معلومات خاطئة تعطى للطلبة

[منال]

السلام عليكم
هذه الايام ازور هاذا القسم من المنتدى و اجد في ردود الاعضاء الكثير من المعلومات الخاطئة التي تعطى للطلبة و الطلبة غير يتبعو برك و الي يجي يخكي على تخصص انو رائع و ممتع و هو جاب الباك غير هاد العام و الي يجي و يقارن بين تخصصين و هو قاري الا تخصص واحد و ماعندوش معلومات على تخصصوا
مثلا هذه الايام ارى ردود واحد قال لواحد لازم تجيب معدل كبير في الصيدلة باه تقدر تكمل تخصصك و هو التخصص في الصيدله ما عندو حتى علاقه بالمعدل و واحد يقول انو فتح صيدلية امر سهل جدا و لا يحتاج لا المالو و واحد يقارن بين الشعب التقنية و العلوم التجريبية اكيد كل واحد راح يدافع على شعبتو هاذا امر اكيد و كل واحد يقول شعبتي انا الاصعب
و ياتي واحد علوم تجريبية و يقول انا قريت علوم و التقني ما قراش علوم و بين زوج نقرو طب
عن اي علوم تتحدث هل تحسب ان العلوم التي درستموها تسمى علوم
اانتم ايضا تعتبرون و كانكم لم تدرسو ابدا العلوم لا تقارنو علوم الثانوي بعلوم الطب او الصيدله سوف تعبرون للطب بمستواكم لا بعلومكم غير انسوها علوم الثانوي
و الدولةعندما سرحت للشعب التقنية الطب و الصيدلة هاذا يرجع لمستوى التلميذ و طريقة تفكيره الرياضية ليس لانه درس العلوم ام لمييدرس ان الشعب الطبية كذلك تحتاج لمستوى عالي و ذكاء

و المهم ارجو من المشرفين مراقبة الردود العشوائية التي لا تمت باي صلة و كل واحد يتكلم عن تخصصه حتى لا نعيب اي تخصص لان هذا الامر يتعلق بمستقبل اطلاب

[pyn200]

السلام عليكم
ضف الى ما قالته الاخت الكريمة طبيعة الكتابة فلا هي عربي و لا فرنسي فتجد طالب شعبة اداب يعلق كما يلي
3andi 15.23 wech endir

[فخامة انا]

سلام عليكم
جميل جدااا
أصبت ِ ’ جزاك الله خيرا

[منال]

شكرا على المرور و الاضافة و نتمنى كل واحد يعقب واش يحب

[asma-forever]

معاكي في عذا ولكن لاضير في اعطاء النصائح ولكن من اهل الاختصاص وهنا في المنتدى ماشاء الله عدد كبير من طلبة الطب والصيدلة والتقنيين والرياضيين وغيرها فلا يسئل غيرهم ام عن اي مهنة تضمن العمل فقد رايت من يسال عن هذا هههه واتعجب فالارزاق عند مقسم الارزاق فالله عز وجل هو الي يرزقك وتخدم كتقدرش تعرف

[Lorena Carmen]

المشاركة الأصلية كتبت بواسطة pyn200

السلام عليكم
ضف الى ما قالته الاخت الكريمة طبيعة الكتابة فلا هي عربي و لا فرنسي فتجد طالب شعبة اداب يعلق كما يلي
3andi 15.23 wech endir

انا معك في هذا و لكن مع هذا الضغط الكبير الذي نعيشه التلميذ راه يحوس غي يعبر ماشي يبقى يعدل و يزوق و يقلب لوحة المفاتيح الى العربي و يتكلم عربية فصحى صراحة انا كنت كي نهدر فرنسية فرنسية و عربية عربية و لكن الان راني غي نخلط راه علينا ضغط و رانا نحوسو نخرجو لي في قلوبنا باي طريقة المهم تفهمونا يا اخي

[kimo4fun]

بآآآرك الله فيكي حقاً هذه الفترة المشرفين لازم يراقبوآآآ ليلا نهارا ً أصحاب النفوس الضعيفة يتلاعبون بمن ليس لهم خبرة ،،، والله حرآآآآآآآآآم

[حية بذكر الله]

