الجزء 179 من كوزينة احلى رفقه كوزينة الحراير

[رحمة2016]

دخلت على جال الاخت حيوتة
والله وربي عالم بمعزتك عندي ياك انا من الكواليس وراسلتك قداه نمرة شكرتك وقبل زيادتك تمنيتلك وقفة ساهلة وديما منين نجربلك حاجة ندعيلك في ظهر الغيب
انا يسمحولي الاخوات بصح والله نتي بنة الكوزينات ونهار اللي تغيبي تسماط صح
تامني بربي غير العشية برك طبقتلك تورتة الشوفلور بازهار البطاطا و تيراميسو الجديد وجاو روعة
بصح الله غالب منقدرش نحط صور لانو زوجي ميحبش
ودرك كنت نوريلو في الدولمة قتلو غدوة جيبلنا شوي سردين
تعجبيني وتعجبمي صراحتك مع البنات و بساطتك

المهم نتي ديري لي يريحك لكن اتفكري برك بلي عندك متتبعات يحبوك ويدعولك
ربي يحفظلك بنوتاتك ومهدي ويكبرهم في طاعتو وتشوفيهم دكاترة وتفرحي بيهم

[zokhrofa]

السلام عليكم كيفاش صبحتو ان شاء الله نهاركم مبارك

البارح عشايا كان خضر في الفرن + صوص الطماطم مممممممم جات بنييييييييييينة







الطريقة :

https://www.djelfa.info/vb/showthread...post3996860395

[انا هي رزيقة]

السلام عليكم نهاركن سعيد و زين فحلاتي الجميلات دخلت على طبق الخضار في الفرن تع زخرفتنا النشيطة ربي يبارك فيك حنونة مشاء الله عليك باين بنين و خفيف بصح لوكان انا في بلاستك نزيد معاه شوية كفتة مشوية ...يجي امممم تع الصح الله غالب نمووووووووت على اللحوم ..............خخخخخخخخ ايه حقا حبيبتي داك نهارقريت سؤالك على كي تحطي اطباق هل ضروري تحطي الوصفة ... لالا حبيبتي لا اظن انو من الضروري تحطي وصفات كل اطباقك ... حنا المهم نشوفو حلاوة الاطباق و نقرعجو عليهم ..... خخخخخ و اكيد االبنات رايحين يسؤلوك وحدهم على وصفات الاطباق لي يعجبوهم... هكذا متتعبيش بزاف حنونة و زيد كي راكي تحطي وصفات كل اطباقك راكي تخلي البنات ميدخلوش باه يسولوك ....... يعني راكي تسربيلهم كلشي على طبق من ذهب و ميتعبوش حتى روحهم في السؤال ... يا لهوي ولاو كسولات على عجالك يا زخرفة ....... خخخخخ لالا راني نقصر حنونتي بصح قصدي انو حطي اطباقك المغرية ثم خلي البنات يسؤلوك على الوصفات باه تنشط شوية الدعوة ....... خخخخخخ

[انا هي رزيقة]

اختي نهال اطبقاك جميلة و الله دون مجاملة حنونة يعجبني بزاف طيابك ربي يباركلك في صحتك حبيبتي
اختي سيليا هذي غيبة حبوبتي بصح راني حاسة بيك علابالي بالخدمة و محاينها......خخخخخ و يا مامي على ديك البطاطا المهبولة لي حطيتيها و الله رايحة تنطق من البنة ربي يبارك في اليدين لي طيبوها
اختي سحابة باردة انتي ثاني مشاء الله عليك حبيبتي ربي يدومها عليك و علينا نعمة يا رب

[انا هي رزيقة]

اختي ام هدول الفحلة طريق السلامة حبيبتي و لو انو راحين نفتقدوك بزاف بصح الغربة صعيبة فعلا و ماكنش احسن من انك تكوني بين احبابك و ناسك ربي يخليهم لك يا رب و تجوزي معاهم احلى رمضان ان شاء الله
حيوتة بنت خالتي واشنو هذا لي قريتو يا لهوي عليك يا ام مهدي زعما كي قررت نولي نتشجع و ندخل اكثر للمنتدى و ولاتلي النفحة تع التصاور نتي قررتي تروحي .... اخزي الشيطان يا غاليتي سينو والله نقول لماماتي تقول لمامتك و تصرا مشاكل عائلية بسبتك ...... خخخخخ صدقيني حنونتي انتي الملح تع هذ اللمة الزينة ربي يحفظك من العين يا رب
اخواتي ام العبد رحمة امل ام الاولاد روعة الصحراء وردة الرمال و اصحاب الكواليس حبيباتي ام رويدة مريومة توبتي اسوم ميليسات ارزاق ام محمد وسيم ام محمد 05 ام اسلام المبدعة ام سراج و ملاك ام لجين هيثم ام نسرين ام رحاب ريما نوال امنية غفران ام جوجو ام كاميليا اسيا اسوس ام ياسمين ام الاء ايمان يمن وووووووووو و الله منقدر نذكركم كلكم صح فطوركم و نهاركن سعيد

