طريقة أكيدة لتصبحي ربة بيت سعيدة - الصفحة 102

ام شمسو محمد · 2017-01-30, 11:18

صباح الخير رندا و أروى .
أروى باش ما تتعبيش في غرفة الجلوس و مع حوايج لولاد ديري سلة كبيرة كي تحبي ترتبي حطي فيها كلشي ، كي تلتاي رتبيهم ، أهم شي ما تخلي والو فوق الأرض و لا الكانابيات ..هكذا راح تلقاي الدنيا مرتبة و بالنسبة للخربشات كل سمانة في ساعة التنظيفات الأسبوعية امسحيهم بالبخاخ تاع الما و الخل و سائل الأواني .

رندة. · 2017-01-30, 11:20

مرحبا أم شمسو ، وش راكي؟
بالنسبة ليا غرفة الجلوس اخف واسهل غرفة عندي في التنظيف لاني مارانيش حاطة فيها أغراض كثيرة ( ما قل ودل ) وبالتالي ماتديليش وقت كبير في التنظيف
على حسب أسلوب الفراشة الي كنتي طرحتيه من المفروض اليوم هو يوم التنظيف العميق لغرفة الجلوس ساعة واحدة فقط والباقي يتم بالتبريد خلال الاسبوع في هذه المنطقة المختارة
انا كنت سبقت وبديت فيها وكيما قلت لك نورمالمو كملتها بصح وش نقلك لازمني الشهر الجاي نبدا معاكم من اول منطقة لاني التحقت متاخرة المرة هاذي كيما تعرفو
بالتوفيق للجميع)

ام شمسو محمد · 2017-01-30, 11:25

أنا ثاني عندي أسهل غرفة هي غرفة الجلوس و مع التبريد و الساعة الأسبوعية راهي نظيفة لبارح درت 20 د نظفت الفايونص و الأرضية و النافذة و البيبان و اليوم لبلاكار ، غدوة ان شاء الله نكملها ما تحتاجش لتنظيف عميق ...الأربعاء بإذن الله نعاودو نبداو من المدخل .

رندة. · 2017-01-30, 11:31

شحال نفرح كي نلقى وحدة كيما أنا.......
ان شاء الله نعاودو الدورة نهار الاربعاء انتوما الي سبقتوني رايحة تكون ليكم مجرد مراجعة بصحتكم
ان شاء يلتحقو اليرقات الجديدات ويستفادو من الفرصة هاذي
بارك الله فيك أم شمسو على المثابرة والصبر

Sii · 2017-01-30, 12:39

السلام عليكم ورحمة الله وبركاته
صباح الانوار ام شمسو ، فرحة العمر ، رندة
اختي العزيزة فرحة عمر معليش اختي منين تلقاي وقت حطيلي برنامج متقلقيش روحك

Sii · 2017-01-30, 12:43

بالنسبة ليا اليوم هو ساعة التنظيف الاسبوعية ولكن استعملت منها غير 20 دقيقة لانو كانت عندي خرجة المهم قمت بمسح الغبار والنوافذ وفوت سبيراتور مع الروتين الصباحي
حبيبتي ام شمسو شوفي فكرتي رايحة نمشي بيها في شهر فيفري بما انو منقدرش نمشي معاكم في التظيفات قلت غدا ان شاء الله لمزيدتش ههه ندير ساعة التنظيف العميق نخصصها لتنظيف جميع ارضيات المنزل مع تشميس التابيات وقلت نولي كل يوم نخصص 20 دقيقة نفوت على كامل المنزل هكا نحافظ عليه مرتب ونظيف مع الروتينات اليومية ان شاء الله

manel 16 · 2017-01-30, 13:28

حبيباتي انا مازلت ساكنة مع ناس داري.زعمة عازلة.عندي مطبخ و غرفة النوم و الجلوس ما بقاتش تشبه لشومبرا من عمايل الاطفال عندي 3.والله تشهوني كي تقولو عملت و نظفت و رتبت.اخواتي ادعولي ربي يفرج عليا بالسكن المريح.يا لوكان كرية

جهينة اليقين · 2017-01-30, 14:39

السلام عليكم الله يبارك فيكم يا فراشات يا نشيطات اختي منال الله يفرج عليك تفرحي بسكنة ان شاء الله

