دورة " ربات بيوت واثقااااااات" - الصفحة 35 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم المنزل و متطلباته

قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

دورة " ربات بيوت واثقااااااات"

إضافة رد
 
أدوات الموضوع انواع عرض الموضوع
قديم 2017-09-27, 15:03   رقم المشاركة : 511
معلومات العضو
ام شمسو محمد
عضو مميّز
 
إحصائية العضو










افتراضي

فراشات يادرى مازلتو ملتزمين بالروتينات اللي رانا نتمرنو عليها و نحاولو نكتسبوها كعادات مع بعض في هذي الدورة ...

هل راكم تتقدمو او تراجعتو ...من الاول اتفقنا بلي نبداو بخطوات صغيرة و مانضغطوش على انفسنا باش نقدرو نستمرو ..

هل راكم منضبطين على الروتين المسائي قبل ما تروحو ترقدو تتاكدو بلي بيوتكم نظيفة و محضرين مليح لغدكم و معتنيين كما ينبغي بانفسكم ......هذا مفيد جدا لنمط حياتكم ...

هل رجعتو تهتمو ولو قليلا بروتينكم الجمالي الصباحي و تقدرو بلي من حقكم تكونو في كل يوم سيدات انيقات مش مجرد ربات بيوت .....عاديات و ربما مهملات ...

هل راكم تعتنيو بما فيه الكفاية بحظكم من العبادة و الحد الادنى اللي هو الصلوات الخمس و اذكار الصباح و المساء ....

هل راكم تتبعو في الفوضى في بيوتكم و تحاربو فيها بدون هوادة للوصول لبيت خالي من الخردوات و منظم و عملي و يستحق يكون ممر امن لاطفالنا في طريقهم في الحياة ...

هل راكي مسيطرة على الغسيل و عندك تسييير يومي و فخورة تقولي بلي كل قطعة ملابس في بيتك هي في مكانها الطبيعي ...

نكملو مع بعض ...المكتسبات جميلة و بعيدة المدى ...ويمكن تغيرلك حياتك ....كملي معانا ...









 


رد مع اقتباس
قديم 2017-09-27, 15:15   رقم المشاركة : 512
معلومات العضو
ام شمسو محمد
عضو مميّز
 
إحصائية العضو










افتراضي

شكرا لك اختي ام زينب على كلامك الجميل ...والموضوعات اللي اقترحتيها تجي تباعا في الدورة باذن الله نسال الله التوفيق










رد مع اقتباس
قديم 2017-09-27, 15:30   رقم المشاركة : 513
معلومات العضو
ابني نور عيني
عضو مميّز
 
إحصائية العضو










افتراضي

اهلا اختي ام شمسو ديما راقية بتفكيرك و تواضعك ...
سلام حار ليك ...
اختي ام زينب حاولي تنظمي روتيناتك اليومية وابداي من الصفر ...ماتضغطيش على روحك خطوة خطوة....و في روتينك ديري برنامج صغير ليك باش تهتمي بنفسك و تدلليها و راكي قلتي تحبي المطالعة ...طالعي كل يوم اقراي يالوكان صفحة....و ديري منهج ليومياتك و حطي اهداف معقولة تقدري توصليلها على المدى القريب باش تتحفزي ..اهم شي ماتفقديش الامل و روحك الجميلة خليها ترفرف مع اطفالك و كوني قدوة حسنة وايجابية لهم باش يتعلمو منك الصبر و الكفاح مهما كانت الظروف...وعلابالي بلي راكي قدها واكثر عزيزتي...يالله تشجعي و ديري خطوة للامام و تناسي المشاكل و افتحي قلبك للحب و التسامح والله ربي يعوضك احسن (انما يوفى الصابرون اجرهم بغير حساب).....










