هل انا مقصى

medalger · 2014-09-22, 07:47

السلام عليكم انا من الناجحين فى شهادة الباكالوريا 2014 بعد 3 مرات من الاخفاق لكن بعد نجاحى اصبحت فى ورطة لقد تممزقت كشف النقاط فى 3 اوت وعندما ذهبت للتسجيل فى الجامعة ببعد 400 كم تم رفضى و امرونى باعادت كشف النقاط والعودة للتسجيل من 3 الى 21 سبتمبر فرحت لكن لما عدت لولايتى وذهبت الى الديوان الوطنى لجلب كشف جديد قال لي نحن فى عطلة ولي فى 5 سبتمبر اوك فاتو ليام وليت فى 5 سبتمبر للديوان قال لي لازم تروح الجامعة تسجل بتحفظ وجيب ورقة من تم ديرها مع الدوسي لي نعاودو بيه الرولفى معليش انا وليت لاجامعة قتلهم سجلونى بتحفظ و اطوني تصريح لي سجلتوني رد لي قالي هدي حنا كامل منعرفوهاش ههههه ضحكت على روحي حتى كرهت غاضتني عمري كى وليت نحلل فى الرخاس المهم نولي للديوان نقلهم محبوش كي وليت قالي معندي منديرلك اخي ايا خرجت مهدرتش معاه ممبد وليت ليه قتلوا انا خلاص منقراش فى الجامعة صايي تانيت متعاودليش الرولفي ...... قالي اوك اطيني دوسييي O.o يعني بعتنى 400 k سكارة المهم لحد الان مخرجش الرولفى خلاص البارح التسجال و هل كي يخرج نسجل عادي و مزال الدوسي تع الاقامة وووووووو البقية ممكن اي استفسار

medalger · 2014-09-22, 08:50

هل من مساعدة

اميرة بكلمتي · 2014-09-22, 10:39

ان شاء الله كي يخرج الغولفي روح نورمال لانو انت عندك عذر باه تاخرت فالتسجيل و ان شاء الله ميكون غير الخير ومتتقلقش هاذي هي بلادنا

medalger · 2014-09-22, 11:54

انشاله اخى شكراا

اميرة بكلمتي · 2014-09-22, 12:04

العفو و اكثر من الدعاء (انا بنت)

maloukjaja · 2014-09-22, 13:22

ربي معاك ختي وكلي عليهم ربي برك

hmidacom · 2014-09-22, 14:56

يا للاسف . لا اعرف كيف يتلاعبون بالطلاب هكذا و خاصة الجدد كان عليك ان تلاقي المديرو لا تضيعي الوقت و الجهد في الذهاب و الاياب . ما عندكش الزهر

بدر الصافي · 2014-09-23, 19:56

هذه ضريبة النجاح
لما تحاول التسجيل اذهب لعميد الكلية واشرح ليه الأسباب راح يعاونك ان شاء الله
ربنا يوفقك

فريال العلمية · 2014-09-25, 13:57

خويا متخافش التسجيلات مزال لدوكا يسجلو شوف غير صحاب الترونسفار انا وحدة منهم القراية بدات و انا مزالني مسجلتش
ربي معاك متتقلقش