ام شمسو محمد · 2017-01-30, 14:53

[font="thabit"]لبنات كيفاش راكم هذا الشتا مع البرد أكيد البشرة تأثرت و راهي جافة و الشعر مع التجفيف المستمر راهو يعاني من نقص الزيوت وبالتالي المورال يكون لتحت ....باش نعدلو معنوياتنا و مظهرنا لازمنا :
_ نجددو بشرتنا : أثناء أخذ الحمام الساخن و الممتع استغلي الفرصة باش ترجعي لبشرتك بريقها ديريلها : تقشير ، ترطيب
_ نحميو شعرنا : فصل الشتاء يستلزم الحماية القصوى للشعر مش لازم الوسائل المكلفة....بيض ، زيت زيتون ،عصير الليمون ، بنان ، عسل يكفيو للعناية و الترطيب للشعر ضد قسوة الشتاء .
_ تزيني : ما تخليش البرد و النهار القصير يمنعوك من تجميلك الصباحي : كريم ترطيب ، شوية فون دو تان ، بلاشر ، كحل و آيلاينر على الجفون ...أعط لوجهك لون باش تحصلي على إحساس جميل .
_الترطيب : باش تحمي جسمك من البرد ضاعفي جلسات الترطيب ، ديري كريم الترطيب في يديك و رجليك و سيقانك بحركات دائرية كبيرة باش تنشطي الدورة الدموية
_ اضحكي :الضحك مضاد طبيعي للإجهاد يقاوم التجاعيد ويريح الجسم و يطلع المورال ، اضحكي 3 مرات في اليوم تنساي الشعور السيء تاع الشتا[/font] .

ام شمسو محمد · 2017-01-30, 15:54

التقشير و الحمام
لماذا لابد من التقشير ( gommage ) بانتظام؟
لأنه يزيل الخلايا السطحية الميتة، يسمح باستخراج الدهن الزائد من المسام وبالتالي تنقية الجلد ، يترك البشرة ناعمة، ولكن في الغالب أكثر ضبطا و استجابة للعناية التي تطبَّق لاحقا ، يجب دائما استخدام المرطب بعد التقشير.
أولا، أخذ حمام دافئ ضروري. فالبخار يسمح بفتح المسام. ثم اغتسلي بالماء و صابون مرسيليا ( أو الحجرة ) لتنظيف الجلد باستعمال قفاز اللوف أو الكاسة على بشرتك في حركات صغيرة من أعلى إلى أسفل، للتخلص من الجلد الميت. يجب الحرص على عدم الفرك الشديد لتجنب إلحاق الضرر بشرتك!
ما هي مكونات تقشير الوجه الطبيعي؟
لتنظيف وجهك وإعطائه توهجا، ثلاث وصفات طبيعية مع مكونات بسيطة : يمكنك خلط الملح وزيت الزيتون، والسكر مع زيت اللوز . تدليك وجهك في حركات دائرية مع التركيز على منطقة T (الأنف، الجبين والذقن)، ثم يشطف بالماء الدافئ أو البارد لتنشيط البشرة!
التقشير مفيد جدا للتخلص من الخلايا الميتة يمكنك تنفيذ هذه الخطوات البسيطة على مدار السنة للحفاظ على إشراقة بشرتك.كرريه عدة مرات في الشهر للبشرة الجافة، وكل أسبوع للبشرة الدهنية.
الحمام المغاربي ، وكيف يعمل؟
هو جلسة في غرفة البخار في دعوة للاسترخاء.بالدخول إلى الغرفة شديدة الاحماءعند 50 درجة مئوية و 100% رطوبة.. ...البخار الساخن له تأثير مفيد على الجلد عن طريق فتح المسام، و إزالة السموم والأوساخ مع التمتع بنتيجة مرضية من الهدوء، الاسترخاء، وجمال في الوجه!
ما هي طرق العناية في الحمام؟
استخدمت جداتنا الحمام منذ القدم بطريقة صحيحة و مذهلة و هي مثالية في عملية العناية و التجميل و تغذية البشرة و تستعمل حاليا في المنتجعات العالمية و هو يتم على عدة مراحل: أولا يتم تغطية الجسم بصابون الحجرة، المصنع بقاعدة زيت الزيتون قبل حكها مع الكاسة و تسمى أيضا قفازات الجمال، قناع غسول، التربة الطينية ( l,argile ) ما يسمح يإزالة الدهون من الجلد ثم يغسل جيدا. ثم يوضع قناع من الزيت لترطيب البشرة.

ام صفصف · 2017-01-30, 15:54

بارك الله فيك حبيبتي ام شمسو على النصائح

ام شمسو محمد · 2017-01-30, 16:09

و فيك بارك الله حبيبتي أم صفصف انتي أستاذتنا في هذا المجال راني معتمدة كل وصفاتك اللي حطيتيهم في الدورة السابقة محلول المضمضة و خلطات التقشير و التنظيف ، أفيدينا بمعلوماتك و أفكارك رجاءا ...تحياتي .

حياتي كلها امل · 2017-01-30, 16:26

السلام عليكم بارك الله فيك ام شمسو على هذه النصاءح القيمة
انا اليوم الجانب الديني تم وشربة الماء على الريق ثم عملت الاشغال اليومية مع غسل الملابس وعملت 20 د تبريد منطقة ساخنة

رندة. · 2017-01-30, 16:47

[center][ السلام عليكم
بارك الله فيك أم شمسو على النصائح، فعلا الحمام المغربي روعة في الاسترخاء وفي النقاء
ياريت نرجعو عادات الجدات /center]

رندة. · 2017-01-30, 16:59

[center][ السلام عليكم
بارك الله فيك أم شمسو على النصائح، فعلا الحمام المغربي روعة في الاسترخاء وفي النقاء
ياريت نرجعو عادات الجدات /center]