|
|
|
|||||||
| قسم التفصيل و الخياطة ورشات - مجلات - ازياء |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
تركيب السفيفة و الكابلي عالجلالب و القفاطن بجميع اجزاءه
|
|
أدوات الموضوع | انواع عرض الموضوع |
2014-04-21, 20:09
|
رقم المشاركة : 1 | ||||
|
تركيب السفيفة و الكابلي عالجلالب و القفاطن بجميع اجزاءه
كيما وعدت اختي نخلة راني عملت موضوع خاص باه تعم الفائدة السلام عليكن اخواتي في الله اول حاجة هي الادوات اللي محتاجينهم في هاد النموذج هو الكابلي وطروفة ديال الثوب الماكنة ديال الخياطة والخيط الملائم من طبيعة الحال بالنسبة للاخوات اللي عندهم الماكينة الكبيرة والصغيرة السباط تنعدلوه بالطريقة الاتية وهي طريقة الاستاذة الغالية ام سومية تنشدو اي سباط عندنا وتنلويو عليه السكوتش وتنديرو شق بالكيتور او المقص هكا تيتزاحم الكابلي او الطرسان وتيخلينا نخدمو على راحتنا والصور تتوضح  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هنا اخواتي راني وريتكم سباط الماكينة الكبيرة والصغيرة اذن مبقاش عذر عندنا يعني اي سباط ممكن يخدم ندوزو دابا للخدمة اول حاجة نشدو الطرف ديال الثوب ونرسمو عليه ثلاث خطوط بالمسطرة والقلم هكا منعوجوش الكابلي ونتبعو على السطر إضغط هنا لرؤية الصورة بحجمها الطبيعي. تنشدو الكابلي ونلويوه على عنقنا وفي هاد الصورة بالظبط راني لاوياه على عنقي باش يبان ليكم كيفاش غادي يجيكم فاش تمرروه من وراء العنق ديالكم هانتوما تلويوه بحال المشنقة هههههههههههه غير مرروه إضغط هنا لرؤية الصورة بحجمها الطبيعي. تنرميوه في الارض باش يجبد لينا الخدمة وهاني رميتو وسمحت فيه هههههههههههه إضغط هنا لرؤية الصورة بحجمها الطبيعي. والطرف اللي نخدمو بيه هاهو مجبد كيفما تتلاحظو في الصورة إضغط هنا لرؤية الصورة بحجمها الطبيعي. تنمرو دابا وندخلوه في الصباط ديال الماكينة باش نخدمو به والطريقة هاهي بالصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. تنشدو الثوب اللي درنا عليه الخطوط وغادي نحطوه من تحت الكابلي ديالنا بحال اللي في الصورة إضغط هنا لرؤية الصورة بحجمها الطبيعي. ومحيت الكابلي داخل في السباط غادي يسهال علينا نخيطوه والسر باش يطلع لينا الكابلي متقون هو اننا تنجبدوه بيدينا بجوج من الجهتين انا معداليش نوضح ليكم حيت تنصور بواحد اليد وتنخدم بالاخرى المهم انتوما جبدوه مزيان باش يجي واقف إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهكا تيولي اعتذر عن قلة جودة العمل حيت كان عندي هاد الكابلي قديم وبدا تيتحل ليا مع الخدمة ولكن بدلت باباه بواحد اخر احسن منو إضغط هنا لرؤية الصورة بحجمها الطبيعي. تنشدو الكابلي ونعاودو نخدمو في الخط الاخر خط بحالو إضغط هنا لرؤية الصورة بحجمها الطبيعي. غادي نعاودو نشدو الكابلي وندوزو حدا هاد الخط الثاني اللي صاوبنا يعني نديرو جوج خطوط واحد حدا الاخر وباش غادي يصدق لينا هاد العمل وميجيناش الثوب باين من بين جوج كابليات هو اننا فاش نبغيو ندوزو الكابلي الاخر نديرو بحال ايلا غادي نخيطو على الاكابلي الاول وهو مع الزيار ديال السباط غادي يتخيط حداه ماشي فوقو ولكن لاصق عليه باش تتجي الخدمة نقية وداااائما مننساوش التجباد راه ضروري إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. تنعاودو نشدو الكابلي ونخدمو خط اخر في الخط الثالث ولكن هاد المرة منقطعوش غادي نخليوه ونثبتو الابرة الداخل باش ميهربش وندورو الخدمة ديالنا غادي يولي الكابلي اللي كان تيبان مور الماكينة قدامنا تنشوفو فيه ونعاودو نخدمو خط اخر لاصق عليه وفاش نوصلو للطرف عاوتاني منقطعوش نثبتو الابرة كيفما عملنا في