|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
عندما يحرم الإنسان من نعمة الأبناء -حكاية ولد عمي-
|
أدوات الموضوع | انواع عرض الموضوع |
2015-01-09, 09:48 | رقم المشاركة : 1 | ||||
|
عندما يحرم الإنسان من نعمة الأبناء -حكاية ولد عمي-
السلام عليكم ورحمة الله وبركاته بعدما لقيت منكم تجاوب كبير مع حكايتي في هاذ المنتدى، حبّيت هاذ المرة نحكيلكم على ولد عمي ومشكلتو مع الإنجاب. ولد عمي هذا تزوج من 10 سنين تقريبا من الفتاة اللّي حبها، وتمناها تكون ليه من صغره. دار عرس كبير وعرض كامل حبابه وصحابه وbien évidemment أهله وجيرانه. كانت أمنيته أنه يكون أب ويربّي ولاده التربية الصالحة ويقرّيهم باش يجعل منهم ناس صالحين في المجتمع، ولكن حلمه بدا يتبخّر بالشويّة وبدات حياته تتبدّل من سعادة وهناء إلى حسرة وشقاء. كانت أمنيته أنه يولد عنده طفل يجعل لحياته طعم ومعنى، ولكن الله سبحانه قدّرله أنه يكون عقيم وماينجبش الاولاد... كان ولد عمي كل ما يشوف طفل صغير مع باباه يبكي ويتحسر. يتحسّر لأنه تّحرم من نعمة كبيرة ناس بزاف متمتعين بيها. كان قلبي يتقطّع كي نشوفه على هذاك الحال. كنت دايما نحاول نصبره ونواسيه، ونأكدله أن ربي يالاك حاب له الخير وبعّد عليه الشر عندما حرمك من الاولاد. كنت نحاول دايما نقنعه بالاك لو رزقه ربي بيهم يكونو عايقين أو فاسدين، ويكرهوله حياته ويندم على اللحظة اللي فكّر فيها أنه يكون أب. ولكن كان دايما يقللّي "اللي يده في الما ماشي كي اللي يده في النار" و"ما يحس بالجمرة غير اللي عافس عليها" صراحة أوقات يعجز لساني على الكلام كي نشوف الياس في عينيه والحسرة تقطع في قلبه. ربما عنده الحق، أنا ما جربت ماعلابالي، وأكيد مانقدرش نحس بالشي اللي يحسّه هو... بعدما انتظر مدة من الزمان، قرّر ولد عمي أنه يزور الأطباء ويفحص نفسه لعلّه يلقى العلاج الشافي لحالته، وكان في كل مرة يتناول الدوا ويدير les analyses، ولكن بغير فايدة. الله غالب، قدّر الله وما شاء فعل.. في ذاك الوقت كْحالت الدنيا في وجهه لأنه ماكاش يتصوّر أنه راح يكون بلا اولاد ويتّحرم من كلمة بابا للأبد. ولكن مع مرور الوقت بدا يوالف ويتعوّد على وضعه، خاصة أنّ زوجته كانت راضية بمكتوبها وصابرة على حالها... حاولنا كامل معاه باش يسعى للمستشفيات لعلّه يصيب bébé يربّيه ويعمّر عليه داره. والحمد لله ربي ماخيبوش، ولقى الطفل في وقت قصير... وهكذا بدات حياته تزهى من جديد كأنه عريس جديد... الطفل الآن صار عنده 3 سنين، وtellement ولد عمي متعلّق بيه بزاف صار يخرج معاه في كل وقت ولأي مكان. وصار كل من يشوفه الآن وهو على هاذ الحال فرحان ومبسوط يكذّب أنه كان في وقت سابق ناقم من حاله وكاره حياته... سبحان مغيّر الأحوال. هذي حكاية ولد عمي حكيتهالكم حتى نعتبرو، وناخذو منها درس يفيدنا في حياتنا. كل ما يقدّرهولنا ربي أكيد فيه خير تحيات أخوكم معاد ............ الله يفارقنا بلا ذنوب
|
||||
2015-01-09, 10:17 | رقم المشاركة : 2 | |||
|
ربي يرزقو وكل محروم من الذرية الصالحة يا رب |
|||
2015-01-09, 10:24 | رقم المشاركة : 3 | |||
|
ربي يرزقو ان شاء الله ويحفظلوا لbébé ويكبروا في طاعته ويفرح بيه عريس ان شاء الله |
|||
2015-01-09, 16:06 | رقم المشاركة : 4 | |||
|
السلام عليكم اخي معاذ |
|||
2015-01-09, 16:42 | رقم المشاركة : 5 | |||
|
ماشاء الله بالاك هذا الفل يكون له خير من اي ولد يكون من صلبه |
|||
2015-01-09, 17:57 | رقم المشاركة : 6 | |||
|
السلام عليكم ورحمة الله وبركاته
بامكان الشخص ان يحول النقمة الى النعمة بالايمان |
|||
2015-01-09, 19:31 | رقم المشاركة : 7 | |||
