طريق إقتصادية لبناء منزل متوسط الحجم في أقرب وقت و بأقل التكاليف - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الحياة اليومية > قسم البناء و الترميم و مُختلف صيغ السكن

قسم البناء و الترميم و مُختلف صيغ السكن مخصص لمخططات البناء و السلع و الاستشارات و الاصلاحات و آخبـار السكنات المثدعمة من الدولة بمختلف صيغها و استفساراتها ...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

طريق إقتصادية لبناء منزل متوسط الحجم في أقرب وقت و بأقل التكاليف

إضافة رد
 
أدوات الموضوع انواع عرض الموضوع
قديم 2013-12-13, 15:22   رقم المشاركة : 1
معلومات العضو
mounaminou
عضو مبـدع
 
الصورة الرمزية mounaminou
 

 

 
إحصائية العضو










B11 طريق إقتصادية لبناء منزل متوسط الحجم في أقرب وقت و بأقل التكاليف

سلام خاوتي اني محتاجتكم و حابا كل واحد يجاوب بالشي اللي يعرف مي ماتقولوليش برك نقول للراجل يكاسي la banque ..... حبيت نسمي الموضوع هدا كيفاه نزرب ف البنيان بالامكانيات المحدودة اللي عندنا ....و خممت نسميه هل توجد طريقة اقتصادية لبناء منزل متوسط الحجم في اقرب وقت و باقل التكاليف ??????????


شوفو حنا دارنا مازال مابديناش ف البناء تاعها مي انا حابة نعرف من خلال التجارب تاعكم عن الطرق الاكثر اقتصادية و اللي ماتديش دراهم و وقت كبير باه نقترحها على زوجي لان الدار هي اللي معطلتنا على الزواج

دبرو عليا كيفاه نقدرو نعيشو ف الدار بلا مانفينيو كلش ...يعني قولولي علاواه نقدرو نستغناو و واش لحوايج الي داخلين في la finition اللي نقدرو نأجلو لما بعد الزواج باه مانتعطلوش كثر و ان شاء الله بعد الزواج نكملو الباقي


كيما علابالكم les finition يديو دراهم بزااااف و وقت مي والله حابة ندي من ضرك افكار على نوع النوافد لمليح (حشب او المنيوم) و نوع البلاط اللي يكون مليح و ف نفس الوقت يوفر علينا بزاف دراهم

علابالي عندكم تجارب ربما تفيدوني بيهم و ربما عندكم افكار تقدرو تمدوهوملي باه نكملو الدار ف اقرب وقت ممكن









 


رد مع اقتباس
قديم 2013-12-13, 15:37   رقم المشاركة : 2
معلومات العضو
الكـ الطيبة ـلمة
عضو مميّز
 
إحصائية العضو










افتراضي

الله يسهل أمورك و يجمع بينكما بالخير

بخصوص البناء بلا ما نكذب عليك راه يطيح الكتاف و الأكثر la finition

أما كيف تقدروا تقتصدو ما نظنش لأنو البناء راه يحصل على حقه أولا بأول

يمكن اقتصادك يكون في نوعية السلعة اللي تشريها تشوفي الحاجة اللي أقل تكلفة فقط










رد مع اقتباس
قديم 2013-12-14, 21:49   رقم المشاركة : 3
معلومات العضو
mounaminou
عضو مبـدع
 
الصورة الرمزية mounaminou
 

 

 
إحصائية العضو










افتراضي

وينكم .....ماكانش اقتراحات خلاص ....راني نسنا فيكم










رد مع اقتباس
قديم 2013-12-21, 22:09   رقم المشاركة : 4
معلومات العضو
عنابة أبوها
عضو مجتهـد
 
إحصائية العضو










افتراضي

انا في رايي فيني الغرفة نتاعك وصال دوبان والمطبخ واذا تقدري تعيشي في التحراش برك فيها براكة لان الفينيسيو هي الاصعب في البناء ونزيدك تشد الوقت اكثر من البناء نفسه ربي يوفك










رد مع اقتباس
قديم 2013-12-24, 16:54   رقم المشاركة : 5
معلومات العضو
mounaminou
عضو مبـدع
 
الصورة الرمزية mounaminou
 

 

 
إحصائية العضو










افتراضي

اقتباس:
المشاركة الأصلية كتبت بواسطة عنابة أبوها مشاهدة المشاركة
انا في رايي فيني الغرفة نتاعك وصال دوبان والمطبخ واذا تقدري تعيشي في التحراش برك فيها براكة لان الفينيسيو هي الاصعب في البناء ونزيدك تشد الوقت اكثر من البناء نفسه ربي يوفك

