لجزء 100 من واش طيبتي ليوم؟+احتفالية تكريم..بسم الله ماشاء الله

[أم ماجد]

[أم ملك]

ألف مليون بليون تريليون مبروك أم نسرين وربي ينجح نسرين وجميع أولاد المسلمين
ألف مليون بلبون تريليون مبروك ليا على التكريم و جميع اﻷخوات المكرمات و غير المكرمات ﻷنكم جميعا عندكم مكان لا ينكره أحد
ألف شكر أم كوثر قليلة عليك صراحة ما أمنتش مين لقيت إسمي
أختي مرام حبيبتي ماتزعفيش و الله رانا ما شاء الله و كل مرة البعض و زيد مش معناتو أنو أحنا مشاركاتنا أكثر أو أحسن فقط للتحفيز
عن نفسي مستعدة نتنازل عليه ﻷي واحدة من حبيباتي مش ﻷنو ما عجبنيش ﻷنكم عزيزات عليا و ما يهونش زعلكم
بيناتنا عليه طيح موت راني عيطتلو زوجي و قتلو شوف هدوك لي تقولي أخطيك منهم واش أعطاوني
طولت الهدرة صح من الفرحة العقوبة للجميع

[nihale89]

ام ابراهيييم ممممممممم روعة
قوليلي بتي فور واش بياس ركبتيه في لابوش وخرجلك هكذا يهبل
وتعيشي اعطيني الرابط

[أم ملك]

باروكي راه قاطو النفاس دا وين كتب ربي نحطولكم

[touta2010]

الف الف مبروك لافتتاح المطبخ وفي نفس الوقت الف مبروك لحبيباتي لتكرمو اليوم وعقبال البقية
علابالي بلي منيش نشارك بالصور كما قبل بصح الله غالب الجهاز خبيته باش ولدي يهتم بالدراسة هدا الدراسة
وطلبت من زينب تساعدني باه نبعت من الاي فون

[بشرى2008]

وااااااااااااااااااااااااااااااااااو ام ابراهيم روووووووووووووووووووووووووووووووووووووووووووووووعة واش حطيتي من يديك
نهال الله الله عليك
أم ياسين الزهراء وعازفة والغالية ام سهام يعطيكم الصحة
عشانا طاجين الزيتون وفريت
العشية درتلهم موسكوتشو بالقارص والتشينة لقيتها فى النت جات روووووووووووووووووووووووووووووووووووعة
3 حبات بيض كبار كاس ناقص شوية سكر عادي خلطتهم مليييييح كاس ناقص شوية زيت وقشور وعصير حبة قارص وقشور وعصير حبة تشينة وباكي ونص خميرة و2 ونص كاس فرينة وبعد ماطابت درتلها المعجون وشوية نواة كوكو جات روووووووووووووووووعة للأسف ماصورتش

[بشرى2008]

أم ملك روووووووووووووووووووووووووووووعة الحلويات يعطيك الصحة

[oum ibrahim]

نهالو تسلمي حبيبتي
البتي فور درتو بهذا شوفي هنا تلقاي الاجابة
https://www.djelfa.info/vb/showthread...post3991980913
و الوصفة راهي نتاع ام اماني من فضلكم البنات الي تقدر تجيبلها رايط بتي فور اقتصادي لام اماني و اكون جد شاكرة لها انا انت دارتها بيا ساعة كاينة و عشرة ماكانش

[touta2010]

اليوم ولدي حب السوفلي محبيتش نخليه في خاطره وراني نشوف في باباه معجبوش الحال لخطرش ميحبوهش بزاف
هاهي ليكن طريقتي
زوج كيسان فرينة
ثلاث مغارف زيت
مغرف خميرة خبز
نص باكيخميرة حلوة
ملح ونلم بالحليب الدافى
نخليه يرتاح ثم نخلط فيه شوية
ونخليه يرتاح للمرة التانية بعد نقسمه علو زوج نحل الكورة رقيقة ونخليها ترتاح بعد مانكون عملت صوص طماطم نفرغها فوقها ونزين باللحم المرحي والزيتون الاسود وكل ما تقدري وفي الاخير فرماج روج ونغلقها بالخبزة التانية لتكون ارتاحت هي الاخرة والى جهنم ههههههههههه
تاكل سخوووونة

[أم ماجد]