رد مع اقتباس
قديم 2017-09-27, 18:00   رقم المشاركة : 514
معلومات العضو
ام شمسو محمد
عضو مميّز
 
إحصائية العضو










افتراضي

تخصيص يوم للعناية

رانا كامل محتاجين لقضاء يوم نخصصوه للعناية بانفسنا مرة على مرة ...تقدري تثبتي يوم في الاسبوع لتقديم رعاية كاملة للجسم ...استحمام ...ماسكات ...ترطيب ...هذي لحوايج تدير معجزات في اعطاءنا الطاقة و الحافز ...مهما كنتي مضغوطة ..ماتحرميش نفسك من تخصيص يوم للتجديد لجسمك و روحك ..

1-اغسلي وجهك ..

باستعمال منظفك المفضل ...اغسلي مليح وجهك ...دلكي بشرتك لمدة 30 ثانية باطراف اصابعك ...اشطفي بلطف ...ثم ديري تقشير لطيف لبشرتك بمقشر ناعم على البشرة ...اذا كنتي تفضلي الطبيعي ..خلطي سكر و زيت زيتون وادلكي وجهك من 15 الى 30 ثانية باش تقشريه قبل ما تشطفي بالماء الفاتر ....

*تقدري كذلك تغلي الما و ديري حمام بخاري لفتح المسام بعد التقشير ..حطي اناء فيه الما الساخن و عرضي ليه وجهك و غطي راسك بمنشفة ...تنفسي البخار لمدة 5 دقايق ..

2-اصنعي قناع لشعرك ..

ديري قناع لشعرك باش تحصلي على القوة و الترطيب ...خلطي المكونات ...حطي القناع على شعرك المبلل مع تدليك فروة الراس خليه لمدة 30 دقيقة ...اغسلي لاحقا شعرك ...خذي وقتك في الاهتمام بشعرك ..هذي احسن طريقة للاعتناء بنفسك ...

اليك هذي المكونات اللي تحتاجيها لتحقيق قناع منزلي للشعر ..

نصف فنجان عسل
2 م . ك زيت زيتزن
1 بياض بيضة
موزة

3-خذي حماما ساخنا ...

بعدما تشطفي شعرك من القناع المنزلي اغسلي بالشامبو المعتاد ثم استعملي البلسم مع التركيز على تدليك فروة الراس ...(الشي اللي ماتلقايلوش الوقت في روتينك اليومي) ...
*استعملي الصابون او الجل دوش المعتمد ...خذي وقتك ..
بامكانك استخدام املاح الحمام ....او رغوة الحمام ...او كرات الاستحمام ..حسب اختيارك الشخصي ..الماء لازم يكون ساخن ..

-في الحمام ..ديري تقشير للجسم بالليفة للتخلص من الخلايا الميتة
-اذا حبيتي ديري حلاقة للساقين ...ديري اولا تقشير باستعمال منتج تقشير ...حكي مليح بقفاز الحمام ..

4-عناية الخروج من الحمام ..

بعدما تنشفي روحك مليح استخدمي كريم ترطيب او حليب ترطيب لجسمك ....
اغسلي وجهك بالماء البارد لغلق المسام و ماتنسايش الترطيب
استعملي حجر قدمين و حكي رجليك مليح

5-ديري ماسك لوجهك ..

قناع للوجه يسمح بمعالجة البشرة الجافة او الدهنية... .الانتفاخات ...ينعش و يرطب البشرة ...يصفي و يوحد اللون ...دلكي برفق القناع على وجهك ...هكذا تنشطي الدورة الدموية ...خليه من 10 الى 15 دقيقة ...انتبهي الى انو القناع سواء كان منتج تجاري او مستحضر منزلي لازم يكون متوافق مع نوع بشرتك .....اليك بعض الوصفات ..

البشرة الجافة ...4 م.ك حليب غبرة + 2 م.ك عسل + 2 م.ك ماء فاتر ...طبقيه على وجهك و تجنبي محيط العينين و الشفتين ...ثم حطي قطعة قماش مبللة على وجهك لمدة 10 دقايق ..ثم استعملي هذي القماشة لمسح القناع ..