السلام عليكم

اولا صحا عيدكم و كل عام و انتم بخير ينعاد عليكم بالصحة

معك حق في بعض كلامك

لكن انا لست معك في كون الشعب التقنية تستحق تخصص طب

هذا بشهادة صديقاتي التقنيات ان شعبة تقني رياضي التخصص فيها اسهل من العلوم الشرعية بحيث يمكن للطالب الحصول علی العلامة الكاملة في التخصص بالاضافة الی معاملها الكبير 7 بالمقابل الشعب العلمية يقدم لهم نفس برنامج التقنيين من رياضيات و فيزياء
زيادة علی هذا هم يهربون من العلوم لضمان معدل عال
فكيف يسمح للتقنيين بدراسة الطب بنفس معدل العلميين هذا جحود في حقهم

و من جهة اخری تطالب المدارس العليا للاساتذة علوم دقيقة بمعدلات مختلفة لقبول الطالب مثلا في ولايتي طالب شعبة تقني رياضي ب 13،80 يقبل في المدرسة العليا للاساتذة علوم دقيقة اما العلميين فبمعدل 14فاصلة اكبرمن 50
فاين الانصاف برأيك الم يدرسا نفس البرنامج في الرياضيات و في الفيزياء ؟ لما لا يكون التسجيل في الطب نفس الطريقة في المدارس العليا او العكس ؟
و بشهادة احد الاطباء ان الطب يعتمد علی الحفظ
حسب وجهة نظري الحل يكمن في
التخلص من شعبة رياضيات بالنسبة لي هي اضافية فقط
و منح الطب للعلمين مع رفع المعدل للتقنيين
ومنح التخصصات التقنية للتقنيين مع رفع المعدل للعلميين

وجهة نظري تحتمل الصواب كما تحتمل الخطأ

كما اود شكرك علی طرح موضوعك فهو حقا يستحق المناقشة

سلام

[تيمَهـ]

سمحيلي ختي باينة مقريتيش شعبة علوم و راكي تحكمي عليها و تناقضين الاخلاق التي تدعين اليها في موضوعك

شعبة علوم يقرو علوم الطبيعة و الحياة و بشكل معمق و ممتاز يؤهلهم للطب
كيفاش يدير طبيب و هوا مقاريش علوم ابدا سمحيلي يديرها ادا بغا ماعليش و لكن تعطوه الاولوية لا لا مستحيل
و التلميذ لي عامين و هوا يكافح مع المنهجية و العلوم و الدروس الطوال تفوتو عليه فالطب واحد يتعامل غي بالارقام ؟ اين الحق في هذا ؟
مالا مديروش قاع شعبة علوم نولو قاع تقني و نديرو طب نلغي تماما دراسة العلوم الطبيعية مادام الانسان باش يولي طبيب خصه غي يكون جاب 13 فالباك
شعبة علوم اولا قراو العلوم و بغاوها و تكون عندهم الحب للجسم الانساني و صنعو منهجية للتعامل معه
ثانيا عندهم المدخل للطب راهم عامين يقرو في دروس ممتازه الحمد لله حنايا استاذنا قمة كنا نترجاوه يزيد يتعمقلينا فيها
فاهمين ابسط الاشياء تقوليلي واحد تقني سنة اولى طب عاااااااااااد يمشي يدور واش هو ال adn

تناقضين تماما الانصاف الذي تدعين اليه
قولي هاد الكلام لدرويش فالطريق يضحك اي منطق هذا ؟ يقرو طب ماعليييييييش و لكن تتمدليهم الاولوية على تلميذ عامين يقرى فالطب نزيدك نسميه طب من اليوم و تقوليلي عادي ؟
و الله يا بلادي مشيتي فيها

مبروك عيدك

[asma-forever]

الاخت تحدثت عن تغليط الذي بقوم به بعض الطلبة بمقارنة التخصصات واما الاولوية في التخصصات الطبية فهذا شي مفروغ منه المفؤوض للعلوم التجريبية لاننا الاحق بها فمادام درستا العلوم وكانت السبب في انهيار معدلات العلميين والله اعلم

[تيمَهـ]

ها هي تتهجم على شعبة العلوم و تقول ان كل المجهودات المبذولة والووووو

ياتي واحد علوم تجريبية و يقول انا قريت علوم و التقني ما قراش علوم و بين زوج نقرو طب
عن اي علوم تتحدث هل تحسب ان العلوم التي درستموها تسمى علوم
اانتم ايضا تعتبرون و كانكم لم تدرسو ابدا العلوم لا تقارنو علوم الثانوي بعلوم الطب او الصيدله سوف تعبرون للطب بمستواكم لا بعلومكم غير انسوها علوم الثانوي
و الدولةعندما سرحت للشعب التقنية الطب و الصيدلة هاذا يرجع لمستوى التلميذ و طريقة تفكيره الرياضية ليس لانه درس العلوم ام لمييدرس ان الشعب الطبية كذلك تحتاج لمستوى عالي و ذكاء

