عندي 40 مليون ماذا افعل بها كمشروع

[بنت سعيدة]

السلام عليكم ،عندي 40 مليون اللي جرب كانش مشروع ونجح فيه يعطيني نصيحة واش ندير بيها،باغية نبني لكن ماتدير لي والو قلت ندورها تزيد شوي ومبعد عاد نبني إن شاء الله
هل الغنم فيها ربح وكان زعمة نشري غنم ونعطيهم لواحد يشدهم لي واللي عنده فكرة ينورني كيفاه نتعامل مع اللي يشد لي

[noureddine2016]

وعليكم السلام فكرة جيدة ربي يوفقك ان شاء الله

[yilmaz]

السلام عليكم ، اولا ربي يباركلك في مالك ،،، ثانيا لو كان عندي هذا المبلغ لكنت تزوجت به ،،، ثالثا : نصيحة اختي الكريمة : انصحك بمجالين وفقط : 1- طبخ انواع من الكعك الذي يباع في المقاهي والتفاهم مع مقهى او اثنين بأن ترسلي له يوميا طلبية ،،، ثانيا : طبخ انواع الحلويات المنزلية وقبل الطبخ ان تأخذي طلبياتك من المحلات التي تبيع الحلويات التقليدية تعريضين عليهم وهم يعطونك الطلبيات اليومية هذان افضل مشروعين لكي كإمرأة وفيهم ربح كبير ربي يسهلك اختي ،،، اذا افدتك ادعيلي انا مقبل على زواج وانا تعرضت لضائقة مالية ادعيلي ربي يفرج عليا والسلام عليكم ورحمة الله

[youcef1970v]

ربي يوفقك ان شاء الله

[رياحين التفاؤل]

اقلبيهم عملة صعبة او ذهب طالما راكي تقولي حابة نبني لانو البنيان يطلب اكثر و ديري مشروع حلويات

[المشتاق لجنة النعيم]

أختي أنا راح نجاوبك على سؤالك لأني كنت شريك في مشروع الأغنام .

أولا إذا أردت الإستثمار في مشروع الأغنام لعيد الأضحى أنت راح تدخلي براس المال ( 40 مليون ) .
و الفايدة مع شريكك تكون بالنص معناه أنك ترجعي رأس مالك + نصف الأرباح .
شريكك عليه الإقامة ( الزريبة + الحراسة ) و كذلك الرعي و العلف ، و هذه الأشياء يقوم بتقييمها ( مثال المشروع مدته 6 أشهر ليباع في عيد الأضحى : الإقامة و الحراسة : 10 مليون + الرعي و العلف : حوالي 14 مليون + البيطري حوالي مليون ) إذن شريكك سيدخل برأس مال يقدر بحوالي 25 مليون .
أفضل وقت لشراء الخرفان في الشتاء ( هذه الأيام ) لأنو ثمنها رخيص نوعا ما 40 مليون تجيبلكم حوالي 20 خروف تاع 2 ملاين لازم تمدو لواحد عندو خبرة في شراء الخرفان باش ما تتكلحوش ، هذ الخرفان إذا لقاو عناية مليحة راح تبيعوهم من 4.5 إلى 5.5 ممليون للواحد حنا إذا حسبناهم ب 5 راح يكون البيع ب 100 مليون ترجعي 40 تاعك و شريكك يدي 25 مليون تاعو و تبقى الفايدة = 35 تتقاسموها على 2 ممعناها الفايدة تاعك = 17.5 مليون .ز

راني نقولك فهاذ المعلومات عن تجربتي فالعيد لي فات فقط و أنت و فهمك .

[karim_kamel]

لااعتقد فكرة الغنم جميلة فهي ايضا تحتاج الي مصاريف بالاضافة الي الاعتماد على شخص اخر يحتمل المخاطرة براس المال فالثقة قليلة هذه الايام وان كان هذا ممكن فالمتاجرة تكون ايام رمضان وايام الحج والاضاحي ربما تكون فكرة تربية الدجاج الابيض افضل مع مراعاة الوقت والاهتمام
وربي اجيب الخير

[راجية الرحمان]

ختي شري بستان تاع زيتون ، الزيتون فيه الربح و ربي يسهل امورك

[بوسعده]

المشروع الذي لا تديرينه بنفسك لا تستثمري فيه (ماتمديش رقبتك للناس. الثيقة ناقصة) تعلمي حرفة ثم استثمري فيها.
ربي يجيب الخير

[lolo joli]

الحلويات أفضل شيئ للنساء الماكثات بالبيت فيه دراهم بزاف

[محمد الأمين 86]

المشاركة الأصلية كتبت بواسطة بنت سعيدة

السلام عليكم ،عندي 40 مليون اللي جرب كانش مشروع ونجح فيه يعطيني نصيحة واش ندير بيها،باغية نبني لكن ماتدير لي والو قلت ندورها تزيد شوي ومبعد عاد نبني إن شاء الله
هل الغنم فيها ربح وكان زعمة نشري غنم ونعطيهم لواحد يشدهم لي واللي عنده فكرة ينورني كيفاه نتعامل مع اللي يشد لي

أنفع مشروع لك هو محل حلويات و مرطبات ،و يمكنك تزويد المقاهي بالكرواصون و البتي فور و الكروكي و أيضا تأتيك طلبات الطارطات للأعراس و المناسبات......الأفضل لو تعملي تكوين في المجال .يمكنك إضافة البيتزا و المشروبات في المحل(تشترط النظافة التامة).

[khirogtd]

اذا راكي حابة مشروع راني هنا كاين غير هوما ونتي دبري راسك

[meriem-]

والله يا اختى كلنا حرنا واش نديرو انا كيما نتيا عندى تقريبا 50 مليون شاب راسى وانا نحوس واش ندير بيهم مالقيت والو يخرج على لانى نربى عندى بنت عمرها عامين ونص وحدة أربعة أشهر مشاريع تاع الدار كامل مايصلحوليش لا حلوى والت خياطة وحتى زوجى ماعندوش الوقت يخرج صباح 7 ومايجيش حتى 4 4.30 ما يقدر يساعدنى فى اى مشروع خارج البيت والله كرهت ساعات نقول خلاص والمزيد نخمم يصح مع الوضع الى صعيب والمعيشة الغالية والشهرية ماتكفيش والدار ساكنة فى تاع سلفى حتى زعمت نبني بصح ثلاث سنين وماصدرنا حتى دورو لان ثلاث ملاين ونص ماتبنيش

دبرو عليا يمكن نلقا الى يخرج علي هنا يمكن احد الخوة او الاخوات عندها فكرة مشروع

[3ahmed3]

بستا تاع الزيتزن
هل هو سهل الشراء ؟؟؟؟؟؟
وين تلقاه بهذا السعر ارض + اشجار

[rap2005]

بالتوفيق ان شاء الله