الانتظار - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

الانتظار

إضافة رد
 
أدوات الموضوع انواع عرض الموضوع
قديم 2022-09-12, 09:55   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي الانتظار

السلام عليكم . انا شابة عمري 29 سنة توقفت عن الدراسة في التعليم المتوسط واكملت بعد سنوات في التكوين المهني حرفة التصميم شكلي مقبول جدا خطبني الكثيرون رفضتهم لم يعجبني احد عندما وصلت لهذا السن اجبرتني امي وابي على الخطبة الشرعية من ابن عمي كان هذا منذ اشهر قليلة وليومنا هذا وانا في هذا الابتلاء احاول ان اتقبله ولم اقدر للاسف والله على ما اقول شهيد لا اتحمله زوجا لا اطيق صوته لا اطيق اخباره واخبار عائلته ابتليت بهذه الخطبة صارحته في لحظة غضب ان والداي اجبروني على هذه الخطبة ولكنه غضب واشتكى لوالدته وللاسف امه وامي اصلحا الوضع المهم هو يتبع ماتمليه له امه من كذب بانني اريده ربي يغفرلهم اخبرت امي ان تخبر والدي انني اعاني من الضيق بسببه قال توسويس المهم هذا الرجل لا يملك شيء لا دار لا خدمة وقال مانخدمش عند الناس ومعتمد على باباه وخوه يزوجوه ويوكلوه ويشربوه عمري ماتوقعت والديا يرميوني لواحد في نص الثلاثينات ماخدامش لا مسؤول منعرف علاواش رايح يتزوج ؟ ببساطة لا اطيقه راحو حددو موعد العرس في اوث لماضي بدون مايشاوروني ولكن بفضل الله تعالى والدعاء الغي العرس لانو باباه مريض واجلوه للاشهر القادمة كي الغي العرس والديا غضبو وقالو كون يجي واحد اوخر نمدوها وكون مايجيش تبقى مع هذا المهم انا سلعة في يد والديا ماعنديش كلمة ماعنديش راي ومجرد مانقول نص كلمة اني حايبة نفسخ يتهولو ووجوهم تصبح سوداء والله ماعلابالي شكون الغالط انا ولا هما المهم هما والديا ربي يحفظهم ويحميهم والله ماحايباش نغششهم وماحايباش نتزوج وانا مكرهة ولكن على العموم سلمت امري الى الله اذا جاني واحد ينقذني من هذا البلاء الحمدلله واذا ماجاش راني هذي قسمتي لازم نقنع الخير فيم اختاره الله لكن والله الانتظار مؤلم كل يومم نستنى في عريس جديد يتقدم لبابا باش نتهنى من ولد عمي لانو هذا هو المخرج الوحيد لي يقبلو بيه والديا









 


رد مع اقتباس
قديم 2022-09-13, 00:24   رقم المشاركة : 2
معلومات العضو
ع.عيسى
مراقب قسم مشكلتي
 
إحصائية العضو










افتراضي

الله يكون في عونك ...استمري في الدعاء ...ونصيحتي التي نقدر ننصحك بيها هي انك تستجمعي قواك و تقوليها صراحة لاهلك وبحزم (بدون اي صدامات او كلام جارج او عياط او عقوق ) انك لا تريدين هذا الزواج وانك غير راضية وان هذا هو قرارك النهائي واصري على هذا الموقف ... ...حقيقة لا نعرف ظروفك ولا ظروف عائلتك وعقليتهم ولكن اذا راوك مصرة على عدم الزواج ممكن يستسلموا ويلغوه ....وفي الاخير تكوني درتي لي عليك واتخذتي كل الاسباب ومهما كانت النتيجة فيها خير لك سواء كتب الزواج او لم يكتب المهم انك درتي لي عليك وكل ما تتفكري هاته النقطة رايحة ترتاحي في المستقبل بغض النظر عما ستكونين عليه










رد مع اقتباس
قديم 2022-09-13, 09:49   رقم المشاركة : 3
معلومات العضو
مراد سابقا10
عضو مميّز
 
إحصائية العضو










افتراضي

شوفي هذي حياتك قالك مبغيتش مبيتغش نزوجوا منوا نقطة ارجع للسطر

بصح الملاحظة الثانية انت تقولي خطبوك بزاف وانت وقبلتيش يعني بزاف هذو لي خطبوك

ما فيه حتى واحد يصلح للزواج نقولك راجعي نفسك واعرفي بلي كي تتقدمي في السن ينقص الخطاب

وانت امراة لازم تتزوجي لأنوا واحد ميدوملك ، معليش ابن عمك هذا لا دار لا دوار وبقية الخطاب كيفاش

لعوتش المشكل فيك انت ؟؟؟؟؟؟؟؟؟؟؟؟










رد مع اقتباس
قديم 2022-09-13, 10:21   رقم المشاركة : 4
معلومات العضو
أم ميرال و آرال
عضو مميّز
 
الصورة الرمزية أم ميرال و آرال
 

 

 
إحصائية العضو










افتراضي

ربي يفرج عليك اختي و يرزقك بلي يملى عينك










رد مع اقتباس
قديم 2022-09-13, 12:23   رقم المشاركة : 5
معلومات العضو
المانجيكيو
مراقب منتدى خيمة الجلفة و منتديات الشؤون السياسية
 
