منتجات iris

[ام البنتين]

ما رايكم احبائي في منتجات iris خاصة cuisinier اريد شراء واحدة لقيتها ب19000 دج. لي مجربتها تفيدني و شكرا

[انغام المنى]

منتوجات اريس ملاح انا عندي تلاجة واخ زوجي عندو غسالة ملاح اشري ومتخافيش

[ام البنتين]

شكرًا على الرد

[ام الخير 05]

اختي العزيزة انا عندي تلفاز اريس سات منذ سبع سنوات وهو في غرفة الاطفال يضلو يطفيو ويشعلو فيه وما صرالو والو يعني التلفاز هايل لكن الكويزينيا افضل اونيام والله هو الموفق

[ام البنتين]

شكرًا على الاهتمام و الرد

[زينب 83]

اختي كانت عندي كويزينيار إيريس كارثة ماطيبش مليح و لعيون تم تم خسرولي تاعي تاع خمس عيون شريتها 3 ملاين ، و الباب تاعها فسد واش نقولك كارثة و خسارة دراهمها و دوكا شريت وحدة براوند واش وقولك روووووووووعة بأتم معنى الكلمة
لكن المكيف إيريس عندو 3 سنين لحد الان مليح ، و تاني دارنا عندهم تلفزيون إيريس عندو بزاف مليح تاني ، و كانت عندي غسالة ايريس نصف أوتوماتيكية ما كملتش 6 أشهر
شوفي نصيحة الذا قادرة ماديا لكويزينيار اشري ماركة معروفة كيما براوند و لا اريستون و لا Arthur Martin و اذا ماعندكش اشري eniem يقولو مليحة مرت سلفي عندها وحدة هايلة

[ام البنتين]

شكرًا حبيبتي راني تكلت على ربي و أشريت كوندور ما زال ما جربتهاش نشا الله ما تخيبنيش

[ام الخير 05]

مبروك عليك تاعي عندها 5سنوات نطيب فيها كل شيئ حتى القاطو لكن لازم تغلفيها دائما بالالمنيوم لانها تفسد شوية

[الحمزاوي متصرف]

عندي ثلاجة اريس في الحقيقة ما عجبتنيش ندمت على شرائها

[choroukguid]

منتوجات رائعة عندنا تلفاز ايريس هايل
بالصح الكويزينيار والثلاجة والغسالة كامل نوع ألجي هايلين