محاجب بالبورو (poireau ) و التونة.... زٌخْرُفَةٌ

[zokhrofa]

السلام عليكن خواتاتي

نزولا عند رغبت صديقتنا شهرزاد راح نحط هذه الوصفة



المقادير:

سميد دقيق جدا تاع المحاجب

فرينة

ملح

خميرة الخبز

زيت زيتون

ماء دافئ

poireau بورو 4 حبات



طماطم 4 حبات

رند ورقة صغيرة

زعيترة كمية صغييييرة

فلفل اسود

طماطم مصبرة او فلفل أحمر لكي الاختيار

تونة

الطريقة:

العجينة:

تحطي 250غ سميد + 100غ فرينة + ملح + ملعقة صغيرة خميرة الخبز + ملعقة كبيرة زيت الزيتون

تخلطيهم و هوما ناشفين

من بعد تضيفي ماء دافئ حتى تنطم فقط

تخليها 15د ترتاح

تولي ليها تضيفي ماء دافئ برش الاصابع و تعجني بالدبزة كي تحليها كامل عاودي طميها و أعركيها كي تشوفيها شربت الماء لي درتيه زيدي رشي بصباعتيك

حذاري تزيدي بزاف راح تضطري تزيدي السميد و هذا ماشي مليح .... فقط رشي الماء بصباعتيك

هاااااااااكذا جتى تتحصلي على عجينة ايلاستيكية .... يعني طي تشديها باش تقطعيها بأصابعك تكون كيما العلكة الممضوغة


بعدها جيبي سنيوة كبيرة ادهنيها بالزيت

جيبي طاسة و حطي فيها زيت و ادهني يديك مليح بالزيت و العجينة تاعك و كل مرة استعملي الزيت باش ديري كريات و حطيهم قدام بعضاهم لكن ماشي لاصقين



كي تخلاص العجينة زيدي ادهني الكرات بالزيت و غطي عليهم باش ما يقيسهمش الريح مثلا حطي سنيوة أخرى فوقها و غطيهم بالطرشونة

المهم العجينة ما تنقاسش كامل بكاش حاجة

خليها ترتاح 45دقيقة

في تلك الاثناء راح توجدي الحشو و لازم حتى يطيب و يبرد باش تخدمي بيه

و لازم مايكونش فيه الماء كامل

طريقة الحشو:

في طنجرة حطي زيت و اشعلي نار

قطعي البورو poireau دوائؤ و حطيه يتذبل في الزيت .... كي يتذبل كااااااااامل

جيبي طماطم منزوعة البذور كامل مقطعة مربعات صغييييرة ... حطيها مع البصل

اضيفي : ملح + ورقة رند صغيرة + زعيترة شوية برك + فلفل اسود + ملعقة كبيرة ماشي معبرة بزاف طماطم مصبرة و خلطيهم + تونة

غطي الطنجرة لكن اتركيها مشقوقة يعني مالازمش البخار يولي للطنجرة و تتعمر ماء لازم البخار يروح برا عليها

بعد ما تشوفي الطماطم ذبلت كاااااااامل و المكونات دخلو في بعضاهم طفي عليها

ضروري تنحيها من الطنجرة و تحطيها في حاجة مسطحة و كبيرة باش تفرشيها فيها و تبردلك تم تم

بعد ما تبرد الحشو

حدي الطاجين أو الطاوة او المقلاة تسخن فوق النار متوسطة

في سطح العمل امسحيه بالزيت باش كي تحلي فوقو العجينة متلصقش فيه

و جيبي طاسة و حطي فيها زيت باش تستعمليها في حل العجينة

الآن جيبي أول كورة خدمتيها و حطيها على سطح العمل المزيت و غطسي أسابع يديك فيزوج في الطاسة تاع الزيت و ابداي في حل العجينة

ملاحظة : الغلطة الي تخلي العجينة تتقطعلك هي أنك تستعملي الكف ديالك باش تحلي او تدركي كثيرا عليها

الطريقة الصحيحة هي أنك تستعملي فقط اطراف الأصابع و بحركة المسح السريع على العجينة تحليها حتى ترجعيها رقيقة جدا