شكرا اختي على الاقتراح تاعك يعطيك صحة ...والله صح الفينيسيو وحدها راهي تدي وقت كبير









رد مع اقتباس
قديم 2014-03-20, 13:22   رقم المشاركة : 6
معلومات العضو
حفصية
عضو مشارك
 
الصورة الرمزية حفصية
 

 

 
إحصائية العضو










افتراضي

اختي انا في رايي فيني لاشومير والصالون برك وخلي الكوزينة بويسك ماهيش اوبليجي عليك تكمليها قبل ماتعرسي وتعودي وحدك في الدار يعني عايلة صغيرة ومبعد اعرفي كيفاش كل مرة نقصي حاجة ديريها حتان تكمل انا هذا رايي وهكا ان شاء الله ندير داري










رد مع اقتباس
قديم 2014-03-22, 16:32   رقم المشاركة : 7
معلومات العضو
wassila21
عضو محترف
 
الصورة الرمزية wassila21
 

 

 
إحصائية العضو










افتراضي

السلام عليكم أختي، حتى حنا معولين نبنوا في هذه العطلة، و راح ندير الشيء البسيط فقط، مثلا، نقسمو البرطما و نفينيو غير شامبرتي و الكوزينة و الدوش مع الحمام، و نخلي الصالون وغرفة الأولاد من بعد ، الأرضية ندير كارلاج غير الدوش، هذا الأخير راح نديره ستيل الحمام تاع برى، يعني نركب فقط لافابو و ندير مجيرية (حاشاك) و القب مع العين والمرش ، الصبيغة ندير السامبل خلاااااااااااااااااص، البلافو ما نديرش فيه لي قورج ما نحبهمش يشدوا الغبار وصعاب في التنقية، و بما أننا راح نبنو فوق دار العائلة راح نديرو القرمود، أرخص و أخف من الضالة، و ندخلو إذا كتب ربي مع رمضان و الباقي نكملوه بالطول









رد مع اقتباس
قديم 2014-04-10, 23:45   رقم المشاركة : 8
معلومات العضو
عنابة أبوها
عضو مجتهـد
 
إحصائية العضو










افتراضي

بصراحة اختي البناء صعب انا عن نفسي راني نبني في داري غمضت عينيا بديت بالسلم لانه يحتاج وقت ومكان باه البناء يخلط البطون ومن بعد فصلت الغرف وكل الشي وحرشت وركبت الالبواب والنوافذ بصراحة ماتقاموليش بزاف ولافينيسيو راني معولة ندير غير السمبل مثلا الكارلاج ندير غير قرانيطوا هو الاحسن سواءا في السعر او حتى في نظافته احسن من لاضال دو صول تتعب وغالية وندير الهان برك احسن من الفايونس مودته ماتدومش










رد مع اقتباس
قديم 2014-04-19, 18:39   رقم المشاركة : 9
معلومات العضو
nidabaize
عضو مجتهـد
 
إحصائية العضو










افتراضي

اقتباس:
المشاركة الأصلية كتبت بواسطة mounaminou مشاهدة المشاركة
سلام خاوتي اني محتاجتكم و حابا كل واحد يجاوب بالشي اللي يعرف مي ماتقولوليش برك نقول للراجل يكاسي la banque ..... حبيت نسمي الموضوع هدا كيفاه نزرب ف البنيان بالامكانيات المحدودة اللي عندنا ....و خممت نسميه هل توجد طريقة اقتصادية لبناء منزل متوسط الحجم في اقرب وقت و باقل التكاليف ??????????


شوفو حنا دارنا مازال مابديناش ف البناء تاعها مي انا حابة نعرف من خلال التجارب تاعكم عن الطرق الاكثر اقتصادية و اللي ماتديش دراهم و وقت كبير باه نقترحها على زوجي لان الدار هي اللي معطلتنا على الزواج

دبرو عليا كيفاه نقدرو نعيشو ف الدار بلا مانفينيو كلش ...يعني قولولي علاواه نقدرو نستغناو و واش لحوايج الي داخلين في la finition اللي نقدرو نأجلو لما بعد الزواج باه مانتعطلوش كثر و ان شاء الله بعد الزواج نكملو الباقي


كيما علابالكم les finition يديو دراهم بزااااف و وقت مي والله حابة ندي من ضرك افكار على نوع النوافد لمليح (حشب او المنيوم) و نوع البلاط اللي يكون مليح و ف نفس الوقت يوفر علينا بزاف دراهم

