كنت الضحية😭

[#Aya_bOok#]

اولا وقبل كل شيء ابارك لجميع الطلبة الناجحين بكل المعدلات واقول للراسبين حظ اوفر في المرة القادمة لمن اعاد رسم مستقبله من جديد😟
اريد ان اقول وارمي لكم مافي قلبي من احزان تراكمت في داخلي ولم استطع ان ابوح به لأحد سواكم عسى الله ان يفرجه عما قريب..
أريد أن أحكي لكم حكاية عنوانها كنت الضحية😭
لكن سأروي لكم مختصرها فقط أما المطول سأكتبه عما قريب..
لقد كنت انتظر في الحقيقة معدل على الأقل18لكن قدر الله ماشاء فعل تحصلت على 16.34صح الحمد لله على كل حال بصح متأكدة 100%بلي قريت خير من الناس كامل حليت الشهادات كامل حفظت التصحيح النموذجي تاعهم حتى
اجاباتي كانت مطابقة للتصحيح النموذجي كلمة بكلمة والاجتماعيات والمدنية والاسلامية حفظتهم كامل على ماما وبابا حفظ تام الحمد لله بالمصطلحات بالشخصيات بكل شيئ حتى هوما شاهدين عليا مارانيشي عارفة هالمصيبة اللي المت بيا الآن راني مارانيشي عارفة واش ندير اهلي فارحين والحوش مليان غاشي بصح انا راني قالبتها جنازة باسكو ظلموني وظلموني ومارانيشي عارفة واش ندعي على هذا المصححين اللي ضيعولي حلمي قد ماتعبت عليه😢
نتفكر الليامات اللي مارقدتش فيهم اصلاا 😩الله لا تربح كل من اكل حقي وسلط عليه كل عذابك في الدنيا قبل الآخرة 😤
وها قد أصبحت ضحية😠😱
وفي الأخير عندما أتذكر تلك الآية:
(وعسى أن تكرهوا شيئا وهو خير لكم وعسى أن تحبوا شيئا وهو شر لكم)أزداد يقيناا بربي وأنتظر منه الأفضل..
كما أنني أنتظر الكشف لعل الخطءكان كبيييراا وراحتلهم في مادة كاملة ماحسبوهليشي..
سلامي لكل الناجحين..

[طالبة رياضيات]

أنا أيضا آية
كي شفت المعدل تغاشيت وممبعد نضت بكيت بزاااف
وكيما قلتي يمكن ماكاش واحد تعب كيما أنا
وناس متقراش 1+1 ماتعرفهاش وتلقايها دات خير منك
وبالنسبة للخطأ صح أنا أيضا يمكن غلطولي مادة ماحسبوهاش
بيسك المواد كامل خدمت فيهم كنت دايرة ندي المعدل 19 ولا 18

[المتـــواضــعة]

بنات لقيت بلي المواد العلمية ل 3 مدية فيها 17,5 وانا في الفيزياء معلطة في والو والرياضيات تاني والعلوم تاني نفس الشيء

[الفتاة الوردية]

لالا ختي ماتقولي هكدا مام انا قريت نتاع 14 ولا 13 و في الاخير جبت 11 بصح راني نحمد في ربي لي طلعت بسكو كاين بزاف ليهبطو

[fulla23]

نفس قصتي زميلاتي
الحمد لله على كل حال
كنا الضحايا حقيقة لا اعلم كيف نلنا هذه النقاط
انا اعتبرت نفسي راسبة بمعدل 17
...... الكلمات لا تكفي لنعبر على ما حل بنا
لكن بقي لنا الدعاء
فندعوا الله ان يفرج همنا هذا *-*

[أﻣ̲ـيےـږة]

إذا خاصكم الكشف عطوني رقم التسجيل و الرقم السري

[المتـــواضــعة]

شكرا اميرة بارك الله فيكي

[أﻣ̲ـيےـږة]

لبنات هذا هو الموقع
https://bem.onec.dz/print_pdf_relv_be...dca0c&pwd=code
في ra9mtassjil اكتبو رقم التسجيل
و في code اكتبو الرقم السري

[#Aya_bOok#]

بصح علابالي مازال مايخرجشي ضرك
رقم التسجيل
29039675
الرقم السري2003

[#Aya_bOok#]

المشاركة الأصلية كتبت بواسطة آمنــة

أنا أيضا آية
كي شفت المعدل تغاشيت وممبعد نضت بكيت بزاااف
وكيما قلتي يمكن ماكاش واحد تعب كيما أنا
وناس متقراش 1+1 ماتعرفهاش وتلقايها دات خير منك
وبالنسبة للخطأ صح أنا أيضا يمكن غلطولي مادة ماحسبوهاش
بيسك المواد كامل خدمت فيهم كنت دايرة ندي المعدل 19 ولا 18

شفتي امنة
كرهت بلادي من كثرت مافيها من غشاشين ومحتالين ومصححين ظالمين وفي الأخير يشتمولك الصهاينة واليهود على واش يدمروا في فلسطيين
انتم فقط دمرتم مستقبلنا وحلمنا
وتدعون انكم مسلمين
اي اسلام هذا

[#Aya_bOok#]

المشاركة الأصلية كتبت بواسطة المتـــواضــعة

بنات لقيت بلي المواد العلمية ل 3 مدية فيها 17,5 وانا في الفيزياء معلطة في والو والرياضيات تاني والعلوم تاني نفس الشيء

والله ظلم 😖

[المتـــواضــعة]

خرج اية عندي كشفي راني متشوكية من نقاطي

[#Aya_bOok#]

المشاركة الأصلية كتبت بواسطة الفتاة الوردية

لالا ختي ماتقولي هكدا مام انا قريت نتاع 14 ولا 13 و في الاخير جبت 11 بصح راني نحمد في ربي لي طلعت بسكو كاين بزاف ليهبطو

انا قتلك بلي مانشوفش السلبي نشوف فقط الإيجابي
نشوف اللي طلعوا مانشوفش اللي هبطو

[أﻣ̲ـيےـږة]

المشاركة الأصلية كتبت بواسطة #Aya_bOok#

بصح علابالي مازال مايخرجشي ضرك
رقم التسجيل
29039675
الرقم السري2003

بعتهولك في رسالة

[المتـــواضــعة]

صحيح كلامك اية مي لازم منخلوش هذي العوامل تأثر علينا
والي جاايبين ماشاء الله عليهم 19 هوما تاني كيفنا ونفس المصححين
يعني هوما يتلامو واحنا تاني نتلامو
ماشي اي شيء نلوحوه عليهم