|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
دورة " ربات بيوت واثقااااااات"
 |
|
|
أدوات الموضوع | انواع عرض الموضوع |
2017-10-15, 09:59
|
رقم المشاركة : 1111 | ||||
|
اهلا فراشات كملتو اشغالكم ولا مزال ؟؟؟
|
||||
|
|
2017-10-15, 11:12
|
رقم المشاركة : 1112 | |||
|
هناك طريقة استخدمها انا شخصيا .. وتعطي تبييض خيالي حقا خلال 10 دقائق .. مرة في الشهر !! |
|||
|
|
|
2017-10-15, 11:12
|
رقم المشاركة : 1113 | |||
|
صباحكم خير و صحة و عافية ...كيف الحال فراشاااات ...عطلة نهاية الاسبوع كانت مكتضة ...رجعنا لروتيناتنا و الحمد لله ... |
|||
|
|
|
2017-10-15, 11:32
|
رقم المشاركة : 1114 | |||
|
ام محمد والله ضحتيني ياااااااااااو وليدي هذه السنة جاب الباك وراه فالجامعة بالعكس انا الي ننصحك باش تعلمي محمد ينظف شومبرتو ويلم ملابسو لاني انا قلشتو كي كان صغير ما يدير والو وضرك حصلت معاه يستيكي روحو ولو كان تدخلي شمبرتو تبكي ههههه وعيييت نهدر كل يوم الي نديرو نعيدو |
|||
|
|
|
2017-10-15, 12:11
|
رقم المشاركة : 1115 | |||
|
اهلا ام شمسو نورتينا بدخولك توحشنا مواضيعك الشيقة |
|||
|
|
|
2017-10-15, 12:25
|
رقم المشاركة : 1116 | |||
|
كملت اشغالي وعنايتي الاسبوعية تمت والحمد لله محمد خلاني كملت بقالي نسرح شعري بالسشوار فقط ...ونتوما بنات واش راكم ديرو في عنايتكم بنفسكم كل واحدة تقولنا واش هو روتينها اليومي والاسبوعي |
|||
|
|
|
2017-10-15, 12:52
|
رقم المشاركة : 1117 | ||||
|
اقتباس:
1-1- اولا لازم تكون عندك الرغبة ..و تملكي الارادة و تتخذي القرار ...يعني تقولي انا انسانة نحب داري تكون نظيفة تماما و مرتبة كليا و منظمة لاقصى الدرجات ...و هذي همة عالية ..و نحب نعطي اوقاتي الغالية لاولادي ...نستغل السنوات القليلة اللي يقضيوها في رعايتي باستمتاع تام و نؤدي واجباتي على الوجه الاتم باش نساهم في اخراج جيل صاااااالح لنفسو و دينو ووطنو ....و نكون امراة متعددة المواهب و الامكانيات ...لانو مستحيل تخلي عمرك يروح في شغل الدار ..او مواهبك مدفونة تحت اكوام طلبات الاولاد ...ببساطة تقرري تحصلي على الحياة الشاملة المنظمة ...انتبهي انا لا اتحدث عن الكمال ...البحث عن الكمال معيق ...و بسبب رغبتك في اداء الاعمال بالصفة الكاملة تستغرقي الكثير من الوقت و تضيعي الكثير من المصالح الاخرى ...لذلك انت لا تريدين ان تكوني كاملة ...يكفي ان تكوني شاملة ... 2- بعد اتخاذك للقرار و تسيدك لحياتك و اخذك بزمامها ...تبداي في اكتساب جملة من العادات ...لانك مش راح تتغيري بين يوم و ليلة ...و لتغيير الطباع او الممارسات او نظام العيش و اسلوب الحياة ثبت بالدليل بلي لازم تطبقي الممارسة الجديدة لمدة 21 يوم الى شهر ...و النتيجة هي امساكك بالعادة الجديدة ...راح تصبح احدى طباعك ...مجرد ثباتك عليها هذي المدة بدون انقطاع راح تنساي خياتك السابقة ..و تصيري تتصرفي وفق العادات الجديدة بدون تفكير و بدون بذل اي جهد ... يعني ..كي تلمعي حوضك كل مساء لمدة واحد وعشرين يوم ..