الاول ونرجعو نخدمو خط ثالث حتى هو لاصق باش تتدربو اكثر وها الصور تتوضح كولشي إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهكا نكونو سالينا العمل ديالنا وها النموذج الاول من التعلام الله يجعلو بداية خير لكل دروسنا اللاحقة باذن الله إضغط هنا لرؤية الصورة بحجمها الطبيعي. السلام عليكن اخواتي في الله غادي نزيد نشرح على القضية ديال الكابلي حيت الاخوات لقاو فيها لبس بالنسبة للتجباد راه الكابلي اللي تيكون امامنا نازل من العنق وعلى الثوب راه متنجبدوهش غير بوحدو راه هكا غادي تجينا الخدمة بحال ايلا خيطنا لاستيك فضروري نحطو يدينا على الكابلي وعلى الثوب ايضا حيت حتى الثوب خاصو يكون واقف في الخدمة ومتجبدوش بزاف راه لاحظت الاخوات عطاو للتجباد اكثر من القياس عليها الخدمة طلعات مكمشة بالنسبة للطراسن اخواتي راه حتى هوما تنخدمو بيهم الجلالب والقفاطن وانا حاليا خدمت جلابة لزوجي بالطراسن دابا نحطها الفرق بين الكابلي والطرسان الكابلي تيكون غليييظ تيكون ابتداء من لون واحد الى ثلاث الوان الطرسان تيكون رقيق على الكابلي وتيكون الاغلبية فيه لون واحد ولكن ممكن تدفعيه بجوج لوان ايلا بغيتي تجيك الخدمة بحال ديال البرشمان وهاد القضية غادي نزيد نوضحها اكثر باذن الله بالنسبة لطريقة الاخت اسك را الله يجازيها كل خير حتى هي جربتها وطلعات وهاديك القضية نخدمو بيها الثواب اللي تيتجبدو حيث ميمكنش لينا نزيدو نجبدو ثوب اصلا تيتجبد غادي يجينا فوق العبار اللي بغينا السلام عليكن اخواتي اليوم مع درس السفيفة ان شاء الله اول حاجة خاص تكون عندنا السفيفة ممكن ليكم تشريو غير ديال 2 دراهم للمتر اوديال درهم ونصف للمتر شريو شي ربعة متر وبداو تتعلمو فيها تنشدو الطرف ديال الثوب كيفما تعودنا اللي عندها ظهر الثوب باين على وجه الثوب ماشي مشكل واللي عندها بحال الوجه بحال الظهر تعلم بحال كيفما عملت في الصورة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. نشدو الكابلي ديالنا انا خدمت بالطرسان ونخدمو على ظهر الثوببحال اللي في الصورة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ها وجه الثوب تتكون باينة فيه غير الخياطة إضغط هنا لرؤية الصورة بحجمها الطبيعي. تنشدو ديك الشياطة ديال الثوب ونقلبوها لوجه الثوب بحال هكا إضغط هنا لرؤية الصورة بحجمها الطبيعي. ونحطو السفيفة مباشرة فوق ديك الشياطة باش تتخبا لينا العيب ديال الثوب خاصنا نراعيو الثوب ميبانش من ما بين السفيفة والكابلي واياكم ثم اياكم ثم اياكم تجبدو السفيفة راها تتعواج هيا على عكس الكابلي هي فاش تنخدموها يدينا خاص تكون مرخوفة معاها ومنجبدوهاش نهائيا ونحاولو نحطوها تقريبا بحال ايلا فوق الكابلي ومع الزيار ديال السباط غادي تتخيط حداه ماشي فوقو إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هانتوما شوفو العيب ديال الثوب كيف مخبع تحت السفيفة إضغط هنا لرؤية الصورة بحجمها الطبيعي. غادي ندوزو الخياطة من الجهة الاخرى للسفيفة ومن بعد الكابلي بحال اللي في الصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هانتوما شوفو ظهر الثوب هو اللي تيولي تتبان فيه غير الخياطة وعيب الشياطة ديال الثوب خبيناه تحت السفيفة إضغط هنا لرؤية الصورة بحجمها الطبيعي. تنمشيو للجهة الاخرى ديال الثوب ونخدمو عليها حتا هي بحال هكا إضغط هنا لرؤية الصورة بحجمها الطبيعي. نجمعو الجناب وندوزو عليهم الماكينة وهكا نكونو سالينا اول نموذج للسفيفة خدمو بحالو بزاف باش نتعلمو فيهم تركاب العقاد والضرس باذن المولى إضغط هنا لرؤية الصورة بحجمها الطبيعي. شكرا استاذة شموخ امراة على التثبيت الله يجعلو في ميزان حسناتك اليوم