|
آمين يارب العالمين
نشالله واحد ما يحرمه ربي من نعمة الأبناء بارك الله فيك ختي انغام ......... الله يفارقنا بلا ذنوب |
|||
2015-01-09, 19:37 | رقم المشاركة : 8 | ||||
|
اقتباس:
آمين يا رب العالمين
هو ثاني دايما يدعو ربي باش ينجح في تربيته ويشوفه في يوم ما عريس. الله يرزقنا جميع بالذرية الصالحة ............. الله يفارقنا بلا ذنوب |
||||
2015-01-09, 20:00 | رقم المشاركة : 9 | ||||
|
اقتباس:
وعليكم السلام ورحمة الله وبركاته
في الحقيقة ولد عمي تقاس بزاف ختي مريم، خاصة إذا تكلم واحد قدامه على الاولاد أو شاف أب فرحان بولده...سبحان مغيّر الأحوال، كي نشوفه ضرك ونتفكر كيف كان قبل نكذّب. والله لحق وقت كره حياته كامل لولا لطف ربي و وقوفنا بجانبه، خاصة زوجته اللي بقات شادّة فيه وماتخلاّتش عليه. في الحقيقة زوجته جوهرة وأمثالها قلال. ربما مثل ما قلتي لو كان المشكل فيها ربّما يتزوج عليها وعندها كامل نقولو عنده الحق. المهم هو الآن راهو متلهي مع وليده وماراهوش يفكّر كامل في زيارة الأطباء من جديد. خليني نقلّك راهو الآن يفكر يزيد يسعى ربما يحصل على طفل ثاني يتكفل بيه. بارك الله فيك ختي مريم أنك تسألي على الوالدة الحمد لله المورال تاعها راهو طالع خاصة أن الطبيب اللي يتبع فيها راهو يطمّن فينا. ربي يسترها معاك ختي لعزيزة ويفرّجها في وجهك ويعطيك ماتتمنّاي. ............ الله يفارقنا بلا ذنوب |
||||
2015-01-09, 20:05 | رقم المشاركة : 10 | ||||
|
اقتباس:
السلام عليكم
والله كلامك يقدر يكون حقيقي وصحيح ختي مسلمة من يدري ربما الأبناء اللي نتبنّاوهم يكونو خير من اللي نولدوهم. بالنسبة لسؤالك الآن ماعندي أيّ فكرة على الموضوع، ولكن رايح نسأل ونجيبلك الخبر. ربي يعطيك ما يرضيك ويسعدك بالذرّية الصالحة. ............... الله يفارقنا بلا ذنوب |
||||
2015-01-09, 20:10 | رقم المشاركة : 11 | ||||
|
اقتباس:
وعليكم السلام ورحمة الله وبركاته
عند الحق خويا لعزيز المشكلة عندما يكون إيماننا ضعيف، وما نقدروش نواجهو مشاكلنا وهمومنا. والحمد لله ولد عمي لقانا بجانبه ولقى خاصة زوجة أكثر من رايعة قدرت تعينه على تجاوز تلك المحنة. شكرا على المرور خويا عبد الرؤوف ونشالله يرزقك ربي بالذريّة الصالحة ............... الله يفارقنا بلا ذنوب |
||||
2015-01-10, 13:36 | رقم المشاركة : 12 | |||
|
انا متزوجة من 6 سنين ومازال مارزقنيش ربي العالمين راني نحاول بصح راضية وديما نقول الحمد لله الصبر والرضا برحمة الله هما اجمل سلاح في الحياة |
|||
2015-01-12, 00:05 | رقم المشاركة : 13 | ||||
|
اقتباس:
السلام عليكم
حكايتك أثرت في أستاذتي وخايف نكون حطيت صبعي على جرحك بدون قصد نشالله ما يخيبكش ربي مادامك شادّة فيه ربي يعطيك ما تتمنّاي ويرزقك بالذرية الصالحة يملاو عليك دارك وحياتك. آمين يا رب العالمين ........ الله يفارقنا بلا ذنوب |
||||
2015-01-12, 09:45 | رقم المشاركة : 14 | |||
|
وضعت يدك على الجرح اخي بطرحك لهاد الموضوع ............... |
|||
2015-01-13, 10:46 | رقم المشاركة : 15 | ||||
|
اقتباس:
السلام عليكم
آمين يا رب العالمين معاك حق ختي ما يحس بالجمرة غير اللي عافس عليها. أكيد كاين من راه صابر على بلاه ولكن أنا متأكد أن معظم المحرومين من الذرية راهم يتألمو في صمت ويدعو الله أنو يفرج عليهم. ربي يفرج على الجميع ويرزقهم الذرية الصالحة يا رب العالمين ........ الله يفارقنا بلا ذنوب |
||||
الكلمات الدلالية (Tags) |
-حكاية, الأبناء, الإنسان, يحرم, عمي-, عندما, نغمة |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc