ما رأيكم في الهندسة المعمارية؟؟

[Asma canada]

جبت 15 و الحمد لله حبيت نقرا هندسة معمارية باللصح دارنا محبوش قالولي واعرة و للرجال برك و ماكانش خدمة واش قلتو قولولي رأيكم من فضلكـــــــــــم

[naceurz]

fooooor + kaina khadma diri ecole

[boutaina21]

السلام عليكم
اختي تقرا هندسة معمارية بعنابة والعام هذا تتخرج ماستر ان شاء الله
صحيح هي فيها التعب مي ماكاش حاجة مستحيلة
بالتوووووفيق

[albert walid]

داركم عندهم الحق 15 ديري حاجه تاع طب ولا ديري مدرسة عليا اساتذه واذا كنتي متفوقة وبارعة بامواد اللعمية ديري تخصصات مثل بيترو شيمي وكهرباء
هندسة معمارية يديوها ناس الي عندهم 13

[Elwawy]

خليك منها
مضيعت الوقت, مستوى تعليم متدني حتى في epau
تؤدي بالنفس إلى التهلكة حقا اذا كنت جادًا في دراستك (سهرات وقوف نرفزة و استفزاز يومي)
في الأخير سقاط مقاط الخدمة حشاك "عمل شبه قذر"

[Asma canada]

المشاركة الأصلية كتبت بواسطة albert walid

داركم عندهم الحق 15 ديري حاجه تاع طب ولا ديري مدرسة عليا اساتذه واذا كنتي متفوقة وبارعة بامواد اللعمية ديري تخصصات مثل بيترو شيمي وكهرباء
هندسة معمارية يديوها ناس الي عندهم 13

قلت ندير مدرسة تحضيرية للهندسة المعمارية و الطب فاصلة تاعي ناقصة ماتوصلنيش نديرها .....

[albert walid]

المشاركة الأصلية كتبت بواسطة asma canada

قلت ندير مدرسة تحضيرية للهندسة المعمارية و الطب فاصلة تاعي ناقصة ماتوصلنيش نديرها .....

لا ياختي عادي عمري بالطب مالقري ناقصة لكن لعل وعسا يمدوهالك لانو كل جامه وتفتح مقاعد بيداغوجية بنسبة معينة لكنو طب يحتاج لحفيضة ياسر ياسر
وانتي اي مواد متفوقة فيها حتى تقدري تقراي تخصص يخرج عليكي هيا حتى الهندسة المهعمارية مليحه لكنو انا شفت من منظور انو لواحد يتوضف
وربي يوفقك وتختاري الي تحبي

[bkay atika]

السلام عليكم
أختي العزيزة و الله ننصحك عن تجربة مكانش كيما مدرسة عليا للأساتذة
ديري أستاذ تعليم ثانوي علوم طبيعية والله ماتندمي عليها و الله عن تجربة تضمني الخدمة بعد التحرج و الراتب أحسن من مهندس معماري

[❀عنْفُوَاפּ طُمُوحْ❀]

الهندسة المعمارية روعة في رأيي
تحسين فيها انك منتجة كما انك قد تصلين بها الى العالمية بسهولة ان كنت مبدعة فيها
كما انها تدر الكثر من الاموال ، ستكون من ضمن خياراتي ان شاء الله

[~طَـــمُـــوحْ~]

القراية تاعهم ولا اروع وممتعة

خويا قراها وقراو معاه ايضا بنات

فقط انصحك الا تقرئيها في جيجل اساتذتها متشددين

[إيمانDZ]

نصيحة لوجه ربي....
اخطيك منها.......و الله..عن تجربة......
ما عندها حتى مستقبل في بلادنا..
هذا رأيي..............

[ammar le fort]

الهندسة معمارية تخصص صعب نوعا ما و تكمن صعوبته في المزج بين الحفظ و الفهم و التطبيق ..
هو تخصص يتطلب الصبر و السهر و التعب ... و انجاز الأعمال في وقتها ينقص من شدة صعوبتها ...
هذا التخصص للبنات و الذكور على حد سواء و الدليل أن عدد الفتيات في كليات الهندسة أكبر بكثير من الذكور ..
أما بالنسبة للعمل فمناصب الشغل متوفرة حسب قدرات المهندس...
يبقى اختيار هذا التخصص مرتبطا بميول الطالب .قدراته ( التخيل .. الرسم و الإبداع ) وكذلك القدرة المادية لأنه تخصص مكلف نوعا ما ..
أتمنى أن أكون قد أفدت و لو بالقليل .. بالتوفيق إن شاء الله ..

[نوال 2014]

هي تخصص غريب شويا باش ديريه لازم تكوني قافزة في الرسم وعندك ابداع ودايما تتخيلي وتسلكي روحك تنساي الراحة والرقاد الا كانت فيك هاد المقومات ديريه وماتخافيش والا لا مكان لاه هو نتاع بنات وولاد بصح الولاد كتر وزيد ياكل الدراهم بصح مكان حت حاجة ساهلة روحي سقسي واحد يقراها يفيدك كتر