الصورة الرمزية المانجيكيو
 

 

 
إحصائية العضو










افتراضي

كثيرا ما يتم ( سلب حرية الإرادة ) تحت مسمى طاعة الوالدين & و أيضا نتيجة الزواج و المشاكل من سيتحملها بالنيابة عنك & أقترح أن تبحثي عن أقارب لكم يكونون واعين و ناضجين ( خالاتك أو أخوالك أو أعمامك ) هم الذين قد يستطيعون التحاور مع والديك و حل المشكلة على خير ، و نصيحة مني لا تبني عائلتك على كراهية و على مضض و على متاع الدنيا ، إبن بيتك على أساس الود و القناعة و التفاهم حتى تكوني في غنى عن المشاكل الزوجية ، و ربي يوفقك .










آخر تعديل المانجيكيو 2022-09-13 في 12:25.
رد مع اقتباس
قديم 2022-09-13, 15:44   رقم المشاركة : 6
معلومات العضو
نورسين.داية
عضو برونزي
 
الصورة الرمزية نورسين.داية
 

 

 
إحصائية العضو










افتراضي

السلام عليكم

أين السؤال ؟










رد مع اقتباس
قديم 2022-09-18, 20:55   رقم المشاركة : 7
معلومات العضو
Rofrof
عضو مشارك
 
الصورة الرمزية Rofrof
 

 

 
إحصائية العضو










افتراضي

ايه انت تان طولت مادام خطبوك بزاف وماقبلتيش وخاصة انك مانشغلتيش بدراستك
والديك بالاك قالو هادي ماتعرفش صلاحها ولا راهي تسنا فكاش واحد.
انت اتشرطتي بزاف وللاسف المجتمع تاعنا مايخليكش لاباس حتى تتزوجي.*ماراكيش كبيرة لكن في سن جيد للخطبة والارتباط، يعني من دوك لازم تراجعي نفسك وشروطك )ماشي معنتها تتنازلي بصح شوفي شوية الواقع(*

داركم*
اهدري معاهم بالمنطق وبلعقل وقوليلهم بلي هادا ماشي مسؤول كيفاه رح يتحمل مسؤوليتي ومسؤولية اولادنا فالمستقبل! وماعندوش شخصية لي ماعندوش استقلالية ماعندوش كلمة دارهم يتحكمو فيه وفيا ، ترضاوهالي!*
مادام والديك ماليكيداوكش وانت اصغر معنتها ماشي همهم برك انك تتزوجي، لكن مارهمش راضيين على الرفض المستمر تاعك عادي اجبدي معاهم موضوع مرة في قعدة وقوليلهم فلان فيه وفيه فلان فيه وفلان فيه وبينيلهم بلي راكي واعية وعلابالك وش راكي ديري
صراحة ماكاش كيما الوضوح والحوار فهاد الامور خاصة انت برك لازم تبينيلهم بلي ماراكي مسحورة ولا عاشقة ولا تسناي الامير ع الحصان الأبيض*
الحل هو في الحوار معاهم
وخذي بالاسباب بش تلقاي الرجل ماشي انت قاعدة فالدار روحي للاماكن لي يدور فيها النوع من الرجال اللي تحبيهم ) مكتبة ، مسجد، ملتقيات ، مستشفى الخ .. واهتمي بشكلك* اكثر فهذا من حسن العرض !
وبالمناسبة هو في منتصف الثلاثينات يعني سن مناسب ليك ماراهوش كبير بزاف مادام الفرق اقل من تسع سنوات فهذا معقول.

ربي يعوضك باحسن من جميع من رفضتِ*










رد مع اقتباس
قديم 2022-09-26, 16:00   رقم المشاركة : 8
معلومات العضو
sohaibdz
عضو مميّز
 
إحصائية العضو










افتراضي

مع احترامي اهلك ليس بشر ! كفاه كون يجي واحد اهر يمدوك؟؟ خطبة على خطبة لا حول ولا قوة الا بالله










رد مع اقتباس
قديم 2022-12-30, 09:57   رقم المشاركة : 9
معلومات العضو
نافعة(=
عضو مشارك
 
إحصائية العضو










افتراضي

أولا بما أنك مخطوبة لهذا الشخص لا يجوز أنك تتخطبي لواحد جديد إلا في حالتين:
_أنكم تفسخو الآن الخطبة مع هذا بش ترجعي حرة
_أنو الخاطب الأول هذا يكون فاسق، يعني ميصليش مثلا ومصالحش، ويجي يخطبك واحد من بعده صالح ويصلي هنا يجوز تبطلي الخطبة الاولى وتتزوجي من الثاني

ثانيا اتمسكي بقرارك، لأنو حرام على باباك يحتم عليك تتزوجي واحد مهوش قد الزواج

ثالثا الحل تاعك راكي قلتيه بنفسك: "الدعاء"










رد مع اقتباس
قديم 2023-01-02, 21:49   رقم المشاركة : 10
معلومات العضو
الطيب الشريف
مشرف منتدى الترحيب، التعارف و التهاني
 
الصورة الرمزية الطيب الشريف
 

 

 
إحصائية العضو










افتراضي

ربي يبدل من حالك الى احسن حال










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 14:21

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc