من فضلكم مساعده راني ضايع

[BEM2010]

سلام عليكم
اخواني انا جبت الباك تاعي في 2014 بمعدل 11.80 و سجلت بيه بولوجيا لكن اعدت السنة فيها و قمت بالتحويل الى علوم الإقتصاد
لكن اخواني راني مغدرتش نقراها راني حاس روحي درت غلطه كبيرة كي درت ترونسفار من بيولوجي
والله خوتي راه مورالي هابط ملقيتش كيفاه نعدل وضعية و حاس بلي درت غلطت حياتي
ممكن مساعده و لو بنصيحه

[~أميرة أميري~]

سلام اخي
انا برايي تنعل بليس وتتكل على ربي كيما نقولو لي فات مات وشي لي راك نادم عليه ماراهوش رايح يرجع الزمان لور
دير ربي في بالك وانوي باش تقرى وان شاء الله ربي يكون معاك ويوفقك
انا مانجحتش في الباك لثاني مرة وراني نعاود فيه حرة تعدبت والله وكرهت حياتي مي واش ندير لازم الواحد يرضى بواش كتبلو ربي لانو الزعاف ماراحش يرجع الوقت
ربي يوفقك وينورلك طريقك

[BEM2010]

شكرا ربي يوقفك ان شاء الله ختي كلش بالمكتوب لكن وش راح ديري انا حسيت هكذا وتبعت شويه هدرت الناس لكن كي قربو الامتحانات هبطلي مورال وليت نقول لوكان غير ما بدلتش
على كل حال شكرا و ربي يوقفك انتي ثاني ران شاء الله هاذ العام جيبي الباك /°

[badboy31000]

ربي يوفقك اخي و لي فيها
الخير ربي يجيبها

[MGS2015]

نصيحة تفادي الموقع به فيروس أكتشف مؤخرا

[مليكة 111]

العلم علم كي البيولوجي كي شعبة اخرى المهم هو التفوق وكي تحط راسك من بداية العام الدراسي والدرس الي تقراه تريفيزيه وتحفظو وتحل تمارينو ثم ثم هاكا تلقا روحك الشعب كامل كيف كيف. بصح قارن بين متفوق وماجور في شعبة يقولو عليها هيينة و ساهلة ومافيها حتى فايدة يولي استاذ جامعي بقدرو قارنو مع واحد يتذيل قوائم شعبة الطب او الصيدلة شكون خير هيا اقفز هاني نجيك بالبشماق عالندامة الي راني فيها كي ما تفوقت في دراستي وانا قادرة كنت نجيب عشرة با نطلع العام برك واليوم راني فالكوزينة نطبخ وكي قررت نعاود الباك جبتو في 2014 _بمعدل 13.73 وسجلت وزاد عندي طفل ايا طبقت وراح كلش