فطير بالقمح والشّعير صحّية ولذيذة

[طاعة زوجي ..]

السّلام عليكم ورحمة اللّه وبركاته جميع روّاد هذا القسم وهذا الصّرح الطّيب

موضوعي اليوم جدّ بسيط ، هو في الحقيقة دينٌ عليّ أكثر منه رغبة في طرح موضوع ، لأنّه كما سبق وقلت سهل وبسيط

من منّا لا يعرف خبز فطير مع حليب الصباح ، ولأجل صحّتنا ولمن يتّبعون حمية من الأفضل لو يكون بدقيق القمح الكامل أو بدقيق الشّعير لما فيهما من فوائد ، ضف إليها زيت زيتون بكر سيكون المذاق رائع وصحي في نفس الوقت

الطّريقة عاديّة جدّا
قليل من الدّقيق سواءا شعير أو قمح ، لوحده أو إن أردت أضيفي القليل من الفرينة ورشّة ملح وقليل من الزّيت زيتون حسب الرّغبة أنا لا أكثر منها بطلب من أبو يوسف ، بعدها نلمّها بالماء
الشّعير يشرب بسرعة عكس القمح لذا علينا مراعاة كمية الماء حسب نوع الدّقيق ، نشكلّها ونقرّصها أيضاً حسب الرّغبة هناك من يفضّلها رفيعة وهناك من يفضّلها العكس ونطيبوها عادي في الطّاجين

أترككم مع الصّور للتّوضيح










وهذه صورة لفطير الشّعير مغموسة في زيت الزّيتون صحّية وتلائم فصل الشّتاء ، أعتذر على رداءة الصّورة




صحيح هو موضوع بسيط ، ولكن صدقاً ليس هناك أحسن من الفطير لحليب الصّباح ، أحسن من الحلويّات والمعجّنات الثّقيلة

دمتم في رعاية اللّه وشكرا مسبقاً لكلّ من زار الموضوع مشاركاً أو مارّاً فقط

[NAILATI]

yaatik essaha
dommage je ne vois pas les photos!!!

[جنة الفردوسْ]

بارك الله فيك غاليتي

[zeyyan]

[سليم المبتسم]

بارك الله فيكي اختي الكريمة

[&ام ايوب&]

جزاكي الله خيرا وسلمت يداكي

[حياتي نبع امل]

اممم شهيتيني فيها يعطيك الصحة .ماديرلهاش خمارة الحلوى ؟؟؟

[طاعة زوجي ..]

بارك الله فيكم وشكراً على المرور

[طاعة زوجي ..]

المشاركة الأصلية كتبت بواسطة حياتي نبع امل

اممم شهيتيني فيها يعطيك الصحة .ماديرلهاش خمارة الحلوى ؟؟؟

أهلا حنونة الله يسلمك
هادي عمري لادرتلها الخميرة نتاع القاطو. مي نتاع سميد وفرينة نديرلها. لكن تجي هشوشة والمعلم مايحبهاش هكداك
وكاين تاني اللي يكسرلها حبة بيض مع الأول يحكها مليح مع الزيت قبل مايلمها بالما. وكاين تاني اللي يلايمها بالحليب

أنا أغلب الأحيان نديرها بطريقة تقليدية عادية

شكرآ أخية على المرور

[،،ايمان،،]

مممم شهريني فيها ام محمد

يعطيك الصحة مش غريبة عليك فحلة الله يبارك

[/زهرة عصفور الجنة/]

بارك الله فيك انا نعملها نضيفلها فقط السانوج وشوية خميرة الخبز تعطيها لون احمر جميل

[nanoua7]

بصحتكم احنا كي يكون عندنا دقيق القمح نديروا بيه مطلوع يجي هايل

[سارة إبراهيم الخليل]

السلام عليكم
سلمت يداك ،لكن عندنا نقولولها كسرة "مبسسة" أونضيف لها الخميرة الفورية ونطيبوها في طاجين الخميرة (طاجين الحبة )،
جزاك الله خيرا

[طاعة زوجي ..]

المشاركة الأصلية كتبت بواسطة ،،ايمان،،

مممم شهريني فيها ام محمد

يعطيك الصحة مش غريبة عليك فحلة الله يبارك

أهلا إيمان واش احوالك حنونة وأحوال فلاليسك هادي غيبة.

الله يسلمك. بارك الله فيك على المرور.

[طاعة زوجي ..]

المشاركة الأصلية كتبت بواسطة /زهرة عصفور الجنة/

بارك الله فيك انا نعملها نضيفلها فقط السانوج وشوية خميرة الخبز تعطيها لون احمر جميل

شخصياً عمري لا جربتها بالسانوج لكن أكيد يعطيها ذوق مليح.

جزاك الله خيرا وشكرا حبيبتي على المرور