للبشرة الدهنية ...ضربي بياض بيضتين حتى تبدا تتشكل الرغوة ...اطليهم على وجهك في طبقة رقيقة و خليهم حتان ينشف البيض ...شللي بالماء الفاتر ...

قناع لحيوية البشرة ..خلطي 1 م.ص من مسحوق الشاي الاخضر مع نصف م.ص ماء ...ضعي الخليط على وجهك و خليه يرتاح لمدة 10 دقايق ...

5-حطي شرائح الخيار

الخيار عندو خصائص مضادة للالتهابات طبيعيا تساعد على اخفاء انتفاخات الجفون ...يحتوي على الكثير من الماء ..ما يشكل مرطبا طبيعيا ..استعملي خيارة من الثلاجة من اجل المفعول المهدئ و المنعش ...خليهم من 10 الى 15 دقيقة ...

..................................

كاين عشرات الاشياء الاخرى اللي تقدري تضيفيها ليومك للعناية ...سشوار ..ماكياج ...عطور ....

هذا فقط يوم عناية نموذجي تقدري تهديه لنفسك بعد اسبوع مرهق لتجديد نشاطك و استعادة طاقتك ..

دللي نفسك

هل من افكار اخرى فراشات










رد مع اقتباس
قديم 2017-09-27, 18:13   رقم المشاركة : 515
معلومات العضو
ابني نور عيني
عضو مميّز
 
إحصائية العضو










افتراضي

تحية مسائية عطرة لكل الفراشات...اختي ام شمسو انا من قبل ما نتزوج كنت دايرة الخميس يوم للعناية الشخصية و بعدما تزوجت بدلت اليوم فقط رجع بعد زواجي يوم الاحد هو يومي المحبوب و الجميل نقوم فيه بحمام مغربي و تقشير و ماسكات متنوعة للوجه والجسم و الرقبة ...و عندي العناية بالاظافر و الرجلين و اليدين ...ماتقولوش بزاف كاين اشياء نديرها كل اسبوع و كاين كل 15 يوم و كاين حاجات نديرهم كل شهر ...يعني منظمة روحي باش ماتجينيش بزاف و نمل ...المهم مخصصة يوم لنفسي ندللها ... في اليوم اللي يسبق يوم العناية الشخصية ندير تنظيف فالليل و نطيب الفطور في الليل تاني ...و الصباح نبكر و نتهلى في روحي ...كي نكون دايرة ماسك لشعري و وجهي نخدم شغل لي كاين و ندخل للحمام و نتمتع باحلى دوش ....هاذا قبل ماينوض وليدي هههه لانو اذا ناض راح يهبلني ههه يحب يرضع و يلعب و ووو










رد مع اقتباس
قديم 2017-09-28, 05:47   رقم المشاركة : 516
معلومات العضو
ام متين
عضو مميّز
 
إحصائية العضو










افتراضي

اصبحنا واصبح الملك لله والحمد لله
سبحان من أنار الصباح بقدرته .
و سجدت المخلوقات ُ لعظمته.
و وهبنا الحمد
و الشكر على نعمته
. . و أجاب دعاء المضطرين برحمته
. . رجوته بأن يهبكم من صباح هذا اليوم بهجته
و من السعد ِ قمته
. . و من الإيمان ِ أعلى درجته
. . و يدخلكم اعلى مراتب جنته .