[zokhrofa]

هههههههههه اهلا اهلا اختي رزيقة الزينة صحيتي على التشجيع معليش مرات مساكن تكون يدهم في الطابلات و يدهم في التسياق و الشغل ربي يكون معاهم

نتمنى انتي تكوني بخير

ايه صح كان كانت عندي الكفتة نزيدها لكن ما شريتش نستنى نقضي لرمضان ان شاء الله ههههه

[انا هي رزيقة]

معلاباليش الا ام هدول مزالت مكونيكتتا بصح كنت جبتهلها شوةي انتعاش ... راهو طبعا في خاطركم كامل حبيباتي باه تنتعشو شوية .. علابالي المراجعات و الاولاد دارو فيكم حالة.. ربي يخليهملكم يا رب ..... تفضلو فحلاتي الجميلات ..علابالي بكم بزاف مالا قلت نعمرلهم طبسي و خلاص ...... خخخخخخ

[انا هي رزيقة]

المشاركة الأصلية كتبت بواسطة zokhrofa

هههههههههه اهلا اهلا اختي رزيقة الزينة صحيتي على التشجيع معليش مرات مساكن تكون يدهم في الطابلات و يدهم في التسياق و الشغل ربي يكون معاهم

نتمنى انتي تكوني بخير

ايه صح كان كانت عندي الكفتة نزيدها لكن ما شريتش نستنى نقضي لرمضان ان شاء الله ههههه

اهلين حبوبتي زخرفة ...اوكي حنونتي بصحتك القضيان مسبقا نصوموه بالصحة و لهنا ان شاء الله

[بيلسان91]

والله عجز لساني عن التعبير راحت ام هدول وعندها اسبابها فقسنطينة ماكانش لاكوناكسيو مي دك ترجعنا فبداية العام الدراسي ونتيا احياة علاش رايحة علينا والله والفنا بيك ديما فلكوزينة ورايحة تخلينا وتروحي

[انا هي رزيقة]

و هذا عشانا البارح فريت و اسياخ الدجاج مشوية مرافقين بطماطم و فلفلة وزيتون لاضفاء الانتعاش على الطبق ....خخخخخ شبعتو تصاور لاني عندي مدة منصورش ... ايه حقا باركولي يا بنات على toile الجديدة بمناسبة رمضان .... اللهما بلغنا اياه لا فاقدين و لا مفقودين

[zokhrofa]

بليسان ما تخافيش حياة ماراحش تسمح في خواتاتها لي يحبوها بسهولة ان شاء الله تفوتها ظروفها و ترجع بخير

رزيقة بصحتك سترة الطاولة شابة العاقبة لما خير ان شاء الله و العشا بصحكتكم ربي يزيد الخير خيرين البروشات بالشواية ؟ ولا بالفرن ؟

[انا هي رزيقة]

المشاركة الأصلية كتبت بواسطة zokhrofa

بليسان ما تخافيش حياة ماراحش تسمح في خواتاتها لي يحبوها بسهولة ان شاء الله تفوتها ظروفها و ترجع بخير

رزيقة بصحتك سترة الطاولة شابة العاقبة لما خير ان شاء الله و العشا بصحكتكم ربي يزيد الخير خيرين البروشات بالشواية ؟ ولا بالفرن ؟

شكرا اختي زخرفة و لك بالمثل ان شاء الله .. بالنسبة للبروشات انا اللحوم تاعي كامل نشويهم في الشواية ندهنها بالبانسو فقط بالزيت و نستعملها .... طيابها بنين امممم ..... و كي يكونو عندي ناس بزاف نشوي في الفرن عادي .....

[ام كادي]

السلام عليكم لبنات هادو بعض من طياباتي راني جديدة في الكوزينة هه

[IMG][/IMG]

[IMG][/IMG]

[zokhrofa]

رزيقة ممممم طبعا الشواية مكاش كيفها يعطيك الصحة

ام كادي مرحبا بيك اختي و الكوكا شابة الطبق الثاني ما فهمتش مليح بطاطا في الفرن ياك ؟

[ام كادي]

[IMG][/IMG]

[IMG][/IMG]


[IMG][/IMG]

[IMG][/IMG]