا مرضوني

[مشكلتي]

السلام عليكم
راني في صراع كبير. من جهه منحملش يما وبابا بسبه وش دارو فيا انا وخاوتي.. ومن جهه شايفه روحي مقصره في البر بيهم.
الشي لي يخليني منطيقهمش انو رباونا بالانتقادات والعنف اللفظي كل تحريكه بانتقاد وسب وشتم ودعاء. وغير ذلك اهمال و..و.. وفوق هذا بين بعضاهم مش متفاهمين ومنفصلين فالبيت وكانو متطلقين واذا تواصلو غير يتشاجرو وهاذ الشي يأثر فينا ويضرنا.
وااشي لي يخليني نلوم روحي هو انو كبارو وولاو يحتاجو يتقربو لينا يحتاجو حنانتنا لي مقدرناش نمدوهالهم كيعاد مشفناهاش منهم ومنعرفوش كيفاه نمدوهالهم وحتى وبغينا منقدروش. يحتاجو يحكيو معانا وانا وحده منحملش نسمع صوتهم وولفت مخي يتجاهل وش يقولو كيشغل ماهدروش لان ملي يهدرو غير السلبي. حاولت ننسى كامل وش شفت منهم وننقرب ليهم مرضت مرضت عباد سلبيين يجهلوني يقلقوني. من الاساس هوما هكا وزيد مع لكبر ولاو كيما لولاد الصغار وانا معنديش طاقه طاقتي استنزفوها.
تعبت الصراع هذا مرضني جسديا صداع لا يتوقف والام حاده في جسمي مخليت طبيب مرحتلش والاخير تاع الاعصاب قالي مشكلتك نفسيه. تبعت عند طبيبه نفسانيه عامين بدون جدوى كيعاد هي تقولي اتقبليهم هذو هوما والديك واحد لاخير والديه وانا مقدرتش نتقبلهم كيعاد بزاف سيئين ومنيش نشوف فيها بهذي الصعوبه انو يكونو ملاح ياسيدي مطلبتش يشكروني ويدللوني طلبت برك ميضرونيش.
تقولي اتحمليهم وانا مقدرتش خلااص تشبعت.
تقولي استمتعي بالحياه معاهم وانا منقدرش لانو هوما ميعاونونيش بلعكس يصعبولي المهمه. حاولت نطبق وش تقول ونضريت كثر لانو كينتقرب ليهم ننضر. لوكان نعيش بعيده عليهم نعيش مرتاحه ميضروني بسلبياتهم منشوف روحي مقصره في حقهم. ومشكلتي هي نفسها مشكله اخوتي ومفهمتش الحل وين. لي عندو نصيحه ميبخلنيش بيها بارك الله فيكم وربي يفرج على كل مومن

[mrmilano1984]

الله يهدي ماخلق

[مراد سابقا10]

معليش والديك ماشي ملاح بصح اين حياتك ومستقبلك من كل هذا انت مذكرتيش تفاصيل هل راكي تدرس او تخدمي

ولى كيفاش ، انا ننصحك الشيء لي ماشي قابل للتغيير متحاوليش تغيريه انت خاصة ابوك وامك الله غالب لازم تحسني ليهم مهما كان ألأمر

ونصيحتي لك شوفي مستقبلك اقرى واخدمي تلقاي نفسك اوتوماتيكيا خارجة من الحكايات هذو .

[اسماعيل 03]

ربي نهانا على كلمة أف في حق الوالدين
الخوف أنو كلامك هذا يكون بمعنى الأف
حنا مسلمين والنوع هذا من الآباء دايما ربي يوصينا بالإحسان ليهم
احتسبي صبرك معاهم لربي تتحول التعاسة سعادة وكيما قلنا حنا رانا مسلمين وقضية الوالدين مش ساهلة وتفكري نهار يموتو كيفاش يولي تخمامك
ربي يرضيهم عليك ويرزقك السعادة معاهم

[بشرئ عاشقة العلم]

