التعدد

[مشكلتي]

السلام عليكم
لوكان زوجك يقولك حاب نتزوج مرة ثانية، ماذا تفعلين؟

[فتيحة0411]

وعليكم السلام
نرقيله لأنو ممكن يكون مسحور ههههههه راني غير نتمسخر

أولا نسأله يلا راه مخير وحدة ولا مازل يبحث
ثانيا: إذا كان أصلا مخير وحدة نسأله عن السبب (باش إذا قالي غلطت معاها ونصحح خطئي، في هاذ الحالة نسقسي في الدين يلا يحقلي نطلب الطلاق ولا لا، لانه زنا)
ثالثا: نبحث في الشرع واش هي حقوقي، (مثلا إذا يحقلي نطلب السكن المنفصل عنها...)
وإذا بعد ما تزوج، حسيت بأنه مشي عادل بيناتنا، فراح نبهه مرة زوج، إذا ما تعدلش يصبح لكل حادث حديث

إذا كان صاحب المشكلة امراة، وزوجها باغي يتزوج عليها، فنقولك ما تخلقيش دراما وتعيشي فيها، صح صعيبة عليك ولكن ليس للدرجة لي صورهالنا المجتمع والافلام
وبصراحة السبب الاول والكبير لرفض النساء التعدد هو الخوف من كلام الناس وشماتة الكارهين، باش ما يقولوش تزوج عليها تستاهل...
حتى ولو كانت صعيبة فاصبري واحتسبي أجرك عند الله،
ربي يفرج عليك

[بـــيِسَة]

تحية طيبة
الانفصآل ...

[katiya]

لازم اول حاجة الحوار نسؤلوا علاه باغي اعادة الزواج واش هي سلبياتي ربما استطيع التصحيح احاول اقناعه بالتي هي احسن لو كان مصر على قراره وعندي معه اولاد وعلابالي كون نطلق يصرا فيا الباطل نرضى لكن بشروط يكون عندي داري وحدي و...لكن اغلب الظن لو كنت مكانك ولم اجد حل كنت ساطلب الطلاق

[sarah32]

عادي حقه ماعندي ماندير

[مغتربة uk]

أرفض رفضا قاطعا وإذا أصر على الزواج أطلب الطلاق وإذا رفض تطليقي أخلعه.

[nihal159]

الموضوع عادي جدا لا يستحق الأخذ و الرد، لا تهوّلي الموضوع و ماتخليش الشيطان يوسوسلك أنّ زوجك رايح يحبها أكثر منك أو أنو رايح ينساك؛ لالا؛ نحي هذا التخمام من راسك.
إسأليه إذا كنت مقصرة في حقو؛ و أنك إذا تداركتي هذا التقصير ممكن ينحي فكرة التعدد من راسو؛ أما إذا كان يريد التعدد لسبب آخر فلا تسأليه عن السبب ؛ ماتقوليلوش وين شفتها؟ كيفاش عرفتها؟ كل هذي الأمور رايحة تخليك تعيشي في جوّ من الدراما.
لكن؛ أقعدي معاه و حمريلو عينك ملييييح ههههههههههه؛ فكريه بحقوقك إذا كان ناسيهم؛ من حقك السكن المستقل؛ العدل فالإنفاق؛ العدل فالوقت و أهم شيئ الأطفال ما تتأثرش نفسيتهم.
نحكيلك قصة؛ قريبتي تخطبت لشاب؛ و يوم الخطبة حضرت أم الشاب و زوجة أبيه؛ كن تشوفيهم كمية المودة و الإحترام لي بيناتهم تقولي خواتات مش ضرات.
ياختي زوجك مادارش عيب أو حرام؛ هذا شرع الله و لا نعيب علي شرع الله و لكن العيب في من يطبق هذ الشرع؛ أمالا كما وصيتك حقوقك و خاصة الأطفال .

[رقيّة]

عادي ننفصل عنه ~

[الأيمان]

أسأله لماذا ؟
هل هناك حاجة بيولوجية ؟ ( الجنس )....فالمعلوم ان المراة تحيض و قد تحمل تسعة أشهر ...وهذا لا يلبي حاجاته ، فهنا نعم أحسن مما يلجأ للحرام ...فكم من متزوج بواحدة خائن وزير نساء .
بالسؤال نتعرف على حاجته : مثلا حاجة بيولوجية ..حاجة للحب..حاجة لمن يسعده...حاجة لمرأة نظيفة ..زوجته مريضة يريد امرأة اخرى تخدمه ....( اطرحي سؤالا ).
و تستطيع المرأة أن تطلب الطلاق إذا لم ترغب في زوجة تشاركها ...
وتستطيع أن تشترط في عقد كتابي أيام الخطوبة ألا يتزوج عليها ...

[حورية تو]

بدل أن أطرح سؤال كهذا على نفسي ...أطور ذاتي..أهتم بنفسي..أتعلم شئ جديد...أهتم بصحتي...هذا أفضل