إلي أصحاب الخبرة في عقود ما قبل التشغيل

hocine29 · 2014-03-01, 19:46

السلام عليكم أريد أن أستفيد من عقد ما قبل التشغيل ولدي ليسانس علوم تجارية وهناك مقاول قال لي سأمضى لك العقد فما هي الخطوات المتبعة مع العلم أنه لدي البطاقة الزرقاء و لم يتم إستدعائي من فظلكم عاجل وأجركم علي الله شكرا.

fraise88 · 2014-03-02, 16:26

دير طلب العمل يمضيه لك المقاول وتدفعه لمكتب عقود التشغيل ويقولو لك شا تجيب الملف وتقارع حتى يسنييلك مدير التشغيل العقد

sinopointic4 · 2014-03-03, 18:25

روح للمكتب يفهموك كل شيئ
هناك أوراق تملؤها فقط

اية الرحمن1988 · 2014-03-03, 19:00

السلام عليكم
بما انو عندك ليسانس علوم تجارية من الأحسن تشوف كاش مؤسسة اقتصادية خيرلك
اذا راح دير عقد اقتصادي من عند لانام
لأنو دايما المشاكل مع المقاولين ومفيهش الضمان وكي تكمل الكونترا ميحبش يعاودلك
شحال من واحد مضالو المقاول ومباعد كي كملت الكونترا ميستعرفش بيه
وزيد مهوش مجالك أصلا حتى منا وجاي كي تحب دير شهادة عمل وتحب تخدم مثلا في مؤسسة خاصة
متنفعك بحتى شيء
عكس مؤسسة عمومية ولا خاصة تفيدك بزاف لأنو مجال عملك إداري مجرد رأي ولك الاختيار
ان شاء الله ربي يسهلك أمورك

hocine29 · 2014-03-05, 08:04

اقتباس:

المشاركة الأصلية كتبت بواسطة اية الرحمن1988

السلام عليكم
بما انو عندك ليسانس علوم تجارية من الأحسن تشوف كاش مؤسسة اقتصادية خيرلك
اذا راح دير عقد اقتصادي من عند لانام
لأنو دايما المشاكل مع المقاولين ومفيهش الضمان وكي تكمل الكونترا ميحبش يعاودلك
شحال من واحد مضالو المقاول ومباعد كي كملت الكونترا ميستعرفش بيه
وزيد مهوش مجالك أصلا حتى منا وجاي كي تحب دير شهادة عمل وتحب تخدم مثلا في مؤسسة خاصة
متنفعك بحتى شيء
عكس مؤسسة عمومية ولا خاصة تفيدك بزاف لأنو مجال عملك إداري مجرد رأي ولك الاختيار
ان شاء الله ربي يسهلك أمورك

لكن كيف أستفيد من عقد في مؤسسة إقتصادية وكي تروح عندهم في لانام يقوللك ماكانش لحد الأن من فظلك هل من حل أو طريقة وشكرا أخي

اية الرحمن1988 · 2014-03-12, 20:40

عذرا على الإطالة في الرد
العقد نتاع cta يلزمك ديما دور في لانام وتكرهم حتى يعيطولك
وكل ما تسمع ببلاصة راهم محتاجين خدامة تابعين لانام روح لأنو تحتاج صبر
كيما مؤسسات البريد والإتصال راهم ديما يحكمو مناصب cta وواحد ما يفيقلهم غير اللي يعرف كاش واحد ثم يقولو وقت اللي يبعثو المناصب، والمؤؤسات ثاني اللي في المناطق الصناعية دايما محتاجين اللي يخدمو ويكون عقدهم تابع لانام
لازمك تحوس وتسقسي باش تلقى لأنو لانام واحد ما يعول عليها وكي يكونو المناصب يعيطو للي يحبوه هوما

هامجا جيوفاني · 2014-03-15, 02:35

روح لمكتب التشغيل bureau de main d'œuvre يعطيوك زوج ورقات اديهم للمقول يعمرهم و يكاشيهم و رجعهم لمكتب التشغيل مع طلب خطي و الدوسي كامل _فيه وثيقة اثبات الوضعية تجاه الخدمة الوطنية و يقبلم مام السورسي_ و مبعد استنا وحد الشهر باش تخرجلك الكونترا. وربي يسهل خويا

hocine29 · 2014-03-15, 08:44

أشكركم علي الردود و جعله الله في ميزان حسناتك

~~زهرة الربيع25~~ · 2014-03-15, 12:42

هههههههههههههههههههههههههه عقود الهم