chocolat liégeoise ديسار فرنسي رائع و فاخر بمقادير بسيطة من مطبخي

oum anas 69 · 2013-09-15, 22:01

السلام عليكم ورحمة الله وبركاته
اليوم جبتلكم تحلية فرنسية سهلة التحضير لذيذة و إقتصادية و هي chocolat liégeois مممم بلا مانطول شوفو معايا :
نحتاجو
1/2 لتر حليب سائل
2 ملاعق أكل مايزينة أنا خلاصتلي درت فرينة
2 ملاعق أكل سكر عادي
150 غ شيكولا سوداء أو بالحليب لي حبتيها .. أنا درت سوداء
نحتاجو أيضا للشونتيي مطلعة مليح عطرتها بالفانيليا و زدلتها السكر الرطب حسب الرغبة
للتزيين الشيء الموجود عندك :شيكولا فارميسال أو حبيبات أو الملونة أنا رابيت شيكولا و شوية كرمال للتزيين
أولا ننزعو شوية حليب بارد و نحلو فيه المايزينة جيدا و نخلوها بجيه

من جهة أخرى نحط في طاوة الحليب المتبقي + السكر و نشعل عليه النار كي نشوفو يغلي نطفي عليه النار و نضيفلو الشيكولا المقطعة و نحرك حتى تذوب جيدا

هنا غلا و طفيت النار و زدت الشيكولا

و نحرك حتى تذوب جيدا

ثم نضيف خليط النشاء و نواصل التحريك دون توقف ثم نعاود نشعل النار و نخليها تطيب مع التحريك المتواصل حتى تعقد و نطفي

نصبها في كؤوس شفافة إختاري لي يعجبك .. أنا درتهم في جوتابل كبار باش يبانو كيمالي يتباعو برا هههه

نغلفهم بالورق الشفاف و ندخلهمالثلاجة يبردو مليح

في هذه الأثناء نطلع كريمة الشانتيي جيدا لازم تكون متماسكة

نديرها في لابوش و نحط فوق كريمة الشيكولاطة الباردة ثم نزين حسب الرغبة ... أنا عملت قطرات ناباج كراميل و برشت شيكولاطة

هذا نهديه لعزيزتي إلهام هي لي قاتلي أعطيني أنا و خليهم يتغزلو هههههه شريرة

ذوقه رائع أمممممممم
إن شاء الله يكون ليا مواضيع أخرى في تحليات و حتى معجنات فرنسية أخرى مثل البريوش
الفايدة الفايدة ماتنساوش دعوة الخير و لكم مثلها

حقى لبنات الشيكولا برشتها فوق الديسار بالأداة لي نقشرو بيها البطاطا لي تجي على شكل لاام

om rihem · 2013-09-15, 22:08

ماشاء الله يعطيك الصحة اختي فحلة نتاع الصح خرجتيها كيما ليتباعة ماشاء الله

إلهام07 · 2013-09-15, 22:34

وععععععععععععععععععع خلاصولي أيقونات الشكر
ربي يخليك ليا ام أنس ونتعلم عليك بزاااااااااااااف حوايج ونرجع فححححححححححححححححححلة بزاف ويغيرو مني خخخخخخخخخخ
كل مرة نقول ام انس خلصت نلقاك جيتينا بقنبلة جدية .............. مليح .................مليح ...........واصلي خليني نكوبي

المهم ضرك أنا مع شفتهم قالي راسي نوضي طبقي ضرك بصح ماعنديش أكواب جوتابل شفافين كيما نتاعك اللي عندي لونهم أبيض غير شفاف ماكانش كيما نتاوعك هذو يتباعو هنا

نو نونونونو ماتقوليليش لازم يجي تطبيق فوووووووووووووووووووور
نقولك نخلي لغدوة ونشوفلها حل المهم راكي هنيتيني عندي عرام نتاع شكلاطة رايحة تفسد خاصة الشكلاطة السوداء مايحبوهاش لقيتلها دبارة
رايحة نطبق غدا بحول الله والله عندي ثقة في وصفاتك نطبق وعينيا مغمضين

ربي يعيشك نطلبك طلب واحد برك ماتخليهمش يطبقو قبلي وععععععععععععع
لازم أنا الأولى

ربي يجازيك على كل وصفة علمتيهالي حسنات كل وصفة جبل حسنات ويصلحلك وليداتك ويهنيك براجلك آمين
هههههههههه دعوة نتاع عجايز

islam1aya · 2013-09-15, 22:42

اممممم ام انوسي شو ها الجمال شو ها الحلاوة

اممممم تحفة غدوة نصبح في المحل نشري اللوازم باش نسبق الهام الشريرة خخخخخخخخخخ

يعطيك الصحة حنونة في ميزان حسناتك
انا في انتظار المزيد من ابداعاتك ونحب الوصفات الفرنسية كلها رووووعة خاصة التحلياتو المعجنات والفنوازري

إلهام07 · 2013-09-15, 22:43

حقة نحوس نشوف القمع اللي حطيتي بيه الشانتيي يبان كبير نحوس نديرها كيما انت

الأمنيات · 2013-09-15, 22:47

غدوة بربي نجربه ههههههههههههههههه ان شاء الله تبارك الله عليك

إلهام07 · 2013-09-15, 22:49

وععععععععععععععععععععععع ماطبقوهاش قبلي والو نتاعي هذي الوصفة
سراقين

islam1aya · 2013-09-15, 22:54

يا شحال شريرة الهامو
اهييييه انت ماجي تولي من استراد تصدير تلقاينا درناها انا وامنيات خخخخخ

oum anas 69 · 2013-09-15, 22:57

اقتباس:

