🍛🍲🍜🍗مسابقة احسن طبق تقليدي بين الولايات🍜🍲🍛🍗

[زينب 83]

شوقا منا لمشاركاتكم و حبا منا لابداعاتكم
نعلن اليوم عن مسابقتنا الجديدة في قسم الطبخ و المأكولات و التي ستكون تحت شعار

الجديد حبو و القديم لا تفرط فيه

و هي مسابقة




*ستقوم كل متسابقة بتقديم طبق تقليدي مالح او حلو خاص بولايتها و منطقتها مع طريقة الاعداد بالصور و الشرح و الصورة النهائية للطبق
هدف المسابقة هو احياء تراثنا الجميل و التعرف على تقاليدنا المختلفة من الشرق الى الغرب و من الشمال الى الجنوب



*مدة المسابقة اسبوع كامل تبدأ يوم السبت 19 نوفمبر 2016 و تنتهي السبت الذي بعده
بامكان العضوة وضع مشاركتها في اي يوم شاءت خلال هذا الاسبوع


*اتمنى ان تكون المشاركة كثيفة حتى نستفيد اكثر
هيا غالياتي امتعونا بمشاركاتكم

[ام هدول]

المسابقة فكرتها مليحة تخلينا نتعرفو على اطباق التقليدية التي تزخر بيها كل مناطق بلادي ....ان شالله نشارك ....

[زينب 83]

المشاركة الأصلية كتبت بواسطة ام هدول

المسابقة فكرتها مليحة تخلينا نتعرفو على اطباق التقليدية التي تزخر بيها كل مناطق بلادي ....ان شالله نشارك ....

اهلا حبيبتي ام هدول تشرفنا مشاركتك اكيد

[حياة نور الدين]

بارك الله فيك زينب والمسابقة موضوعها رووووعة وهو احياء التراث ان شاء الله نحاول نشارك ادا قدرت يا رب

[البحر الصافي]

فكرة هايلة زينب ان شاء الله نقدر نشارك
بارك الله فيك

[انا هي رزيقة]

موضوع جميل اختي زينب و الهدف اجمل بكثير ..... بصح راني نشوف حطيتي الموضوع يوم 8 يعني المسابقة بدات السبت الفارط و لا كيفاش

[زينب 83]

اهلا بمشاركاتنا الغاليات
رزيقة المسابقة تبدأ يوم السبت 19 نوفمبر انا فقط كنت كتبت الموضوع قبل و كان مخفي

[كوثر التائبة]

مسابقة جميلة والاجمال فيها توجدك معانا اختي زينب راح نحول نشارك فيها أن شاء الله بحكم اني تنقلت بزاف من صغري بين الولايات ومزالت نتنقل يترى نقدر نشارك باطباق متنوعة شرق غرب ووسط الحمد لله المطبخ الجزائري كل الأكلات تاعو الخاصة ب48 ولايات اكلات شهية

[زينب 83]

المشاركة الأصلية كتبت بواسطة oum mohamed123

السلام عليكم فكرة هايلة بصح عندي سؤال المشاركة تحط طبق واحد برك ولا كيما تحب

اهلين حبيبتي
شوفي لي تقدر تشارك بطبقين واحد حلو و واحد مالح مليحة
لكن لي ماتقدرش ممكن تختار طبق واحد سواء مالح او حلو

[زينب 83]

المشاركة الأصلية كتبت بواسطة كوثر التائبة

مسابقة جميلة والاجمال فيها توجدك معانا اختي زينب راح نحول نشارك فيها أن شاء الله بحكم اني تنقلت بزاف من صغري بين الولايات ومزالت نتنقل يترى نقدر نشارك باطباق متنوعة شرق غرب ووسط الحمد لله المطبخ الجزائري كل الأكلات تاعو الخاصة ب48 ولايات اكلات شهية

اهلين بالغالية كوثر
طبعا ممكن تشاركي بطبق من اي ولاية حبيتي المهم انه يكون طبق تقليدي خاص بولاية معينة😙

[*أم كوثر*]

ماشاء الله على بلادنا واطباقنا متنوعة بتنوع مناطقنا
نتمنى تكون مشاركات كثيرة حتى تعم الفائدة ونتعرفوا على اطباق بلادنا التقليدية من مختلف المناطق

[نور الإسلام26]

سلام عليكم
تقليد بلادنا ماشاء الله بالتوفيق للجميع

[انا هي رزيقة]

اوكي ساحاول المشاركة باذن الله .....بصح يا ريت تكون المشاركات كثيرة يا بنات ياالله ديرو النية و الكوراج باه تحلى القعدة .... متخافوش كل الاطباق الجزائرية التقليدية مليحة و بامتياز و اي طبق تختاروه سيكون في القمة اكيد... فسجلن بصمتكن في الحفاظ على تراثنا المطبخي الجميل

[الطائعة لزوجها]

بارك الله فيك اختي زينب فعلا موضوع جميل و رائع و ذالك لاحياء التراث الوطني فبلادنا الله يبارك شاسعة وواسعة و ما اكتر الاكلات التقليدية و ما احلاها مممم

[أثيلة]

السلام عليكم و رحمة الله و بركاته
موضوع مميز اختي زينب بارك الله فيك على الفكرة الأكثر من رائعة
سأحاول المشاركة أكيد
بعد أن أسئل والديتي عن اطباق ولاية جيجل