طفلة تريد ان تكون طفل

[مشكلتي]

اعلم انها مشكلة غريبة لكن لازم تلقاولي حل ليها ارجوكم ان تعرضوا مشكلتي
انا فتاة 29 عازبة طوال حياتي و لحد الان و انا اريد ان اكون ولد وليس بنت
لعدة اسباب و هي اولا شكل جسم الطفل احسن من شكل جسم الطفلة و اللبسة تاعو ساهلة يلبس سروال و تريكو برك و خلاص اما الطفلة لبستها صعبة لازم خيمار و فيستا طويلة و حجاب ...الخ وثاني الطفلة تعاني من الدورة الشهرية اما الطفل فلا ،...و الطفلة كي متزوجش يقولو عليها عانس اما الطفل فلا و حياة الطفل اسهل بكثير من حياة الطفلة
كان تسقسيوني كيفاه راني عايشة في جسد طفلة نجاوب بللي نلبس بزاف القش باه نغطيه و في الدار نلبس حجاب و فوقو روبة الدار و منلبسش مره حاجة تبين اليدين او الرجلين يعني دايما مغطية روحي و لابسة لبسة طويلة و مستورة زيادة تن اللزوم و لا ارتدي الملابس الداخلية الخاصة بالنساء و برى منعرفش نكون انيقة طول الخمار منعرفش نسقمو و نلبس حجاب و فوقو فيستا طويلة و نبقى فيهم مدة طويلة لا احب التغيير
المهم هذا الامر سبب لي اكتءاب حاد بالاضافة لاسباب اخرى كي نسوف برى الذراري نغير منهم و نقول يا ريت جيت طفل يا ريت ربي خلقني طفل و لا اضع المكياج ابدا يعني الانوثة صفر و معنديش الثقة بالنفس راهي معدومة
هذا المشكل سيمنعني من الزواج فكيف لوحدة تلبس هكذا ان تتزوج و تعيش حياة زوجية مستحيل و انا اريد ان اتزوج
عندي صحاباتي واحدة ما راهي كيفي بالعكس عاجبتهم رواحهم كي عادو بنات و يلبسو برى و في الدار ....انا كيف اصبح مثلهم كيف اتغير و اتقبل ان ربي خلقني طفلة
صراحة هءة المشكل سبب لي كوارث حياتي دخلت على جالو للمصحة 4 مرات فانا كذلك لا احب الاستحمام فقط لكي لا ارى جسد الطفلة الذي انا محبوسة داخله
لا تقولو لي اشربي دواء نفسي فقد شربته و تابعت عند طبيبة لكن بدون فاءدة