تحسب ركي تحكي عليا سبحان الله .....في حياتي مشفتش حنانتهم معايا غير انتقاد و كلام سلبي و طفولة قاسية ،وصلو حتى يهدرو فيا عند الناس بصوالح مكايناش اطلاقا ، حتى اسراري خرجوها و تبهدلت و صاي ... و يلعبو غير دور الضحية و انا هي الجلاد ...و انا ربي شاهد عليا خطيني كل هذوك الصوالح و لكن الله غالب معنديش الزهر معاهم متحملتهم هاكا و صايا، معندي اي شعور اتجاهم ،سمولي حياتي ���� و هذ الاحساس مانبني ومع انه ليس بيدي
باختصار لي شابع حنان الوالدين مكالاه يتفلسف بزاف و يتعجب مالمشكلة بسكو مشي ساهلة اطلاقا تشوف اقرب الناس ليك يقساو عليك كي الاعداء
كل ماستطيع ان انصحكي به هو معاملتهم قدر الامكان بالحسنى لا غير لان برهم شيء مقدس و عظيم في الاسلام

[المحتاج الى الله]

شوفي الاخت الهدرة لي كتبتيها هنا روحي اهدريها لوالديك ..تتطلب الكثير من الشجاعة بصح لازم تهدري معاهم
لانهم هم في تصورهم ماهمش غالطين معاك نبهيهم انت

[visa uk]

شوفي الاخت راح نحكيلك حكايتي انا واش جربت مع بعض من هاد الاشخاص ووووو شوفي هدا النوع نرجسي من اسوء عقليات لي تعامل انا شخصيا معاهم تعاملت مع بعضهم فعلا ناس نرجسية وتحب الا تعدب ناس وتتلدد بالتعديب في دائرة استغلالية وحب سيطرة زتحكم واخضاع اي شخص هدا الاشخاص انا دخلت معاهم في شجارات وهربت منهم تماماااااااااااااااااااا وهك يبقاو يتبعوك ويلصقو فيك بهدف مواصلة اخضاعك لدا احسن حل انك ماتعطلهمش ادني فرصة صدقيني راح يدمرولك حياتك كما انا تدمرت اخمج واوسخ ناس واحد يحب يسيطر علي حياتك كاكلة حياتك عمة وخاصة يعني يحشرو انفهم في تفاصيل حياتك سواء عامة او شخصية كما صراتلي انا عملت عند امراة تفول راجل تحب تسيطر ووووو عليا مثلا ولم افق في الاول اطلاقا لكن بعد فترة فقت لنواياها انها حتي في العمل تحب تخضعك اليها بالاوامر وووو وكثرة الضغط وووو وسيطرة بل وصلت حتي الي تحب كما نقلو يكرازيك اي فات السيطرة وهدا الشيء طبعا مايعملو الا اشخاص مثل هادو نرجسيين انتي راكي عيشة في دائرة مغلقة تاعهم وهم يحبو هدا شيء يحبو يهينو يعيطو يسبو ووووو ويخوفو ووووو الخ و هدا كله من اساليب للسيطرة الخ لدا احدري تماما وخرجي عينيك واو اهربي منهم لانهم جبناء وووووو لو توقفيهم عند حدهم بكل قوة والله مايدورو بيك مطلقا حتي لو والديك وقفيهم لانهم فعلا ناس تحب تعدبك نفسيا ووووو وجسديا طبعا وهدا شيء طبعا لايتقلله اي عاقل اختي انا مانحملش مطلقا هاته تصرفات اوك
لا وقفيهم تماما اقول تماما لانو والله راه تعاني معهم نفسيا وتبقاي خاضعة لهم الي الابد ويمصولك دمك وجسمك ويشربولك دمك اوك
هدا رايي الشخصي وانا مقتنع تماما به لدا انتي خاسرة لو بقيتي مع نوع كما هدا حياتك راح تخسريها كليا صدقيني

[visa uk]

صح قالتلك الاخت الهدرة مهمة للغاية هم في نضرهم انهم هدا واجبهم ووو ومش غالطين اطلاقا معاك هم هاك يخمو داخليا للاسف هم يضنو نفوسهم محقين معاك وووواجب عليهم يانبوك ينتقدوك ووو ويهيونوك ووووو ويسبوك ويضربوك وووو يخوفوك هاته كلها من اساليبم السيطرة والتحكم في اي شخص للاسف النرجسيون ناس هكدا عايشة وتتصرف هاك لدا لازم تحبسيهم وووتبلقي عينيك مع او روي اهربي منهم تماما

[Rofrof]

