مشكلتي تعلقي بعائلتي

[مشكلتي]

السلام عليكم
أتمنى أن يكون الكل بخير
و الله معرفت وين نمشي و بحكم ما عندي حتى واحد نحكيله مشكلتي لقيت روحي في هذا المنتدى و نتمنى منكم تساعدوني
أنا عندي الباك هاد العام و مشكلتي أنو الناس تقرا و أنا نبكي لأنو ان شاء الله ادا ربحت الباك و بحكم منسكنوش في ولاية لازم نسافر لاكمال دراستي
أنا الحمد لله ربي عطاني عائلة جميلة جدا أبي و أمي و اخواتي نموت عليهم و معنديش فالدنيا من غيرهم و متعلقه بيهم يعني حياتي كاملة راني معاهم و عندي أختي الصغيرة ملي زادت و أنا نهتم بيها يعني تقول بنتي و عندها خمس سنوات و نحس كأنو التعلق بيها كبير جدا
تبانليكم مشكلة تافهة و لكن راني نعاني الناس تقرى و أنا نبكي في كل وقت مرانيش متخيلة نهار بلا بيهم منعرفش العيش بلا بيهم أبدا و هاد المشكلة سببتلي حزن كبير حياتي كاملة كرهتها و راني نبكي في كل وقت و حشمت نصارحهم حتى شكو قالو البنت هادي مالها أمي تحساب عندي مشكلة و أنا الحمد لله معنديش مشكلة من غير الموضوع هادا
و الله لي عنده نصيحة ينصحني بيها ربي يجازيكم معرفتش نحل هاد المشكلة و تقولو هادي ضعيفة أنا و الله ميهمني أي شخص في الدنيا بلا عايلتي يعني قد ما ما اهتميتش بالناس كلشي فرغتو في عايلتي
سمحولي كترت عليكم و شكرا و الله يفرحكم جميعا