السلام عليكم
الف الف مبروك الكوزينة وربي يدوم الحب والهنا بيناتنا
البارح عشانا بربوشة بالحليب ومعاه كبدة بلاصوص امم والله حطيتها فوق البربوشة وكليت بنة لا تقاوم



والشيخ الرومانسي كالعادة
جاب



واليوم جيت من الامتحان عيانة ايا فرحتني روزا ولقيتها موجدة الغدا وجا 44444444444444 وبنة هايلة اممممممممممممممم
دجاجة في اكياس الشواء وارز ام ماجد السهل لكن والله امممممممممممممممم دون مجاملة







وماجد زاد تحصل على الكاس الثاني وميدالية وفرحني حبيب القلب ونور العين ومهجة الفؤاد هههههههه ربي يخليهلي

[بشرى2008]

نهال هدا هو الرباط نتاع البوتي فور جربي وعينيك مغمضين سورتو كي يزيد يبات يولي دوقوووووووو رااااااااااااااااااااااااااااااائع


https://www.djelfa.info/vb/showthread.php?t=1551411

[Simassim]

مبروك افتتاح كوزينة جديدة تبارك الله عندي ارشيف مراجعه دخلت للصفح الاخيرة
ماحبيتش ندخل يدي خاوية جبتلكم واش شريت اليوم ربي يسهل عل الحوامل ويرزق الجميع

[touta2010]

ام ماجد الفالف الف مبرك على الكاسًعلى التكريم
والزوجوج الرومنسي قوليله جيبهم طايبين في يوم كما هدا هههههه زيري روحك عييت نعلم فيك لازم العين الحمرة من داك لداك

[amira43100]

المشاركة الأصلية كتبت بواسطة oum ibrahim

مساء الخيرات يا حلوات يا بطبوطات وشراكم ان شاء الله لاباس
يااااااااااااي دخلت لقيت احلى كوزينة مع احلى مفاجأة ربي يفرحك باولادك يا ام كوثر حبيت نقولكم سر صغييييييييير لكنه عندو معنى كبيييييير بالنسبة لي و هو انو هذا الركن واش طيبتي اليوم كان سبب تسجيلي بالمنتدى كنت متتبعة من وراء القضبان و عجبني الموضوع و الفكرة نتاعو و بالشوية ولالي ادماااااااااان حتى سجلت باه ارتحت وهاذي دعوة لكل المتتبعات من وراء الكواليس انضمو انضمو كما تقولها ماروكو
نسيت روحي و حكيتلكم قصة حياتي المهم هاهو الباروك ام نسرين كوزينة مبروكة و ربي يفرك و يفرحنا باولادنا يااااااااارب
كيكة الدانيت قلشتها و درتها على شكل تورتة فرحت بيها برهومي كان شوية مريض








و هدا بتي فور المتالقة و العملاقة ام اماني رهيييييييييييييييييب باتم معنى الكلمة روعة روعة روعة ربي يباركلك في اولادك و يحفظك شمعة منيرة للمنتدى و الي نبلغلها تحياتي و نشكرها الي سالت عليا في الكوزينة الي فاتت كنت نقرعج من تلفون سي السيد و النت خلاصتلي وااااااااااااع





ام تاجو ليك وحشة يا حلوة ياو انا خلصت اعتصامي لقيت النت هي الي دايرة اعتصام هههههههه
سلامي ليكم يا حلوات الى لقاء قريب كما تحب سيدتي النت كي تجي تجيبني عندكم و خلاص هههههههه

اممممممممممممممممممممم يا ام ابراهيم مبدعــــــــــــــــة
كيكة الدانيت قلبتيها عروسة ما شاء الله و لا البتي فور ما عندي ما نقول

[دائمة الحمد]

الف الف مبروك لرقم 100 لكوزينتنا العزيزة
جزيل الشكر والتحيات لام كوثر
ام نسرين الغالية مبروك والف مبروك على الكوزينة لي راح تلمنا
شكرا على الدعوات
وربي يفرحك بنسرينتنا
والف قبلة لكن عزيزاتي الطباخات الماهرات



انا غاطسة في كوزينتي والعرس راكب هنا

ام ماجد واش عملتي في الامتحان قلبي عندك
هاكي تكرمتي هنا لعقوبة لهيه
العشية شمرت على ذرعيا ودخلت الكوزينة وليت مرا
ولادي على ابواب الامتحانات والدعوة شايحة من الحلويات
هذا باروكي راهو تازا من ا لكوزينة ليك عزيزتي ام نسرين ولكل الغاليات