طاعة الرجال

[مشكلتي]

السلام عيكم و رحمة الله

اللهم اسالك باسمائك الحسنى ان تفرج هم و م كل من مر هنا


اريد رايكم و نصايحكم لانو محتارة شكون نتبع انا من عيلة محافظة بابا الله يرحمو مت و ما نعرفوش عندي زوج خاوتي رجال مزوجين و الحمد لله رباوني

احسن تربية الكل يشهد باخلاقي و رزانتي حنا في الدار تربيت على انو الراجل شيئ مقدس ذو مكانة عالية هكذا رباتني يما نتعامل مع خاوتي نسمع الكلام

عمري نرد حتى لوكان يل نبقى ساكتة نشاورهم في اتفه الامور و عمري نتصرف من رايي الحاجة اللي تزعفهم دايما نيفيتيها مقدرتهم الحمد لله و يعاملو ني على

اساس بنتهم مش اختهم

دركا جا مكتوبي اذا كتب ربي و هاذ السمانة باذن الله خطبتي كل البنات اللي نعرفهم و المتزوجات يقولولي عندك تقيمي الراجل و تعطيه الرسمي و انتي

جايحة و نية فوق اللازم لازم تثبتي روحك و تبيني شخصيتك و وووو

مستحيل نقدر نعممل هكذا تربيت على احترام الراجل ما نقدرش نتعامل معاه هكذا والفت نمشي بنية صافية و خاطيني اللف و الدوان و الخبث كلش على برا و

بطريقة مباشرة

يا اهل الخير فهموني هل انا اغالطة في مفهوم الطاعة و حسن المعاشرة للرجل نغير طريقتي و نسمع كلامهم ولا واش نعمل خوفوني و الله لانو مستحيل نغير طباعي

[سجل أنا جزائري]

يا أختي أخطيييك منهم هذا التفكير وصل معظمهم يوصول للطلاق

صح كاين الرجال في لول ما يبانوش و يخلي خطيبتو دير رايها و هي تحسب صح راهي دارتو خاتم في يديها مي مبعد كي يتزوج يورلها العين الحمراء و يولو في مشاكل و و و و

اذا كان راجل صح و يحترمك و الله راه يحطك فوق راسو كي تعامليه هكذا

[عبد الغني 75]

السلام عليك و مشاء الله عليك
أثبت يا أخت على تربيتك ان طاعة الزوج في غير معصية مفتاح الجنة وقال رسول الله عليه الصلاة و السلام " إذا صلت المرأة خمسا و صامت شهرها و حفظت فرجها و أطاعت زوجها دخلت جنة ربها " وقال ايضا " لو كنت أمرا أحدا أن يسجد لأحد لأمرت المرأة أن تسجد لزوجها
و قال رسول الله عليه الصلاة و السلام . " الدنيا متاع و خير متاع الدنيا المرأة الصالحة
انصحك أن لا تستمعي لنصائح نساء السوء
حياة سعيدة أن شاء الله

[*تسنيم*]

هدو يحوسو يخربولك دارك ماتسمعيلهومش حافظي على اخلاقك وتربيتك وتبدياش الحيلة من الاول امشي بنيتك اكيد ربي يعطيك شخص لي يقدرك ويحترمك و يهنيك. بالتوفيق

[naamane3]

بارك الله فيك على ما فيك من خصال حميدة
اثبتي عليها واطيعي زوجك الا في ما حرم الله
وتأكدي انك ستكونين ملكة على رأسه
واما اذا فعلتي ما يقلن لك صديقاتك
فخراب بيتك محتمل ولو طال الزمن

[hodayena]

طاعتي وصدقي وتنازلي ومحبتي له وصلتني معاه للطلاق
كاين بعض الامور راني معاك اطيعيه ووكل شيء وواجب تساليه وتشاوريه والى غير ذلك هذه واجبة في الحياة والاحترام وكل شيء لكن هناك بعض الامور لا دخل للرجل فيها وخاصة حيات اهلك واخوتك والى غير ذلك والنية هي اساس الزواج اذا راحت النية وبدا لازم نتحكم فيه ولازم يديرلي ونديرلو ونديرو خاتم ونردها زربية نمشيء عليها هنا تخسر الحياة الزوجة اختي امشي مع هذا الانسان بتربيتك واخلاقك ولازم يعرف من الاول انو خاوتك واقفين معاك ومن الاول يعرفوه مليح بلي انتي بنتهم مش اختهم والي يضرك يضرهم وحاولي اختي نصيحتي ليك في الزواج انو متخرجيش مشاكلك لحد حلي مشاكلك بالهداوة والتفاهم ومتخلي حتى احد يدخل بينك وبين زوجك وربي يهنيك اذا خفتي الله واطعتيه في شيء لا يغضب الله راح تنجحي ومتسمعيش لكلام الناس راح تخربلك دارك
اذا شافو زوج متفاهمين يقولك ديارتلو سحور واذا شافو الراجل يسعف مرتو يقولك تحكم فيه والىىىىىىىىىىىىىىىىىىىىىى اخره
نتمنى لكي حيات هادئة

[الدكتور شهاب الدين]

ثقي في الله و سيري بنيّتك حتى لو كان الرجل سيئاً ، فبنيّتك و أخلاقك و صراحتك سيوفقك الله في حياتك و يهدي من يريد بك البلاء و السوء ... قومي بذلك من أجل الله فقط و سترين نتيجة مذهله