رد مع اقتباس
قديم 2017-09-28, 05:58   رقم المشاركة : 517
معلومات العضو
ام متين
عضو مميّز
 
إحصائية العضو










افتراضي

صباحكم طيب مبارك مليئ بالحيوية والنشاط والعناية بالنفس يا رب وقدرني لهذا الجانب لاني نشوف روحي ملتزمة باشياء لا باس بها لكن يبقى العناية بالنفس ناقصة لحد كبير
في الجورة السابقة كنت عاملة الخميس للعناية بالنفس يعني حاجة بسيطة دوش وعناية بالقدمين كنت نحط الارجل في ماء به جال دوش ونتركهم 10دقائق من بعدنقشرهم بالليفة ثم نقص الاظافر ونزيل اي زوائد من بعد نعمل خليط من ليمون وسكر بني وزيت زيتون ونعملهم من الكب حتىالاصابع وتنركهم قدر المستطاع من بعد نغسلهم تحسي بالرجل في قمة النعومة والاناقة والنظافة
اروى اسمحيلي لان نسيت انك طلبت مني هذا الوصفة معليهش راني تفكرتها وحطيتها وان شاء الله تعجبك وتعجب الجميع










رد مع اقتباس
قديم 2017-09-28, 06:01   رقم المشاركة : 518
معلومات العضو
ام متين
عضو مميّز
 
إحصائية العضو










افتراضي

وينكم يا فراشات راكم راقدين ايا معليهش القهوة راهي عندي اليوم وكلكم معروضات كاين مسمن رفيس قاطو واش تحبو نجيبلكم










رد مع اقتباس
قديم 2017-09-28, 06:13   رقم المشاركة : 519
معلومات العضو
ابني نور عيني
عضو مميّز
 
إحصائية العضو










افتراضي

اصبحنا واصبح الملك لله....صباحكن منور بانوار النبي ...اهلا بالنحلة النشيطة المضيافة ام متين اسعد الله صباحك عزيزتي راني جيت نشرب معاك و راني ديت مسمن اممم اكيد اطيب من يديك تسلمي










رد مع اقتباس
قديم 2017-09-28, 06:20   رقم المشاركة : 520
معلومات العضو
ابني نور عيني
عضو مميّز
 
إحصائية العضو










افتراضي

اليوم عندي روتيني الصباحي ونزيدلو الحديد تاع الحوايج .....عندي مسحة خفيفة للثلاجة مع 10 د تبريد حاطتو في الجدول نشوف واش خاص فيها لانو يوم السبت نقضي الخضر واللحم...هويت البيت وبديت اشغالي ...اليوم رايحة عند عجوزتي الوغ ندير كامل شغلي الصباح و دايما عادتي مانخرجش حتى الدار ترجع تشعل هههه نحب كي نرجع نرتاح و نلقى كلشي مرتب و فمكانو....










رد مع اقتباس
قديم 2017-09-28, 06:38   رقم المشاركة : 521
معلومات العضو
ابني نور عيني
عضو مميّز
 
إحصائية العضو










افتراضي

افكار بسيطة لتنظيف منزلك :

دائما نعانى من تنظيف البيت سواء كان الاسطح او الابواب والزجاج وغيرها واليكى بعض النصائح لجعل منزلك اكثر نظافة :
النوافذ والاسطح الزجاجية :
عند القيام بتنظيف النوافذ يراعى أن لا تنظف في جو ممطر أو في وجود أشعة الشمس المباشرة لأن أشعة الشمس عندما تضعين منظف الزجاج تجففه سريعا مما يساعد على تكون علامات على الزجاج.
-* تنفيض الغبار قبل البدء في التنظيف يقي دون تكوين طين او ما شابه ومجرى الشباك بفرشة الوان لتنفض الغبار عنها
-* استخدام قطعة قطنية في مسح الزجاج.
-* الماء النظيف هو افضل حل لزجاج لامع وإذا لم يعطي نتيجة يضاف له من 2:3 ملاعق أكل خل لكل نصف لتر ماء
-*معجون الأسنان سوف يزيل الخدوش الصغيرة من الزجاج.
- *تنظيف الزجاج الداخلي يكون بصورة رأسية والزجاج الخارجي بصورة أفقية
-*الاسطح الزجاجية تنظف بفركها بعصير ليمون وتجفيفها بفوطة ورقية ثم ورقة من الجريدة.
أو بإستخدام ملمع الزجاج
-* للتجفيف يستخدم ورقة من جريدة مجعدة( او حاولي استخدام ورق دفاتر قديمة استغنى عنها ابنائك)
*لتنظيف المرايا يستخدم بنطلونات الجيز القديمة بامكانك قصها على شكل فوط وتستعمليها لتلميع الزجاج تنظف ولاتترك وبر متل الأقمشة الأخرى ...

