شعب لا يعرف سوي الشكاوي

[kakiro89]

السلام عليكم ورحمة الله تعالي وبركاته

هناك امــــــر حيرني حقا الا هو امر الشكــــــوي
اولا ابدا كلامي بالقول الاتي "الشكوي لغير الله مذلة "
يا اخواني انا اظن باننا شعب شكاوي وفقط,فكثير منا يأكل الغلة ويسب الملة ,نحن دائما وفي كل وقت نشكو من ارتفاع الاسعار وصعوبة المعيشة والظروف القاسية ولكن اعمالنا عكس ذلك تماما
بالله عليكم
اذا كنت عند ذهابك عند الجزار تنتظر مايفارب النصف ساعة ليحين دورك بسسب كثرة المشترين
ويجب عليك ان تذهب باكرا الي السوق لتجد افضل الخضر حتي لا اقول افضل الفواكه
وحين تصاب بالاختناق حين تدخل الي محلات بيع الملابس "في المناسبة طبعا"
وحين لا تسمع بأي شخص قام بغلق محله ,لا بالعكس تجدهم في كل مرة يزيننهم "اخر الصيحات"
وحين يصاب مايقارب 100شخص بتسمم غذائي في اقل من يومين بسبب "البيتزا ""مش بسبب الكارنتيكا "
وحين تجد معظم الاشخاص يمتلكون "هواتف المولتمديا "
وحين تجد الطلاب يأكلون بالمجان ويدرسون بالمجان ويتنقلون بالمجان وينامون بالمجان وووووو...............
وحين وحين وحين .................
اعرف بانه توجد طبقة محرومة تعاني من الظروف القاسية ولكن لا يمكن ان نقيس حال االبلد علي هذه الفئة من الناس
ما اود قوله هو ان بلادنا والحمد لله سائرة في طريق النمو و يجب علينا ان نفهم ذلك جيدا
لا فائدة ان بقيت انا اشكي لك وانت تشكي اليا والاخر يشكي الي الاخر وهكذا........
نصيحة لكم ,كل شخص يبدا من نفسه وعائلته ومحيطه ويحاول قدر المستطاع ان يحسن من نفسه وعائلته واظن بذلك ستتحسن حالنا من الحسن ال الاحسن ان شاء الله

تقبلوا مني فائق الاحترام والتقدير ويانتظار تفاعلكم

[ع.جمال]

السلام عليكم.
هي عادة سيئة فقط وقد اعتاد عليها الكثير من الناس فالكل يشتكي كما قلت من الغلاء والكل يشتري علامات تعجب واستفهامات كبيرة وكثيرة.
بارك الله وتقبل صيامك وقيامك.

[hitkbn]

ي عادة سيئة فقط وقد اعتاد عليها الكثير من الناس فالكل يشتكي

[kemis]

السلام عليكم أنت في هذه الحالة تشتكي @ــــــــــــــــــــــــــــــــــــــــــــه هههههههههههههه
أتتركهم وشأنهم

[طارق القبطان]

ماشي الكل يشتري
غلاء الاسعار كاينة منها بالصح
هذا هو الواقع ما لزمش نكذبوا ونقولوا الاسعار معقولة
اذا تحب نديروا عملية حسابية لمقارنة الاسعار بمعدل الدخل الفردي
ماتقلي لاشفت الجزار لا سيدي زكري
اللي راه في محلات اليتزا يوميا لاتلقاه ياس من انوا يكون روحوا ماديا ويلم شوية على روحوا يولة يصرف وش يجيب في الشهر لانو عمبالو بلي ما يديروا والوا
نظن بلي الجزايري يخدم كيما يسلك
واتهلا بروحك برك كونك فحل وقافز حسن امورك وما تشكيش
خويا لعزيز مانيش نشكي الان بصح نقلك حاجة
اذا كانت عملية من اجل توليد امراة ب5ملاين اذا ستر ربي وسهل على الشخص ماشي معناها انو عندو دخل يفوق 5ملاين

[شقراء]

كاين ناس يشتكو باه اينحو العين على روحهم وكاين الي طبيعة فيهم وصح رمضانك

[kakiro89]

اولا السلام عليكم مسرور جدا لتفاعلكم مع الموضوع
وردا علي الاخ طارق القبطان يا أخي انا انظن كي لاكلينيك متنقسش من السومة امتاع لولادة بالعكس اتزيد وتلقي الناس يجوهم من كل بلاص واش معناه هذا ؟؟؟؟؟؟؟؟؟؟؟؟؟؟؟؟؟؟؟؟؟

[الجوهرة الدهبية]