[nasser26]

يا اختي الكريمة تحية احترام كبيييييييييييرة لك

بارك الله فيكي

أما ما ذكرتي فلو اطلعتي عليهن اوجدتي اكثرهن غيرة منكي وفقط لانك ستتزوجين ان شاء الله

حافضي على مبادئكي

[لمسة L]

اختي الف مبروك ، ربي يكملك على خير و يهنيك

انت يا اختي امشي بنيتك الصافية كيما قلتي ، الحياة الزوجية السعيدة اساسها الاحترام ، و الاحترام يعني الطاعة في الامور المذكورة في الدين

قدريه و احترميه تربحي راحتك ان شاء الله

[zalamite]

[size="5"]دعكي من تفكيرهم السلبي و مشروعهم التخريبي و ابقي كما انت لا تزيدي و لا تنقصي شئ كل منا يحمل عقل و قلب و طريقة حياة و تفكير مختلف ...انصحك بما يلي انت لديك تربية سليمة و هناك شخص سياتي ليخطبك فان كان هدا الشخص يستاهل هده الخصال التى فيك فاعطها له اما ادا كان غير دلك و لم ترتاحي له فلا تتزوجيه اصلا . وجهة نظر .. و الله اعلم

[amineb64]

ياريت نلقى واحدة كيفك تمشي معايا بخالص نيتها و بفطرتها كانثى باحترامها للرجل ساخطبها مغمض العينين و اعدها بوفائي لها و انا احي والدتك التي علمتك هذه الامور الحمد لله الدنيا مازال بخير و يوجد امهات في القمة و بنات الاصل كذلك و الله انا انصح بسماع كلام والدتك لانها تعرف لك الخير اما الاخريات فمعضمهم لا يحب لك الخير مجالس النساء يحظر فيها الجن بكثرة و دوره التفرقة فمعظم كلامهم عن فلانة و فلان و ديرله و زيريه و فعليله كذا و كذا و هذا من الجن يريد التفرقة قولهم معليش نقعد جايحة خير .الجياحة راها فالنشطة و القفازة ماشي في هذه الامور نديره خاتم بالعكس هوما الجايحات . و الله النساء ماراح يفيدوك بشيء الا الوسوسة و التفرقة و تاكدي اذا فاقلك بلي تسمعي كلام النساء راح تكون مشكلة
و احيك و احي والدتك هي الاولى ثم اخوتك

[♣Black♣]

هذا زوجك في المستقبل انشالله ايلا كتب الله
الجواب لازم يكون دليل شرعي.
المرأة إذا تزوجت كان زوجها أملك بها من أبويها وطاعة زوجها عليها أوجب.
قالى عليه الصلاة والسلام :{ لو كنت آمرا لأحد أن يسجد لأحد لأمرت المرأة أن تسجد لزوجها }

نشالله ربي يجمع ما بيناتكم
والسلام عليكم ورحمة الله

[fella111]

بالعكس احترام الزوج واجب ديني الا ما حرم ربي ...........و تأكدي انه سيتوجك ملكة على عرشه طبعا لو كان يفهم ...............هههه المشكل ان الرجل تسايسبه بديرلك رايك و لو لم يكن موافق من الاول..........تغلضين راسك .بفعل عكس ما يرضيك حتى لو كان موافق .

[البيت السلفي]

السلام عليكم ورحمة الله
ماشاء الله ، الله يبارك
راكي هايلة أختي، ربي يثبّتك
من أصابتهم رياح التغريب وحقوق المرأة التي أزكمت الأنوف هم من يتكلّمون بذلك الكلام
زوجك إن شاء الله هو جنّتك ونارك كما قال رسول الله صلى الله عليه وسلّم

وصاحب النيّة الطيّبة عمرو ولا يطيح لأنو الله سبحانه وتعالى يحفظه ويؤيّده.

لا تسمعي ولا تُجالسي ولا تُخالطي هذا النوع من البنات ، خالطي الرزينات أمثالك ومن ينصحنكِ بالخير.
موفقة أختي.

[نورسين.داية]

السلام عليكم

أولا لم تذكري لنا مستواك الدراسي

لأن طريقة تفكيرك تبين أنك إنسانة بعيدة عن الواقع ..........يعني من الناحية الإجتماعية و لو فكرة بسيطة حول شباب اليوم ...هل يصلح كزوج ام لا ..............؟؟؟


أما انك تقولين لي الرجل بشكل عام و مطلق ...........................آآآآآآآآآآآآآآآآآآآآآوا ه ......مكاش منها

يجب ان تفرقي أولا بين مصطلح الذكر و الرجل .....بعدها إستعملي مبدأ الطاعة ......

يعني الإنسان الذي سوف ترتبطين به هل هو رجل بما تحمل الكلمة من معنى أم .....غير ذلك ......ركزي في هذه المسألة جيدا .....


و الله طريقة بتفكيرك ضحكيتيني ..............ماتزعفيش أختي لكن رجال الواقع لا يشبهون إخوتك الذين ربوكي .....يعني ماتكونيش نية ..................سبحان الله ...........

هو الراجل واش يحوس أكثر من وحدة تقول له .......السمع و الطاعة ......يقسمها على 2 و يحبها تقولو يعطيك الصحة راك ما ضربتنيش مليح .......زيد شوي ..............


غيري هذه العقلية .............و أنتي أدرى طبعا