خطوات الحصول على سجل تجاري

[سجّل أنا جزائري]

السلام عليكم اخوتي اخواتي
اريد ان استفسر من كل من لديه خبرة او معرفة بالموضوع
اريد خوض غمار عالم التجارة ان شاء الله في مجال المواد الغذائية للجملة
سؤالي كيفية الحصول على سجل تجاري والوثائق المطلوبة لتكوين الملف الخاص بذلك وشكرا لكم

[ibrahim92]

للحصول على السجل التجاري يجب تقديم ملف اداري يحتوي على الوثائق التالية : استخراج سجل تجاري لشخص طبيعي

• طلب موقع من طرف المعني حسب الاستمارة المعدة من قبل المركز الوطني للسجل التجاري.
• عقد ملكية المحل التجاري أو عقد إيجار المحل التجاري معد من طرف موثق.
• شهادة ميلاد المعني رقم 12.
• مستخرج من صحيفة السوابق العدلية رقم 3.
• إيصال يثبت دفع حقوق الطابع المقدرة بـ 4.000 دينار جزائري، يتم الدفع على مستوى قباضة الضرائب.
• ايصال دفع حقوق التسجيل بالسجل التجاري، الذي يقدمه المركز الوطني للسجل التجاري (انظر جدول أسعار الحقوق في الأسفل).
• اعتماد أو رخصة ممارسة النشاط بالنسبة للمهن و النشاطات المنظمة.

[ibrahim92]

أسعار حقوق التسجيل في السجل التجاري
هذه الأسعار صالحة لرمز واحد للنشاط مع وجوب احتساب زيادة تقدر بـ 200 دينار جزائري لكل رمز إضافي.

بالنسبة لشخص طبيعي
طبيعة النشاط التجاري السعر بالدينار الجزائري تجارة غير قارة 2.080,00 تجارة التجزئة 2.880,00 محلات السوبر ماركت4.320,00 تجار الجملة4.320,00 استيراد / تصدير4.320,00 خدمات 3.520,00 الإنتاج / التجهيز 4.320,00 الشطب من السجل التجاري 1.200,00

[mrmilano1984]

اخطك اخي در كومرس صدقني الشعب هدا معاه الخدمة صعيبة بزاف يحب الكريدي بزاف بزاف والرومبورسمون تقولي لا نزير لثم لي يزد يهربو عليك راهم مجربين اصدقائي مواد غدائية حبسو كامل وبدلو نشاط الفايدة والو لانو الشعب يعيي صدقني
در سيارة اجرة او سائق حافلة او فرودي او افتح مطعم او كانكايري فيها الدراهم ومافيهاش تكسار راس بيع وروح وفيها فايدة

[timorlank]

ما دمت عندك الخيوط في الاسعار التي تكون تنافسيه

وراك قادر عليها

مع العلم تجار المواد الغذائية بالجمله لازمك تكون خشين ودراهم كبار حتى تبدا

ولازمك تشري من المستوردين او من الممولين الاساسين للمواد

ودير في بالك الضرائب طيح عليك بالشاقور والمنجل

لانك ما دمت رحت وطلبت سجل للجمله

معناها انت تقول لمديريةالضرائب والسجل التجاري انا خشين

يعني انت خشين تخلص خشين

وانصحك انا بعمل بسيط مثلا محل بيع مواد غذائية عادي وليس جمله

محل بيع ملابس
محل بيع ملابس داخلية

محل حلويات اعراس الخ

فكر واتكل على الله

[سجّل أنا جزائري]

يعطيكم الصحة خاوتي
انا لقيت ممول لي يساعدني قالي نبدا معاك من الاساس ونعاونك بالسلعة حتى انك تخلصني بعدما تبيع سلعتك
يعني لقيت المساعدة لذلك اخترت هذا المجال ممكن نبدا بالتجزئة واذا سهل ربي نوسعها للجملة
وكل شي بارادة رب العالمين

[timorlank]

المشاركة الأصلية كتبت بواسطة سجّل أنا جزائري

يعطيكم الصحة خاوتي
انا لقيت ممول لي يساعدني قالي نبدا معاك من الاساس ونعاونك بالسلعة حتى انك تخلصني بعدما تبيع سلعتك
يعني لقيت المساعدة لذلك اخترت هذا المجال ممكن نبدا بالتجزئة واذا سهل ربي نوسعها للجملة
وكل شي بارادة رب العالمين

اذا كنت شاب في مقتبل العمر وطالب كما ارى في بياناتك فعليك بعمل الشباب يعني حركه اتعلم حرفه صنعه دبلوم تخصص

وبعدها كي تكبر وتعود متقاعد دير بيع مواد غذائية


والعمل الذي يكون مرتكز على شخص يقول لك انا ادعمك وبيع الخ

فهو يريد فتح بك طريق لبيع سلعه


يعني دير حانوت وتبيعلي وادي فايدتك


انصح اخطيك من العمل النائم

يعني تبقى قاعد وتبيع بواطا ياغورت وشكاره حليب وراك قاعد وشبابك يروح في الهوا


الافضل عمل حرفه يعني

metier



بالتوفيق واخدم وحدك ما تعتمد على حتى واحد

الناس تكذب وتخدع وتغفل يجر بيك الحصيره ويخليك في الارض

[فيصل 1954]

السلام عليكم ربي يوفقك اخي لمشروعك الخاص وننصحك تدرس من موقع جميل جدا اسمه hp life فهذا فيه دروس علمية لتجار احاول مساعدتك اكثر فايسبوك بلواز ميلود

[mrmilano1984]

اخطك اخي نصيحة ليك ودبر راسك صدقني جاري يخدم مواد غدائية والله كلاوه بالكريدي وماخلصوهش شعال من واحد مش واحد برك فهمت يعيو بزاف والله ماني نديكوراجي فيك اقول لك الحقيقة وشعال من واحد يقلك ازدم الهدرة ساهلة انا نعرف ناس شجعوهم ومن بعد هو لي يجي يبروفطي منك ويكردي عليك افهم انت عقلية هدا الشعب الحابس