ان شاء الله نوريكم الفرق بين الكابلي والطرسان ونفهم ليكم امام السفيفة مع الخلف ديالها بالاضافة الى الدرس باذن المولى عز وجل عندنا في الصورة الاولى كابلي جوج لوان وكابلي لون واحد وممكن نوصلو حتى لثلاث الوان حاليا متوفرين عندي غير هاد الجوج لوان إضغط هنا لرؤية الصورة بحجمها الطبيعي. وفي الصورة الثانية عندنا الطرسان طرسان جوج لوان وطرسان لون واحد إضغط هنا لرؤية الصورة بحجمها الطبيعي. دابا نجيو للفرق والفرق وضحتو في هاد الصورة الكابلي تيكون غلييظ والطرسان تيكون رقيق وهاهوما باينين في الصورة إضغط هنا لرؤية الصورة بحجمها الطبيعي. عندنا السفيفة باش نعرفو الوجه ديالها تنمشيو للحافة اللي حاطة حداها صبعي فاش تتكون هابطة هاداك هوالامام وها الصورة تتوضح إضغط هنا لرؤية الصورة بحجمها الطبيعي. والخلف تتكون فيه ديك الحافة طالعة بحال اللي في الصورة هذا بالنسبة للسفايف اللي متنفرقوش بين وجههوم وضهرهوم اما باقي السفايف راه باينين إضغط هنا لرؤية الصورة بحجمها الطبيعي. عندنا واحد الحاجة اخرى هي اننا نخدم بجوج كابليات او طراسن وتيعطيونا شكل ضفيرة وهاد القضية باش نحققوها هي فاش نمشيو عند الحرار تنطلبو ليه كابلي او طرسان مبروم برامة عادية وكابلي او طرسان اخر في نفس اللون ولكن تنقولوليه مفتل اي مبروم عكس الطرسان او الكابلي الاول وتنخدمو بيهم بجوج تيعطيونا بحال خدمة البرشمان بحال اللي في الصورة إضغط هنا لرؤية الصورة بحجمها الطبيعي. تنتمنى تكونو فهمتو يا اخواتي هاد الفروق هادشي غادي يعاونكم في المستقبل فاش تبغيو تنوعو الخدمة ديالكم نجيو دابا للدرس غادي ناخدو كيف العادة طريف ديال الثوب وغادي ندوزو ليه الكابلي بحال اللي في الصورة انا خدمت بالطرسان إضغط هنا لرؤية الصورة بحجمها الطبيعي. نشدو السفيفة ديالنا ونخيطوها بهاد الشكل بحيث اننا فاش نوصلو للقنت باش غادي ندورو غادي نثبتو الابرة في السفيفة ديالنا مع القنت ديال الكابلي ونراعيو الثوب ميبانش لينا في داك القنت حيت ديك البلاصة ضروري تكون مقنتة والثوب مباينش نهائيا وها الصور تتوح اللي قلت ليكم داباإضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. غادي ندورو خدمتنا ومعاها غادي تدور السفيفة وتتقنت إضغط هنا لرؤية الصورة بحجمها الطبيعي. وحنا تنخدمو وحنا تنخبيو الثوب حتا ندوزو داك القنيت باش ميبانش فيه الثوب نهائيا إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهاهي من بعد ما سالينا الخياطة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هنا دابا فاش غادي نعاودو الخياطة غادي نراعيو دائما في القنات ان الفوق يجي على التحت هادي قاعدة دائمة يعني فاش نطويو السفيفة ديالنا نحطو السفيفة الفوقانية على التحتانية وها الصور تتوضح إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. فاش نخيطو الجهة الثانية من السفيفة نمشيو على ديك الثنية ونرجعو بالماكينة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهاهي مخيطة نخيطو الكابلي كيفما تعودنا وها نموذج نهار اليوم كيف نتعاملو مع القنات تنتمنى تفهموه وتطبقوه ان شاء الله إضغط هنا لرؤية الصورة بحجمها الطبيعي. السلام عليكن ورحمة الله اليوم اخواتي مع درس جديد ان شاء الله درس اليوم الفتحة بالسفيفة والفتحة بالكابلي تناخدو كيف العادة طرف ديال الثوب ونعلمو الامام والخلف فيه كيفما موضحين الصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. نطويو الثوب على الوجه والضهر هو الباين ونقطعو باش يعطيونا جوج اطراف متماثلين إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وناخدو المقص ونقطعو داخل الثوب بعمق سنتيم واحد