المشاركة الأصلية كتبت بواسطة om rihem

ماشاء الله يعطيك الصحة اختي فحلة نتاع الصح خرجتيها كيما ليتباعة ماشاء الله

الله يسلمك حبيبتي شكرا على زيارتكي نورتيني

اقتباس:

المشاركة الأصلية كتبت بواسطة إلهام07

وععععععععععععععععععع خلاصولي أيقونات الشكر

ربي يخليك ليا ام أنس ونتعلم عليك بزاااااااااااااف حوايج ونرجع فححححححححححححححححححلة بزاف ويغيرو مني خخخخخخخخخخ:d:d:d:d:d:d:d
كل مرة نقول ام انس خلصت نلقاك جيتينا بقنبلة جدية .............. مليح .................مليح ...........واصلي خليني نكوبي :d:d

المهم ضرك أنا مع شفتهم قالي راسي نوضي طبقي ضرك بصح ماعنديش أكواب جوتابل شفافين كيما نتاعك اللي عندي لونهم أبيض غير شفاف

ماكانش كيما نتاوعك هذو يتباعو هنا

نو نونونونو ماتقوليليش لازم يجي تطبيق فوووووووووووووووووووور

نقولك نخلي لغدوة ونشوفلها حل المهم راكي هنيتيني عندي عرام نتاع شكلاطة رايحة تفسد خاصة الشكلاطة السوداء مايحبوهاش لقيتلها دبارة
رايحة نطبق غدا بحول الله والله عندي ثقة في وصفاتك نطبق وعينيا مغمضين

ربي يعيشك نطلبك طلب واحد برك ماتخليهمش يطبقو قبلي وععععععععععععع

لازم أنا الأولى

ربي يجازيك على كل وصفة علمتيهالي حسنات كل وصفة جبل حسنات ويصلحلك وليداتك ويهنيك براجلك آمين
هههههههههه دعوة نتاع عجايز :d

هههههههههههههههههههههههه أسناي قتلتيني بالضحك أيما كرشي هههههه سورتو دعوتك هاذي لي نحوس عليها ههههه
وعلاش ماكاش هاذو الجوتابل راهم عرام عندكم علابالي تلقايهم بكل أشكال ... تقدري دريهم في الزجاج يكونو لي عندهم الرجلين باهيين يجي فيهم هايل للضيوف
وااااااي أتشواي واوا أتشواي واوا ثبتولي موصوعي ربحت عليك يالمصيبة روحي ياطيبة بنت طيبة ربي يعطيك راجل صالح لي يديرك في عينيه على نيتك و طيبتك وحنانتك

اقتباس:

المشاركة الأصلية كتبت بواسطة islam1aya

اممممم ام انوسي شو ها الجمال شو ها الحلاوة

اممممم تحفة غدوة نصبح في المحل نشري اللوازم باش نسبق الهام الشريرة خخخخخخخخخخ

يعطيك الصحة حنونة في ميزان حسناتك
انا في انتظار المزيد من ابداعاتك ونحب الوصفات الفرنسية كلها رووووعة خاصة التحلياتو المعجنات والفنوازري

ههههههه ضرك كاشما يصرالها هههه شكرا على مروركي و إن شاء الله معولة ندير مواضيع أخرى فرنسية

اقتباس:

المشاركة الأصلية كتبت بواسطة إلهام07

حقة نحوس نشوف القمع اللي حطيتي بيه الشانتيي يبان كبير

نحوس نديرها كيما انت

ضرك نصورهولك جبتو من البلاد مع البوش تاع باش وو من النحاس كبير

*عاشقة الجنة* · 2013-09-15, 23:10

مشاء الله هااااااااااااااايل

يعطيك الصحة يا لحبيبة اكيد وصفاتك ما فيها شك

نطبقو وعينينا مغمضين

ربي يحفظك

أم ريمة* · 2013-09-15, 23:19

ما شاء الله ام انس روعة الله يجازيك

oum anas 69 · 2013-09-15, 23:19

إلهام هذا القمع عزيزتي

oum anas 69 · 2013-09-15, 23:22

اقتباس:

المشاركة الأصلية كتبت بواسطة الأمنيات

غدوة بربي نجربه ههههههههههههههههه ان شاء الله تبارك الله عليك

اقتباس:

المشاركة الأصلية كتبت بواسطة إلهام07

وععععععععععععععععععععععع ماطبقوهاش قبلي والو نتاعي هذي الوصفة

سراقين

اقتباس:

المشاركة الأصلية كتبت بواسطة islam1aya

يا شحال شريرة الهامو

اهييييه انت ماجي تولي من استراد تصدير تلقاينا درناها انا وامنيات خخخخخ

ههههههههه المسكينة ضرك تبات قاعدة :d
شكرا الأمنيات عزيزتي و غاليتي أم إسلام آية إن شاء اله يعجبكم

oum anas 69 · 2013-09-15, 23:23

اقتباس:

المشاركة الأصلية كتبت بواسطة *عاشقة الجنة*

مشاء الله هااااااااااااااايل

يعطيك الصحة يا لحبيبة اكيد وصفاتك ما فيها شك

نطبقو وعينينا مغمضين

ربي يحفظك

اقتباس:

المشاركة الأصلية كتبت بواسطة أم ريمة*

ما شاء الله ام انس روعة الله يجازيك

شكرا عزيزاتي شرف لي رأيتكما وسررت كثيرا بتواجدكما ..

soriaalg · 2013-09-16, 07:36

ما شاء الله رووووووووووعة جزاك الله كل خير الله يحفظك ويهنيك وينولك لي في بالك ويحفظلك هذوك الاولاد ما شاء الله عليهم ربي يكبرهم في طاعتو وتشوفيهم رجالة ربي يبارك
تحلية تهبل ربي يحفظك