بعدها ... عادة العجينة تتفتح دائرية ... جيبي الطرف لي مقابلك و أطويه حتى وسط الدائرة

حطي فوقو كمية من الحشو



الآن اطوي الطرف لي من جهتك فوق الحشو

الآن رشي العجينة بالزيت

و جيبي الطرف الأيمن فوق الحشو

رشيه بالزيت

ثم جيبي الطرف الأيسر فوقو

ملاحظة : ردي بالك الآن تعبزيها بيدك راح دخليهم في بعضاهم و ما تجيكش مورقة

فقط ادركي بأطراف الأصابع على أطراف الحبة باش مايجوش معجنين و يجو مقرمشين

الآن حطي الحبة طيب

راح تاخذ معاك 40 ثانية أضن و طيب من الجهتين على حسب السخانة

جيبي طبشي و فرشيه بطرشونة باش تشرب الزيت

حطي كل حبة على حدى حتى تبرد شوية باش تحطيهم فوق بعضاهم وإلاّ راح يعرقولك و يولو معجنين

و هاذو هوما محاجبي

واش رايكم ؟

[أم سدرة]

امممممممم زخرفة هادي حاجة جديدة أن شاءالله نجربها لأني البورو نستعملو غير في لاسوب

[versace13]

يا عمرييييييي شكرااااا حبيبة على الموضوع وربي يجعلو في ميزان حسناتك ،وربي يخليك ليا يا الزييييينة.

والله ما تتخيلي شحال فرحت كي قريت بلي الموضوع حطيتيه على جالي!ربي يجازيك كل خير حبيبة،راح نجربهم ان شاء الله ونصورهملك.

ياااااارب يخرجولي شابين كيما محاجبك.

[zokhrofa]

المشاركة الأصلية كتبت بواسطة أم سدرة

امممممممم زخرفة هادي حاجة جديدة أن شاءالله نجربها لأني البورو نستعملو غير في لاسوب

ههههه راكي كيما أنا نعرف ناكلو غير في السلطة

جربي وقوليلي

[zokhrofa]

المشاركة الأصلية كتبت بواسطة versace13

يا عمرييييييي شكرااااا حبيبة على الموضوع وربي يجعلو في ميزان حسناتك ،وربي يخليك ليا يا الزييييينة.

والله ما تتخيلي شحال فرحت كي قريت بلي الموضوع حطيتيه على جالي!ربي يجازيك كل خير حبيبة،راح نجربهم ان شاء الله ونصورهملك.

ياااااارب يخرجولي شابين كيما محاجبك.

عفوا شهرزاد هذا أقل شي


للأمانة الصور المحطوطة ماشي تاعي من غوغل لوكان عرفت كان درت البارح صورة ليهم

[زهر التوليب]

امممممممم روووووعة ومع هاذالبرد هاذا ما يليق
يعطيك الصحة

[zokhrofa]

يسلمك توليب هيا دالتك هههه

[riheb razane]

رسي ان شاء الله انجربو ونرجعلك ااخبر

[zokhrofa]

اوكي رحاب راني نستنا في الصورة ههههه

ah oui

الهدرة بالدليل ههههه

[الماسة النادرة]

ماديريليش الطريقة مديلي الزوج حبات تاعي ههههه يعطيك الصحة زخروفتي الشاطرة

[zokhrofa]

هههههههههههههههه روحي واش جابك هنا

ادخلي للدار هههه

نديرلك و نعاودلك كولي برك يا ألماستي

[ام احمدي]

هاااايلة حنونة والله استفدت بزاااااف في موضوعك
بالنسبة لطريقة العجن وطريقة التطباق وتاني كي قلتي منحطوهمش فوق بعضاهم
ربي يجازيك يااااااااااااااارب

[zokhrofa]

اهلا ام حمدي مرحبا بيك

هيا ضرك بقا توريلنا حنة يديك هههه

[الأمنيات]

اممم راهم يشهوا اختي يعطيك الصحة

[zokhrofa]

شكرا أختي كي تجربيهم أعطينا رايك فالبنة