-*غلفي الطاولات بالنايلون الخاص بتغليف السندويشات وبذلك تتفادي ان تصاب بخدوش وتبقى نظيفة ومتى ماجاءك ضيوف انزعي فقط النايلون
**إن تنظيف الأبواب يجعل المنزل كله يبدو نظيفا بمسح الباب من أوله إلى آخره بقطعة مبللة بالصابون ثم بالماء وأيضا عدم نسيان مسح الحافة العليا والجانبية للباب فهي سريعا ما تتجمع عليها الأتربة.

لإزالة البقع من على الرخام
انثري ملح على نصف ليمونه طازجة وامسحي بخفة على البقعة ولا تمسحي بشدة وعنف لكي لا تزيلي الدهان او قشرة من الرخام ثم اغسليه بالماء والصابون....

* في ماء شطف الثلاجة الأخير وضع عصير ليمون يعطي الثلاجة رائحة منعشة.

* - حاولي ترتيب الثلاجة والفريزر اول بأول حتى تصبح مرتبة وتجدين غرضك بسهولة ويسر










رد مع اقتباس
قديم 2017-09-28, 06:44   رقم المشاركة : 522
معلومات العضو
رندة.
عضو مميّز
 
إحصائية العضو










افتراضي

أصبحنا وأصبح الملك لله والحمد لله ولا اله إلا الله والله أكبر
اللهم أعنا على ذكرك وشكرك وحسن عبادتك
حسبي الله لا اله إلا هو عليه توكلت وهو رب العرش العظيم

صباح الورد والياسمين عليكم يا فراشات
اهلا ام متين وام محمد، صباح الخير عليكم
ان شاء الله القهوة راهي مازالت سخونة ومانكونش طولت عليكم يا ام متين
ربي يحفظكم ويدومها نعمة ان شاء الله









رد مع اقتباس
قديم 2017-09-28, 08:07   رقم المشاركة : 523
معلومات العضو
arwa alaa
عضو مميّز
 
إحصائية العضو










افتراضي

صباح الخير فراشات
شكرا ام متين على القهيوة ان شاء الله نكون لحقت على المسمن نموت عليه










رد مع اقتباس
قديم 2017-09-28, 08:15   رقم المشاركة : 524
معلومات العضو
arwa alaa
عضو مميّز
 
إحصائية العضو










افتراضي

بالنسبة ليا العناية بالنفس تكاد تكون معدومة من غير الكريمات في الليل منديرش ماسكات
وهذا المشكل نعاني منو بزاف لانو من ولدو التوام قصرت في الجانب الجمالي عكس ما كنت قبل نحط الكريمات والماكياج ندير الماسكات لشعري وجهي كنت نحس روحي متهليا في روحي
والوقت الحالي راني لاقية صعوبة كبيرة في اني نرجع كيما كنت ومش لنقص الوقت وحد الاحساس مقدرتش نفهمو وليت نحشم نحط الماكياج معرف ولا....... مفهمتش والفت بروحي هك
حلل وناقش فراشات










رد مع اقتباس
قديم 2017-09-28, 09:58   رقم المشاركة : 525
معلومات العضو
كلثوم146
عضو مشارك
 
إحصائية العضو










افتراضي

صباح الخير فرشات ربي يجعلو عامر ببرك روتين سيقت تسيق عميق ومسحت النوافذ الغرف ودرت الغد وقلت نصبح علي اخواتي










رد مع اقتباس
إضافة رد

الكلمات الدلالية (Tags)
flylady

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 12:16

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc