تشيشة مرمز

[البحر الصافي]

السلام عليكم
اولاقطعي حبة لفت وفول اخضر اداعندك وحطيهم في قدر فوق النار واغسلي التشيشة ولوحيها لما يبدى الماء يغلي وقطرة زيت باش ما تفيضش تاع بكري يضيفو الشحمة ولكن حنا ما ناكلوهاش ولكن لي ياكلها يدير ولكن شحمة ماشي مداوية يعني بالملح فقط
ارحي حبات طماطم من غير قشور وهرسي راس ثوم مع الملح و فلفل احمر او اخضر اذا معندكش ولكن الاحمر يعطي بنة خير
وارمي في القدر نصف هذه المقادير تغلي مع التشيشة وكي تشوفي الحب نتاعها طاب متخليهاش طيب ياسر ارمي الثوم والطماطم لي بقت وراس ولا زوج فلفل وخليها تهز الغلوة وطفي عليها ارميلها الدبشة وفلفل بوفجوخ يعني لمرقد وبالصحة ولهنا
لازم لاصوص تاعها تجي ماهي خاثرة ماهي خفيفة متوسطة
ملاحظة اذا الطماطم مش حمرة زيدي شوي من تاع العلب

نسيت نقلك راهي تتسقى بالرقاق والدبشة لوحيها كي تحبي تسقىي باش يبقى لوقو

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.








إضغط هنا لرؤية الصورة بحجمها الطبيعي.