بحال اللي في الصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ونخيطو حد الفتحة اللي فتحناها إضغط هنا لرؤية الصورة بحجمها الطبيعي. وهكا تيبان لينا الثوب من الامام إضغط هنا لرؤية الصورة بحجمها الطبيعي. وتنشدو الكابلي ديالنا كيفما العادة ولكن هاد المرة نخيطو على الخياطة اللي عندنا فوقها تماما باش ميبانش لينا فين خيطنا ونخيطو الكابلي حتى نوصلو لحد الفتحة اللي قطعنا ومنقطعوش الكابلي غير حيدوه من ابرة الاماكينة غير بشوية إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. غادي نقلبو الثوب ديالنا باش نوليو نشوفو ظهر الثوب ونكملو الخياطة ديال الكابلي ديالنا من الخلف هاداك الكابلي اللي قلتليكم متقطعوهش هو تيكون خط متصل نصفه مخيط على الامام والباقي مخيط على الخلف بحال اللي تتبين الصورة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. تنعاودو نشدو الكابلي ديالنا ونمشيو للطرف الاخر من ظهر الثوب ونخدمو عليه حتى هو إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهكا تتبان الخدمة من الامام إضغط هنا لرؤية الصورة بحجمها الطبيعي. دابا نجيو باش نلصقو السفيفة غادي نقلبو الثوب لجيهتنا يعني ديك الخدمة ديال الكابلي اللي خدمناها على الامام غادي تولي قبالتنا نشوفو فيها والفتحة تكون مواجهة لابرة الماكينة بحال اللي في الصور إضغط هنا لرؤية الصورة بحجمها الطبيعي. وغادي نردو الشياطة ديال الثوب للامام كيفما تعلمنا فاش بغينا نركبو السفيفة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. قبل منوصلو لجهة الفتحة غادي نلويو السفيفة باش نكونو زاوية بحال اللي تتوضح الصور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ونخيطو حتى نوصلو للاخر ونثبتو الابرة وندورو الخدمة عاوتاني لباش نكملو الجهة الاخرى إضغط هنا لرؤية الصورة بحجمها الطبيعي. فاش ندورو الخدمة غادي نلويو السفيفة عاوتاني باش نكملو ديك الزاوية والصور تتوضح كولشي ونخيطو منين حبسنا إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ونكملو الخياطة ديالنا عادي حتى للتحت ومن بعد نعاودو نخيطو السفيفة من الجهة اللي ممخيطاش وندوزو الكابلي ديالنا وها حنا سالينا الفتحة ديالنا إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. دابا نجيو للفتحة اللي بكابلي حتى هي تنخمو نفس الخطوات الاولى للثوب غير هو داك الكابلي اللي تندوزو على الخياطة تنقطعوه فاش تنوصلو للفتحة اللي عملنا إضغط هنا لرؤية الصورة بحجمها الطبيعي. من بعد تنشدو الكابلي ديالنا ونوكنو مدورين الخدمة لعندنا حيت دائما تنبداو من التحت ونخيطو الكابلي كيفما موضحة الصورة إضغط هنا لرؤية الصورة بحجمها الطبيعي. فاش نوصلو للكابلي اللي فات لينا خيطنا نثبتو الابرة تماك وندورو الخدمة باش نكملو للجهة الاخرى إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. فاش نكملو نثنيو الثوب هاد المرة للداخل ماشي لوجه الثوب تنطويو الثوب على عكس فاش تنبغيو نخيطو السفيفة إضغط هنا لرؤية الصورة بحجمها الطبيعي. ونعاودو نخيطو كابلي اخر حداه باش نثبتو داك الثوب اللي دورنا للخلف وحتى جماليا حيت جوج كابليات احسن من واحد إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. وهكا نكونو سالينا الخدمة ديالنا لعل وعسى يكون الدرس مفهوم ان شاء الله إضغط هنا لرؤية الصورة بحجمها الطبيعي. قريبا نحطلكم موضوع الفصالة وموضع شرح السفيفة بانواعها و طراسن و الكابلي و العقاد...
|
||||
|
| الكلمات الدلالية (Tags) |
| الصـدفة, القفاطن, الكابلي, اجزاءه, تجميع, تركيب, عالجلالب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري