لماذاااااااااا؟؟؟؟

[IMAD 1983]

السلام عليكم انا من خلال متابعتي لقسم الخدمة الوطنية لقيت ناس بزاف خايفين من الخدمة الوطنية؟؟؟
واحد يبلي في روحو بمرض وواحد يحوس يشريها بالملايين وواحد يحوس يرشي وواحد يقولك نموت ومانروحش

[أســـــــووم]

لأنهم أنانيش

[IMAD 1983]

صح شباب بزاف يجيه عام ونص بزاف ....لكن مش لهذه الدرجة؟؟؟؟؟

[بن ثابت3]

ليس خوفا وانما العاقل يبحث عن كل طريقة مشروعة
لما فيه صالحه
فالاخوة هنا جزاهم الله خير ينصحون من يحتاج بمعلومات تفيدهم وتختصر عليهم الجهد والوقت

[tadjsat]

انا لانني اشتغل ولا اريد عام sans salaire

[صالح القسنطيني]

بكل بساطة لأنها مضيعة للوقت

فمن كان له سبب حتى لا يؤديها فذلك أفضل بكثير له من تأديتها

[amine eco]

انا جابلي ربي واحد معندو والو يروح خير

ناي قاع خلعتهم عسكر وثكنات بسبب بعض اشخاص يحبو يقدمو نظرة سلبية عليها .. وهي اماكن عادية في لومبيونس وضحك و رجالة

[IMAD 1983]

المشاركة الأصلية كتبت بواسطة amine eco

انا جابلي ربي واحد معندو والو يروح خير

ناي قاع خلعتهم عسكر وثكنات بسبب بعض اشخاص يحبو يقدمو نظرة سلبية عليها .. وهي اماكن عادية في لومبيونس وضحك و رجالة

صح خويا امين ...انا شخصيا كنت حاط العسكر حاجة سلبية جدا لكن بعد ما الواحد فوتها لقيتها عكس ماكانو يقولوا

[souhiel]

انا كفيل عائلة هل اترك عائلتي تموت وألتحق بالخدعة العسكرية ما هذا الهراء هذا من جهة ومن جهة اخرى الى كل من يدعي انا الخدعة العسكرية مكسب للشباب هل يعقل 18 شهر خدمة عسكرية لماذا هل اسرائيل جارتنا وفي كل مرة يطلعنا واحد يفتي علينا العسكر تاع الرجالة يعني مليحة لما الواحد يترك العمل النتاعو ويلتحق بالخدعة العسكرية يضيع عام ونص بدون امتيازات يستخسرو فيك حتى احتساب سنتين في التقاعد نتاعك او حتى قانون يميزك عن غيرك من الشباب الذي لم يلتحق بالخدعة في المسابقات وفي توزيع السكانات انا نشوف فيها مضيعة للوقت ولي يعقبها راجل ولي ما يعقبهاش راجل ونص

[amine eco]

لا يا اخي سهبل انت واضح انك كفيل عائلة
نحن نتحدث عن الذي لا يملك شيأ وينتظر العفو و يسب في دولة ورسائل موجهة الة وزارة دفاع الى الخ ... اكيد ان ابن مسؤول لا يأديها للاننا لسنا في بلد ديمقراطية
تهدرو ولا تسكتو كيف كيف وزارة دفاع ماهي سامعة بحتى واحد

[souhiel]

المشاركة الأصلية كتبت بواسطة amine eco

لا يا اخي سهبل انت واضح انك كفيل عائلة
نحن نتحدث عن الذي لا يملك شيأ وينتظر العفو و يسب في دولة ورسائل موجهة الة وزارة دفاع الى الخ ... اكيد ان ابن مسؤول لا يأديها للاننا لسنا في بلد ديمقراطية
تهدرو ولا تسكتو كيف كيف وزارة دفاع ماهي سامعة بحتى واحد

شكرا لك اخي امين على ردك واخلاقك العالية لكن حتى الخدعة العسكرية في بلادنا فوضى كبيرة مادام كل الشباب الجزائري يعتبرها مضيعة للوقت هنا لا بد ان نطرح سؤال وهو لماذا الشباب الجزائري يمتنع عن تأدية الخدمة الوطنية ويعتبرها خدعة ومضيعة للوقت وانا ارى اننا امام مشكلة تستوجب دراسة من اجل ايجاد الحلول يعني انا نشوف ان العلاقة بين الشباب و وزارة الدفاع سيئة جدا وعلى هذه الأخيرة ان تعي هذا وهل تعلم وزارة الدفاع ان جل الشباب يعتقدون ان وزارة الشباب تهدف من وراء قانون الخدمة العسكرية وخاصة فيما يتعلق بالمدة و المنحة والمعاملة والإهمال والفوضى وقلة الإحترافية تهدف الى ادلال الشباب لا اكثر ولا اقل سبحان الله يعني شباب قطر بعد قانون اجبارية الخدمة العسكرية لمدة ثلاث اشهر يقبل عليها بشكل كبير رافعين شعار واحد كلنا قطر وحنا في الجزائر نتهربو منها اكيد لا كاين مشكل وكاين اسباب نفسية واقتصادية واجتماعية يجب دارستها وايجاد حلول خاصة نفسية الشاب الجزائري الذي يعاني من الحقرة والتهميش في بلاد البترول والغاز

[IMAD 1983]

المشاركة الأصلية كتبت بواسطة souhiel

انا كفيل عائلة هل اترك عائلتي تموت وألتحق بالخدعة العسكرية ما هذا الهراء هذا من جهة ومن جهة اخرى الى كل من يدعي انا الخدعة العسكرية مكسب للشباب هل يعقل 18 شهر خدمة عسكرية لماذا هل اسرائيل جارتنا وفي كل مرة يطلعنا واحد يفتي علينا العسكر تاع الرجالة يعني مليحة لما الواحد يترك العمل النتاعو ويلتحق بالخدعة العسكرية يضيع عام ونص بدون امتيازات يستخسرو فيك حتى احتساب سنتين في التقاعد نتاعك او حتى قانون يميزك عن غيرك من الشباب الذي لم يلتحق بالخدعة في المسابقات وفي توزيع السكانات انا نشوف فيها مضيعة للوقت ولي يعقبها راجل ولي ما يعقبهاش راجل ونص

لا ي أخي انا منهدرش على حالة كيما نتاعك انت عندك سبب قوي جدا يخليك منروحش انا نهدر على الشباب اللي ماعندو حتى حاجة...و نظن العضو amine ecoراهو قال كلام في الصواب

[imad setif]

لأنها مضيعة للوقت يا أخي
في عام و نصف تقدر تخدم و تجيب حق ما يكفيك لتتزوج هذا من جهة
و الأمر الثاني ماهيش مكان تاع واحد ملتزم بدينو

[IMAD 1983]

المشاركة الأصلية كتبت بواسطة imad setif

لأنها مضيعة للوقت يا أخي
في عام و نصف تقدر تخدم و تجيب حق ما يكفيك لتتزوج هذا من جهة
و الأمر الثاني ماهيش مكان تاع واحد ملتزم بدينو

علاه واش راهم يديرو في العسكر؟؟؟؟؟
نقولك حاجة انت متعرفهاش انا عقبت وشفت اقسم بالله الهدرة اللي راك تهدر فيها ماكاين منها

[أحمد زابانة]

الأخsouhiel أعطاك الجواب الكافي و الشافي بارك الله فيه
المشكلة ليست في الخوف ، فالشعب الجزائري و الشباب الجزائري معروف بالشجاعة و لا يهاب حتى الموت .
لكن عندما يكون هناك عدل ومساواة و كل الشباب بما فيها أصحاب المعارف و أبناء الوزراء و القادة ...... يؤدونا و لا يوجد كدبة الفائض و الحظ ( يعني هذا عندو حظ خرج فائض و الاخر حظه مندوب يجوزها ) هدي مكانش منها يعني بكل اختصار ما صالحاش نهائيا . يجب أن نكون سواسية كأسنان المشط و عندما نكون سواسية مكانش مشكل نجوز حتى عمري كامل خدمة وطنية و ما خساراش في بلادي مدام كاينة الديمقراطية و العدالة و المساواة ... أما فلان يجوزها سيف و ولد فلان على رأسه ريشة ما يجوزهاش هنا أصل المشكلة . التي لابذ من ايجاد حل لها قبل تفاقم الأوضاع .