من عنده مشكلة في الاجهزة الكهرو منزلية هنا الحل ان شاء الله

[محبة رسول الله]

من فضلك الكوشة تاعي ولات تطفالي نشعل الفرن مرة وتطفى وحدها مافهمتش واش بيها

[nassimoufi]

أنا و أختي كل واحدة منا تملك ثلاجة bico و قد واجهنا نفس المشكل وهو أنا ذراعها يتكسر إذ اضطررنا لاصلاحه كما ان المبرد يتكون فيه الثلج وهذا خلافا الثلاجات الجديدة

[aminegaran]

شريت مدفأة كوندور تاع 10 ركبتها وكي جيت نشعلها معرفتش والدليل ماشي تاع المدفأة لي شريتها
المدفأة من نوع condor cn10-EC1
فيها زر الكهرباء وزر الغاز فيه OFF و Pilot
ممكن مساعدة كيفاش نشعلها وبارك الله فيكم

[ماجدة4]

عندي مشكل مع اجهزة كهرومنزلية جديدة غير استعملتها نحس بصعقة كهربائية مرات خفيفة ومرات متوسطة حبيت نعرف السبب مع الاول حسبت انو كي تكون متلا مغلفة انوكس كيما المكسوغ الي عندي نفس الي فالصورة وليت نشد من جهة البلاستيك برك وجهة القفلة نمسها غير بقماش متلا مع انوعندي باتوغ اينوكس وعمرو لا ضربتني التريسيتي ولو خفيف حقيقة لو نعاود نشري غير كان وود الي مانجيبهاش مانعرف ادا الماركة ولات مقلدة عندنا ولا هي هكداك خدمتها كامل ماعجبتنيش الماركة هادي ندمت ماشريتش موليناكس والاهم عمري لانجيب حاجة فيها بزاف اضافات على باطل نحسها تزيد في سومتها برك و الجودة والو .



وحتى العجانة تاني جديدة وتضرب التريسيتي جهة الحديد الي ماشي مصبوغ !!! مع العلم انها اصلية

[samy algerien]

عندي مشكلة في غسالة arthur martin لما نشغلها احيانا تمشي ولا تكمل وتتوقف. واحيانا لا تدور اصلا. راني حاير واش نديرلها.

[amine1962]

عندي مدفأة غاز من نوع. auer تركية حسب ما مكتوب عليها و في دليلها اجد صعوبة في إشعالها ، قد أكرر العملية اكثر من 4 مرات كيف اتجاوز المشكلة و ما رأيك في هذا النوع ؟

[nouna-or]

السلام عليكم من فضلك حابة نسقسي على احسن حاجة للتدفئة بالنسبة لغرفة و ماتديش بزاف الكهرباء انا راني نخمم في bain de huil

[ام سيف الدين]

العلامة الجيدة تبقى نتاع بلادي ENAIM في الافران و الثلاجات اما الغسالة beko اوتوماتيك 8 كغ هي الافضل

[faraida]

من فضلك مارايك في فرن السعادة اريد ان اشتري واحد وشكراا على الوقت والمجهود والتعب جزاك الله كل خيراا وحفظك

[tayeb08020]

السلام عليكم عندي جهاز استقبال ستارسات 4200 دي سوبر تغيرت روموت كونترول لوحدها كل الملامس تغيرت عند اعادة تشغيل الجهاز لم يعد قابل للتشغيل عند الضغط على زر التشغيل تظهر فقط الساعة فما هو الحل ؟ الله يجازيكم بخير

[hadjouahid]

ما رأيكم في هذه المدفأة arcodym ؟

[hadjer]

السلام عليكم
حابة نشري عجانة . ماهو النوع الجيد كوبرا و لا كوندور
وشكرا

[قلماني]

من فضلكم تعطلت الة الغسيل فقال لي عامل الصيانة انها تحتاج الى Croisillon جديد ولم أجده في ولايتي فمن بامكانه مساعدتي في ايجاده جازاه الله

[عاشقة تراب فلسطين]

الروبو تاعي نوع كانوود كي نحط الطاس تاع. العصير و نشعلول مرة على مرة يولي يرعد و يدير الصوت قاوي و بالعكس مع الطاس العريض يكون الصوت نورمال
وشكرا مسبقا

[هنو ام ياسر]

السلام عليكم اخي الكريم موضوع رائع و مفيد جدا انا عندي سؤال فيما يخص le bain de huile كان يمشي عادي و لكن مرة نشرت عليه سربيتة كبيرة غماته كامل و فجأة حبس و ما حبش يخدم و تم لقيت كاتبين عليهne pas ccouvrir هل كاين حل اخي ام لا الف شكر لك......في انتظار جوابك