بعد اليوم الثاني و العشرين مش راح تقدري تروحي ترقدي قبل ماتلمعي حوضك ...بالعكس راح تلقاي روحك بلاماتفيقي تلمعي في حوضك بدون تفكير ...يعني اكتسبت عادة و اصبحت احدى طباعك الملازمة لشخصيتك ...تكسري هذي العادة فقط اذا تخليتي عليها و رجعت للعادة الاخرى... 3- تبداي تشكيلة العادات الجديدة بالروتين المسائي ..اللي هو الاساس في روتينات اليوم ..يعتبر روتين تحضيري و استباقي و مختصر للوقت ...ينقسم هذا الروتين لثلاث مفاصل ..هذا اختصار لبعض مهامها ... *العناية بالبيت ...تلمعي الحوض و تنظفي المطبخ و ترتبي المنزل .. *العناية بالغد ...ديري تجهيزات الغد ..توجدي ملابسكم و احذيتكم و مرفقاتها ..توجدي الاوراق الضرورية و قوائم الاعمال اذا كنتي خارجة مثلا ..تجهزي طاولة الافطار و مكونات الوجبات...الخ .. *العناية بنفسك ...لانو انتي الاهم في صحة و سلامة و سعادة البيت الاسري لازم توفري العناية التامة بنفسك ..التنظيفات الشخصية المسائية ...ترتبي شعرك ...تغسلي اسنانك ...ترطبي بشرتك ...جلسة استرخاء ..تغذية للروح ...الاوجه كثيرة ...تنتهي اخيرا بالذهاب الى النوم في ساعة محددة تلبي احتياجاتك الذهنية و البدنية ... 4-تنتقلي لاحقا في مسار اكتساب العادات و تثبيتها لمدة 21 يوم الى الروتين الصباحي ...اللي راح يكون سهل جدا لانك حضرتيلو بالروتين المسائي ...احرصي فقط على استباق هذا الروتين بربع ساعة من الزمن تهتمي فيهابروتين اخر رئيسي...هو التجميل الصباحي ...لانك في النهاية انثى ..و لن تشعري بانك على طبيعتك الا اذا تمتعت بجمالك الكامل ...بدون مبالغة فقط ربع ساعة لبعض النظافة الشخصية اليومية و الممارسة الجمالية اللي تعطيك دفع لبقية يومك..بشرط انك تبداي بيها و تكون اول شيء ديريه في يومك ..كل وحدة و اسلوبها و لكن في الاجمال يمكنك ان ... *تاخذي دوش خفيف .. *تغسلي اسنانك .. * ترتبي شعرك .. *تلبسي حاجة مناسبة و تعتني بالتفاصيل .. *ترطبي بشرتك و ديري ماكياج و رشة عطر ... بعد ربع ساعة تاع التدليل تنطلقي في تحليقك الصباحي و روتينات الصباح ..ملخصة كالاتي ... *ترتبي السرير بمجرد الخروج منو ... *تنظفي الحمامات بمجرد الفراغ من استخدامها ... *تحضري الفطور تقدميه و تديري التنظيفات ... *تحركي الغسيل .. *تمسحي الغبرة و تكنسي و تسيقي ...حسب الضرورة ... * تخططي لوجبات اليوم و تباشري التحضيرات ... اعتني اثناء ذلك باخذ فواصل استراحة 5-- الروتين التالي اللي من المفيد جدا انك تدرجيه في يومياتك هو انك تعودي نفسك على ربع ساعة كل يوم تقومي فيها بعملية الترتيب و التنظيف و التنظيم لمنطقة ما في البيت ...مستعينة بتقنيات الترتيب اللي هي الكراتين الثلاثة و مبدا الرمي و الحفظ و الصدقة و شعار "مكان لكل شيء و كل شيء في مكانه" ... و متسلحة بمنشفة و مستحضر تنظيف و تمري على كل نقطة في بيتك و ذلك في كل يوم من ايام الاسبوع على مدار الشهر لتعودي في الشهر القادم لنفس المنطقة ...هذي الربع ساعة مفعولها عجيب و تنيجتها سحرية في اعطاء النظافة العميقة لمنزلك في اقل الاوقات و اكبر قدر من الالتزام ... 6- الروتين الاسبوعي ...