طريقة أكيدة لتصبحي ربة بيت سعيدة

[فرحة العمر]

[حياتي كلها امل]

اللهم مااصبح بي من نعمة فمنك وحدك فلك الحمد ولك الشكر
امين امين ياام متين على الدعاء
صباحكم سعيد يافراشات ويومكم موفق

[رندة.]

أصبحنا وأصبح الملك لله رب العالمين،
رب أسألك خير هذا اليوم وخير ما بعده، واعوذ بك من شر هذا اليوم وشر ما بعده.

[رندة.]

شكرا ام متين على الدعاء
صباااااااااح الخير عليكم يا فرااااااشات
ان شاء الله تكونو بخير

[أم عائشة الجزائرية]

صباح الخير راني مخلوووووووووووووووووووووووووووووووعة جاوبوني

[أم عائشة الجزائرية]

تعرفوا البارح فليل كنت راح نرقد توضيت و رقدت على الجهة اليمنى و شهدت و حالة عينيا بيدما يجين النعاس حتى نحس واحد جيفني مقدرتش نتحرك و انا فكامل اليقظة نشوف فزوجي يكونيكتي مقدرتش نهدر و لا نتحرك و هاديك الحاجة تهبط للجهة اليمنى للرحم وتزير عليا بزااااااااااف مقدرتش حتى نعيط اوميعد خزرت نشوووف عين و الله عين كبيييييييرة قد التاقة لونها رمادي رايح للازرق تخزر فيا و ترمش بغضب على كرافها شرارات تع نار مرقدتش ملخلعه اومبعد راح كلش في ثانية زوجي قالي كنت تتخيلي قالي مسمعتكش قع

[ام شمسو محمد]

السلام عليكم ، أختي أم هديل أذكري الله و استعيذي بيه من الشيطان الرجيم و من شر الأشرار و تجاهليه ما تخليهش يسيطر عليه مبلغ كيدهم أنهم يخوفوك و كوني على يقين بلي رب العالمين موكل ملايكة يحفظوك و تحصني بأذكار الصباح و المساء و النوم و الإسيقاظ ....، لوكان يعرفو الناس وش راه ساتر علينا رب العالمين ما يغفلوش على ذكرو حتى ثانية ، استعيني بالله و ما تخافيش .

[Oum Mohamed123]

السلام عليكم

[غزالة1]

السلام عليكم
ام هديل ربي يبعد عليك الشر
هاذ الحالة موجودة نعرف واحدة صديقة ليا كانت لما تحكيلنا مانصدقوش حتى تكلمت عنها امام جدتي بالصدفة قالت لي انو هاذي موجودة
المهم استغفري كثيرا و كل ما تتفكري تعوذي من الشيطان
ثانيا قولي لزوجك انو تخرجو صدقة سرية في سبيل الله و اخبريه انو يدعيلك لما يصلي في المسجد
ربي يحميك اختي لا تتركي وردك من القران الكريم و الاذكار

[ام شمسو محمد]

أسعد الله صباحكم بكل خير فرااااااشاااااات ...
أثناااااء تحليييييييقكم الصباااااااحي العبق و قيامكم بروتيناتكم :
ترتيب السرير .
تفقد الغسيل .
تنظيف الحمام .
تنظيف كل ما تم استخدامو و إعادتو لمكانو .
لمستكم الخاصة بالريشة و المكنسة و الممسحة .
ما تعجزوووووش على تحدي أنفسكم
لربع ساعة على الأقل تنظفو فيها حاجة في المطبخ ...
عشر دقايق عناية ناعمة لجسمك الجميل .
عناية دائمة بذكر الله و اقتناص صلاة الضحى في عز الإنشغال لعلها تنجييييييك يوم الحساب الطوييييييل .
وفقكن الله في نثر رحييييييق أوقاتكن في بستاااااااان بيوتكن الآمنة بإذن الله.

[أم عائشة الجزائرية]

بااااااااااااارك الله فيكم شككككككككككككرا لكم
والله راااااااااني مخلووووووووووعة مفهمتش علاه ؟؟ وش معنتها حوست فانت ملقيتش
الحمد لله محافظة على الاذكار و القران بصح هادي ثاني مرة تصرالي المرة الاولى كنت حالة عينيا ونشوف فالتاقة نشةف سبورة و طباشير يكتب وحدو فطلاسم عمرها طلاسم و انا فكامل وعيي تاعي وشنو مقدرش نتحرك نجمد هادي قبل الزواج
راني نرقي وحدي فالماء و زيت الزيتون كي نرقي يحكمني المصراااان نولي راح نموووت بوجع
معرفتش وش ندير حسبي الله و نعم الوكيل
الحمد لله على نعمة الاسلام اسمحولي قلقتكم

[ام شمسو محمد]

غزالة هذا العالم موجود أنا العام اللي فات تلاقيت بطفلة عمرها 16 سنة تشوف الجن و مع أنها كانت طبيعية قدامي و ماشفت عليها والو و لكن الفكرة عيشتني في رعب و وسواس شهور طويلة ...الشي الوحيد اللي زادت قناعتي بيه من ذاك الوقت انو ربي كاين و متولي حفظنا و حاكم مقاليد الكون بيدو و إلا ما يصلحلناش نعيشو برواحنا نهار .

[رندة.]

صباح الخير. جميعا.
ام شمسو، ام محمد، ام هديل، غزالة... وش راكم؟
ام هديل: كيما قالولك استعيذي من الشيطان، اقراي ايةالكرسي والمعوذتين، وماتنسايش تخرجي صدقة ولو حاجة قليلة، المهم خرجي حاجة وربي يحميك ان شاء الله ماتخافيش، من توكل على الله فهو حسبه.

[Oum Mohamed123]

السلام عليكم

[ام شمسو محمد]

تحدي اليوم بالنسبة ليا :
ننظف الأوات الكهرباية المطبخية الخلاط ، البرا ، الباتور .20 د .
ندير بياض البيض لإزالة النقاط السودا 10 د
الغدا راح ندير عدس بإذن الله .