بسم الله وبه نستعين
اولا هناك جانب ديني لازم تخلي علاقتك بالله جيدة ، استمعي احيانا للموعظة الحسنة دروس لاساتذة ومشايخ )وسطيين( واقراي قران كل يوم ليلين قلبك
جانب روحي بش يكون قلبك مرتاح متقدريش تبقاي هكا تحملي حقد ع والديك ، هما غالطين، بصح انت كوني احسن من واش لازم تكوني، تقدري تقعدي هكا مي بصح ماتستفادي انت ولا يستفادو والديك، وش رايك تعتبريها فرصة بش تحسني ليهم تدي اجر. تفرحي قلبهم، ع حساب وش حكيتي حتى هما ماعاشوش مليح وماكونش متفاهمين
الرحمة حنا للاسف مبزاف منا مانرحموش انا ننصحك رققي قلبك من دوك قبل مايفوت الحال الوالدين يجي نهار ويروحو
وواحد مايقعد فهاد الدنيا

هناك جوانب اخرى لازم تهتمي بيها
انت مازال عندك مستقبل زوج واولاد ان شاء الله رح تكوني اسرة ورح تكوني مسؤولة خممي للمستقبل زواج خدمة تكوين دراسة...
وارببحي دعوة خير من والديك تربحي دنيا واخرة
وحاولي انت نفسك تعوضي نفسك ديري الحوايج للي يفرحوا قلبك وضميرك

وربي يصلح الحال امين.

[aminazy]

سلام اختي شوفي قيل كل شيء.....صلحي من روحك ولي عجبتني فيك عرفتي وين راه المشكل

الجرح

ادخلي لليتوب وبحثى على مواضيع في التنمية البشرية راني متأكدة انك ستصلين للحل خاصة راكزي على العقل كيف يعمل وكيف تتخلصيين من هذه الافكار السودوية لي راكي عايشتها وثانيا توجهي الى الله في حياتك المستقبلية بكل صدق والبحث كيف ذالك لكي تتحصلي على الهدوء او السكينة وهذا هو مرض العصر نتمنى نجاح

[aminazy]

سلام اختي شوفي قيل كل شيء.....صلحي من روحك ولي عجبتني فيك عرفتي وين راه المشكل ( ا لجرح ) ادخلي لليتوب وبحثى على مواضيع في التنمية البشرية راني متأكدة انك ستصلين للحل خاصة ركزي على العقل كيف يعمل وكيف تتخلصيين من هذه الافكار السودوية لي راكي عايشتها وثانيا توجهي الى الله في حياتك المستقبلية بكل صدق والبحث كيف ذالك لكي تتحصلي على الهدوء و السكينة وهذا هو مرض العصر نتمنى لك نجاح

[روح المي]

السلام عليكم
الحل للمشكل حياتك اين هي؟ لازم تشغلي نفسك وتطوري من نفسك اقل حاجة تعلمي حرفه تشغلي وقتك لان الفراغ اكبر مشكل
وهل كل الاهل محبون معبرون ....يعني لعادي في الاسر الحالية هي التي تقولينها لكن المشكل في الهشاشه التي لديك اولا قوي علاقتك بالله
لما تغير المرجعيه في حياتك وتجعلي الله هو اولا ورضاه اولا سوف تبريهم لوجه الله وتعامليهم بالحسنى وتجتهدي في برهم
لانه مهما فعلو ...لا يبرر لك التقصير وابدئي من نفسك مزالك صغيرة ولديك قابلية عليهم هوما كبار خلاص متقدريش تغيري طباعهم
وتعلمي رحمتهم ومغفره ذنوبهم لانهم ايضا بشر ...ويغلطو ...ويتقلقو مستحيل يكونو فقط سيئين في كل شيء
ابحثي على شيء جميل في كل واحد فيهم واجعليه سبب لحبهم ورحمتهم لوجه الله
خاطر ليس حل تبقي تكرهيهم و تدعي عليهم وووووووووو
هناك سلسلة مع نفسي تساعدك ان تغييري من نفسك لدكتور ذاكر الهاشمي.....لا تقولي فقط اقول كلام من وحي الخيال لما كنت صغيرة ايضا كانت لدي الكثير من هده الافكار لكنني اليوم اظنها قلت وعي حتى بظروف التي جعلت والديك على ماهم عليه.....وربما نحن اليو م نجد من ينصحنا ويعلمنا اقل شيء الانترنت طبعا ان انتقينا المصادر الصحيحه لكن هم قلما من ينصحهم او يطبطب عليهم
وادعي لهم ولك بالهدايه
لكن اكرر لك الحل في تغيير افكارك وهدا ما يعرف بالعلاج المعرفي السلوكي الان