هو الروتين الرابع اللي يساهم في رفع تقديرك للعمل المنزلي و النتائج الفعالة ...ساعة فقط كل اسبوع تخصصيها للمرور على اكثر الاماكن تماسا مع يومياتكم ...و لتدارك اكثر الاحداث و قوعا و للتغلب على اكثر المهام المتكررة شيوعا كالغبرة و البقع ...اليك المهام السبعة للساعة المبروكة ...اللي ناكدلك انا ايضا بلي مفعولها رائع في اعطاء لمعة للبيت و بريق للمنظر العام ... * تبديل الدراوات .. * مسح الغبرة .. *ترتيب الاوراق .. *ازالة البقع من اماكن التماس ... *مسح المرايات و الزجاج .. * مسح و تنظيف الارضيات ... * اخراج القمامة ... كل هذا بحصة 10 دقايق لكل مهمة ...اسبوع بعد اسبوع الاعمال راح تصبح اسهل بكثير و راح تكوني انتي اول المتفاجئين بالاسلوب الجديد لحياتك ...و السيطرة التامة على بيتك و يومياتك... ... |
||||
|
|
|
2017-10-15, 13:33
|
رقم المشاركة : 1118 | |||
|
اهلا اختي ام شمسو راكي حطيتي البرنامج بحذافيرو ربي يجازيك .. صراحة هاذو هما الخطوات اللي متبعتهم نزيد فقط استوس تاعي بلاك كاين لي يعرفوها ..عندي بخاخ فيه شوية جافيل وشوية غسول اواني وشوية خل و بكربونات و ماء كي نكون نخدم شغلي اليومي نرشو على الابواب ونمسحهم صدقيني يقعدو يشعلو و تاني نرش على الاسطح كامل و نرش على جدار الكويزنيار و نمسحو كامل ونرش على باب الثلاجة و طاولة الاكل و نرش الخليط على سلة القمامة اعزكم الله ونمسحها خفيف باش تقعد تبرق ..المهم نرش على كامل واش يجي في طريقي حسب كل غرفة وواش فيها ...وهكذا دايما كلشي نظيف حتى التنظيف الشهري يجي ولا اسهل منو ...جربو هاذ الطريقة راح تحتصر وقت بزاف و كلشي يقعد يبرق |
|||
|
|
|
2017-10-15, 13:36
|
رقم المشاركة : 1119 | |||
|
لبنات ادعولي راني في وضعية منحكيلكمش |
|||
|
|
|
2017-10-15, 13:45
|
رقم المشاركة : 1121 | |||
|
اختي الهي يسر امري ..ربي يحل عقدتك و يفرج همك و يزيل غمك يارب .. |
|||
|
|
|
2017-10-15, 13:47
|
رقم المشاركة : 1122 | ||||
|
اقتباس:
|
||||
|
|
|
2017-10-15, 13:51
|
رقم المشاركة : 1123 | ||||
|
.gif){kind=icon}
اقتباس:
|
||||
|
|
|
2017-10-15, 13:57
|
رقم المشاركة : 1124 | ||||
|
اقتباس:
و عليك كذلك ..ب ..."اللهم اني عبدك و ابن عبدك و ابن امتك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران ربيع قلبي و نور صدري و جلاء حزني و ذهاب همي "...فقد قال الصادق المصدوق انه مؤكد لزوال الهم ...افعلي ذلك بيقين قلب ...فمن نحن لنجرب على الله ...اسال الله العظيم ان يكشف كربتك..و ان يجعل لك من امرك يسرا .. |
||||
|
|
|
2017-10-15, 14:03
|
رقم المشاركة : 1125 | ||||
|
اقتباس:
فراااشاااات ...ماتفشلوش تخصصوا 10 دقايق فقط من يومكم لقراءة كتاب الله مهما كان ظرفكم ماتاجلوهش لاي سبب ...10 د تكفيك لقراءة حزب كامل من كتاب الله ...ثم ترين بعد ذلك فيض الخير و البركات لمن لزم هذا الكتاب الكريم |
||||
|
|
|
| الكلمات الدلالية (Tags) |
| flylady |
| أدوات الموضوع | |
| انواع عرض الموضوع | |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