و في رايك علوم ماعندهم طريقة تفكير ؟؟ العكس حنا لي طريقة تفكيرنا احسن في مجال الطب لاننا تعاملنا مع المادة عامين ماشي مع الارقام فقط
و الله غي تحير حسدونا في طب و هوما خيرو الارقام
حسبي الله و نعم الوكيل

[✿ هًذًيًـآنُ قًلًمـْ ✿]

السسلآم ععليكم ،

أولآ عيدكم مبآرك و سعيد ،

ثانيآ ، أنآ أوآفق الأختين نونو و تيمةة فيمآ قآلتاه ، فعلوم الثانوي مهمةة و تعتبر القاعدة ، و الأولوية للتخصصات الطبية - من المفروض - للعلميين ، و انتهينآ ،

ففعلآ هنآك ظلم كبير بحقنآ ، !

لآ حول و لآ قوة إلآ بالله ،

حسبي الله و نعم الوكيل ،

بغيت نزيد نهدر بصح سمحولي عييت -_- ،
+

ع كل شكرآ لك على الإلتفاتة بخصوص تدخل الغير المعنيين في نصح الطلاب ، !

نرجو تدخل المشرفين في أقرب وقت ،

سسلآم ،

[تيمَهـ]

المشاركة الأصلية كتبت بواسطة & الوردة السوداء &

السسلآم ععليكم ،

أولآ عيدكم مبآرك و سعيد ،

ثانيآ ، أنآ أوآفق الأختين نونو و تيمةة فيمآ قآلتاه ،

فعلآ هنآك ظلم كبير بحقنآ ، !

لآ حول و لآ قوة إلآ بالله ،

حسبي الله و نعم الوكيل ،

بغيت نزيد نهدر بصح سمحولي عيت خخخخ

سسلآم ،

هههههههههههههههه و الله هدرتي بزاف من كتر لي كتبتي انا و عييت ربي يسامحك ههه
صحا عييدك اختيي

[asma-forever]

يا الاخت كاين حوايج راهي باينة بلاماتسحق تاقشوا فيها جيبيلي واحد تقتي احكيلوا على الوراثة او كديلوا اشكاليات وتجارب في المتاعة او الخلية والطاقة او اي وحدة في العلوم وسترين الفرق الواضح متكذبوش على رواحكم صح شعبة التفتي و الرياضيات صعبة بصح في الرياضيات فقط والدليل اسمها رياضيات وشعبة العلوم تميزها العلوم وهذا مايعكس اسمها والعلوم الطبية ترتكز على العلوم بتسبة كبيرة فلا حسابات وبراهين ولا ازالات لحالات عدم التعيين ولا هندسة في الفضاء ولاشي فليس من المعقول نجو لواحد بقرا هندسة طرائق و نقولولو دير طب؟؟ ممكن يتفوق ولكن الجهد الذي سيبذله سيكون ضعف التلميذ العلمي بالمقابل سيستثمر العلمي وقته في اشيا جديدة ينعلمها لانه بالفعل تخلص من الاساسيات

[تيمَهـ]

المشاركة الأصلية كتبت بواسطة asma-forever

يا الاخت كاين حوايج راهي باينة بلاماتسحق تاقشوا فيها جيبيلي واحد تقتي احكيلوا على الوراثة او كديلوا اشكاليات وتجارب في المتاعة او الخلية والطاقة او اي وحدة في العلوم وسترين الفرق الواضح متكذبوش على رواحكم صح شعبة التفتي و الرياضيات صعبة بصح في الرياضيات فقط والدليل اسمها رياضيات وشعبة العلوم تميزها العلوم وهذا مايعكس اسمها والعلوم الطبية ترتكز على العلوم بتسبة كبيرة فلا حسابات وبراهين ولا ازالات لحالات عدم التعيين ولا هندسة في الفضاء ولاشي فليس من المعقول نجو لواحد بقرا هندسة طرائق و نقولولو دير طب؟؟ ممكن يتفوق ولكن الجهد الذي سيبذله سيكون ضعف التلميذ العلمي بالمقابل سيستثمر العلمي وقته في اشيا جديدة ينعلمها لانه بالفعل تخلص من الاساسيات

تماما اختي و الله يدير طبيب عاديييي انا لي خلعتني عندهم اولوية يا ربي هنايا مخك يحبس
و الله متلقي ما تقولي حسبنا الله و نعم الوكيل