قنادري جديدي

[ام النجمين]

خيطت هذو القنادر وحابة نبيعهم طالعين باش نعاون راجلي ضروفنا المادية صعيبة واش رايكم حطولي لبري منعرفش الزرقة سلاعتها 45كتان 30سلعة الصفرا 45كتان 45سلعة ربي يجازيكم

[أثيلة]

والله شابين بزاف الله يبارك اسمحلي مانعرفش فامور الخياطة ربي يكون معاك اختي راح يجاوبوك المختصين في هذا المجال

[mariana1]

200000 أو أكثر ّلأن في منطقتنا قنادر سامبل ما فيهم والو غير شوية قيبور أوحبات كريستال مركبين بابيستولي من 150000 إلى 170000

[ام النجمين]

مكانش نساء هنا ولا راكم تتبحروووووووووووووووو

[ام ايمنt21]

ربي يفرج عليكم وعلينا كامل

[ميساء راج]

2000 او اكثر هكا ماشي سموتهم انتي اجمعي قيمة الخسائر وزيديهم حق خياطتك هذي هي كفاه يحسبو وحق خياطة كل فستان وقيمة الفسكوز ب 35 الف او 40 كل وحده وكفاه انا ندبرو 30 او 35 مهم على تعب خياطة وسواري يدير 50 ولفوق على حسب فستان واش تعبك والا فيه خدمة بزاف وصعيب ام حاجة بسيطة الا بسيطة ب 50 الف ..وقفطان حق خياطة ب 1000 الف لان يكون فيه دوبل كتان والهندي ب 2000 حق خياطة .....اختي كريمة نتمنى راني افدتك انتي دائما اجمعي حق الخسائر قيمة قماش + قيمة الاحجار واظافات الاخر +شوية قيمة تعب الشراء متحسبيش قيمة احجار كما شريتيها اظيفيلها قيمة تعب الاقتناء حتى هذيك مرات باليومين وثلاثه ونتي تحوسي على احجار وقالون يواتي قماش تكرهي ...وبعدما تجمعي قيمة خسائر اظيفيلها قيمة تعب خياطاتك كما كتبتهالك ونت وتعبك وشكرا وربي وفقك ويحفظك وباركلك في رزقك انتي وزوجك

[LAMIE ALI]

هايلين ربي يعينك ويكون معاك ويعطيك قد قلبك ونيتك

[زينب31]

ربي معك اختي هايلين

[ميساء ميساء]

علابالي بلي القندورة حق الفصالة و الخياطة برك دون اضافات 80 الف

[ام جزائرية]

70 الف او 80 حق خياطة سامبل

[أنا بالذات]

ربي يفرج عليك
ملاح ومتحوفين

[omjawad]

الفرج من عند الله الثمن ٢٢٠٠٠٠

[dorrasof]

جمعتي بين الفخامة و البساطة ماشاء الله

[أم أصيل]

ما شاء الله يعطيك الصحة

[minakouki]

عجبوني سامبل و ملاح يعطيك الصحة السعر خياطة كي تعود سامبل 700 و كي تعود فيها خدمة باليد 1000 حتى 1200