المشاركة الأصلية كتبت بواسطة kakiro89

السلام عليكم ورحمة الله تعالي وبركاته

هناك امــــــر حيرني حقا الا هو امر الشكــــــوي
اولا ابدا كلامي بالقول الاتي "الشكوي لغير الله مذلة "
يا اخواني انا اظن باننا شعب شكاوي وفقط,فكثير منا يأكل الغلة ويسب الملة ,نحن دائما وفي كل وقت نشكو من ارتفاع الاسعار وصعوبة المعيشة والظروف القاسية ولكن اعمالنا عكس ذلك تماما
بالله عليكم
اذا كنت عند ذهابك عند الجزار تنتظر مايفارب النصف ساعة ليحين دورك بسسب كثرة المشترين
ويجب عليك ان تذهب باكرا الي السوق لتجد افضل الخضر حتي لا اقول افضل الفواكه
وحين تصاب بالاختناق حين تدخل الي محلات بيع الملابس "في المناسبة طبعا"
وحين لا تسمع بأي شخص قام بغلق محله ,لا بالعكس تجدهم في كل مرة يزيننهم "اخر الصيحات"
وحين يصاب مايقارب 100شخص بتسمم غذائي في اقل من يومين بسبب "البيتزا ""مش بسبب الكارنتيكا "
وحين تجد معظم الاشخاص يمتلكون "هواتف المولتمديا "
وحين تجد الطلاب يأكلون بالمجان ويدرسون بالمجان ويتنقلون بالمجان وينامون بالمجان وووووو...............
وحين وحين وحين .................
اعرف بانه توجد طبقة محرومة تعاني من الظروف القاسية ولكن لا يمكن ان نقيس حال االبلد علي هذه الفئة من الناس
ما اود قوله هو ان بلادنا والحمد لله سائرة في طريق النمو و يجب علينا ان نفهم ذلك جيدا
لا فائدة ان بقيت انا اشكي لك وانت تشكي اليا والاخر يشكي الي الاخر وهكذا........
نصيحة لكم ,كل شخص يبدا من نفسه وعائلته ومحيطه ويحاول قدر المستطاع ان يحسن من نفسه وعائلته واظن بذلك ستتحسن حالنا من الحسن ال الاحسن ان شاء الله

تقبلوا مني فائق الاحترام والتقدير ويانتظار تفاعلكم

:1 9:

[tawfik07]

ايها المشتكي ومابك داء
الشكوى لغير الله مذله

[souhila.zs]

هاذي هي الدنيا هنا فالجزائر
مي وش نقولك خويا ربي يعاوننا وخلاص
شكرا على الموضوع

[طارق القبطان]

المشاركة الأصلية كتبت بواسطة kakiro89

اولا السلام عليكم مسرور جدا لتفاعلكم مع الموضوع
وردا علي الاخ طارق القبطان يا أخي انا انظن كي لاكلينيك متنقسش من السومة امتاع لولادة بالعكس اتزيد وتلقي الناس يجوهم من كل بلاص واش معناه هذا ؟؟؟؟؟؟؟؟؟؟؟؟؟؟؟؟؟؟؟؟؟

انا نقلك وش معناها
الناس اجبرت على التوجه للعيادات الحاصة لعدة اسباب منها الاهمال في العيادات العمومية وسوء الخدمات
او حتى عدم الاستقبال للعديد من الحالات التي تم توجيهها الى المذبحة الخاصة
خويا لعزيز هذي وقائع وظروف معيشية للفرد الجزائري البسيط الذي يعاني الامرين من اجل الحصول على لقمة العيش
اللي راك تهدر عليهم عايشين غير بالهف كريدي واسلف ومنتنها في كل بلاصة
هذاك اللي راك تشوف فيه يبانلك لباس عليه تضرب عليه تلقاه مدين في كل مكان

[kakiro89]

السلام عليكم
اخي انا ماني نضرب علي حتي واحد انا راني نحكي الواقع امتاعنا وبرك
انسقسيك تعرف للعقار ؟؟؟؟؟؟؟؟؟؟؟؟ايـــــــــه تعرف!!!!!!!!!!!!!!!!!واحد واعي كيما انت محال مايعرفش حاجة كيما هذي
دوك السؤال الاهم ,برحمة الوالدين اشحال تلحق عندكم سكني في العمارة اخي ..........؟؟؟؟؟؟؟؟؟؟؟؟
ودوك السؤال الاهم الصح الصح كي تعرض سكني للبيع اشحال مدة الانتظار حتي تتباع ؟؟؟؟؟؟؟؟؟؟؟؟
والان بكل بساطة هذا واش معناه ؟؟؟؟؟؟؟؟؟؟؟؟؟
شكرا علي التفاعل اخي وصح افطروك

[بستان الورود]

معاك الحق ................

[imene08]

كاين ناس ولات عندهم الشكوى مهنة
يحيروني ناس ساكنين و عندهم سيارات و طبعا خدامين و يبكو عام 12 شهر و يقولك لبلاد ماعطاتلنا والو واش راك حاب قصور و فيلات
أرضى بما اعطاك الله فإن البركة في القليل
الله يسترنا والفنا الطبيعة هاذي
الحمد لله على الصحة لأن الصحة هي لي تخلينا نجيبو الدراهم

من كان في نعمة و لم يشكر خرج منها و لم يذكر

[g.aziz]

( ما اود قوله هو ان بلادنا والحمد لله سائرة في طريق النمو )

كنت أسمع هذه العبارة منذ كان عمري 6 سنوات.... ... . هـهـهـهــــــه

دائما سائرة في طريق النمو . . . . . . . و ما زالت تمشي في طريق النمو و لكن في الاتجاه المعاكس . . . . .هــهـــهــهــه .