علابالي عندكم تجارب ربما تفيدوني بيهم و ربما عندكم افكار تقدرو تمدوهوملي باه نكملو الدار ف اقرب وقت ممكن


جربي البري فابريكي يا اختى ناس شلف عندهم دراية فيه لكن فى البرد يا لطيف و السخانة لا كليم تسلك المهم دار













بالتوفيق ان شاء الله









رد مع اقتباس
قديم 2014-05-01, 18:00   رقم المشاركة : 10
معلومات العضو
ايمان نور الجزائر
عضو مميّز
 
الصورة الرمزية ايمان نور الجزائر
 

 

 
إحصائية العضو










افتراضي

البناء قد ما تحسبيلو ما تقدريش
لكن....نقولك

اثناء عملية البناء يتوجه الزوج نتاعك للاسواق الكبيرة التي تبيع الابواب والنوافذ
تلقاي اسعار معقولة جداااا
يشري البيبان مثلا 3 ونوافذ 3 و زوج نوافذ صغار للصال دو بان ويراعي التوافق في الحجم
تاني يشري بلاكار لي يخزنو فيه مثلا 2 احنا شريناهم مليون ونص كل واحد فيه 1 م 60
وتاني يشري خزانة علوية للمطبخ ورفوف على حسب الحاجة والدراهم
وهناااا بهاذ الطريقة راح يشري الجاهز ويفصل على حسابو
افضل ما يبني ويموندي ...تجي اغلى
من بعد تلبسو كامل البيت بالاسمنت برا وداخل وهذا شيء لازم
نروحو للبلاط....اشرو البلاط العادي الباج المنقط متوفر ويجيب لكامل البيت
اذا قادرين على الفايونص كاين ايضاااا بعض المحلات تعمل تخفيضات للفايونص السامبل
خصوصااا لمااااا تبقالهم كميات قليلة لو يسقسي يقدر يشري للكولوار والمطبخ والصال دو بان
تبقى الصبيغة....كاين لي يقدر يدير لوندوي والصبيغة نتاع الماء وتاني بعض الصبغات ماشي غالية
مثلا الموشتي تكمل بلخف وما تديش بزاف دراهم
وشمرو على يديكم واصبغو واش بقى
وما تنساوش واحد مينيوزيي يركب الاقفال نتاع الابواب والنوافذ
وربي يوفقكم









رد مع اقتباس
قديم 2014-05-08, 20:27   رقم المشاركة : 11
معلومات العضو
mounaminou
عضو مبـدع
 
الصورة الرمزية mounaminou
 

 

 
إحصائية العضو










افتراضي

شكرا يعطيكم صحة ...ان شاء الله ربي يسهللكم كامل










رد مع اقتباس
قديم 2014-05-21, 21:43   رقم المشاركة : 12
معلومات العضو
ZORRO__DZ
مشرف سابق
 
الصورة الرمزية ZORRO__DZ
 

 

 
إحصائية العضو










افتراضي

أولاً السلام عليكم

الأخت قبل البدألازم غرفة النوم تكون فيها لافينيسو يعني الجدران

الكارلاج نقلك ديري قدر ما تستطيعي ولازم اديري حاجة مليحة واخطيك من القرانيطو لانو مع الوقت تكرهيه على الأقل ديري مونو كوش وكي ترابوطيه بالماشينة يولي شغل زجاج

ثانياً الأبواب لازم اديري سيري واحد يعني لو تقدري اديري واحد بروفيزوار لغرفة النوم والحمام وحتى النوافذ

وقبل كلش اقطعي غرف النوم والمطبخ والحمام اما الصالون انسايه تماماً


الصبيغة نحيها من دائرة الإهتمام لنك لو صبغتي رايحا تكرهيها وتتوسخلك مع البنيان

الحمام لازم اديري الفايونص شباب وتخرجي التيوات انتاع الماء وتخلي بلاصتك السخان يعني الحمام لازم يكون فيني 100 بالمئة ماعدا السخان

النوافذ انصح بالألممنيوم السطح مايدري لا فون بلافون لا والوووووووو










رد مع اقتباس
قديم 2014-06-15, 11:20   رقم المشاركة : 13
معلومات العضو
موجو جوجو
عضو مميّز
 
الصورة الرمزية موجو جوجو
 

 

 
إحصائية العضو










افتراضي

ربي يهنيك بيها
اختي على تجربتي
درت الدال دوصول فالغرفة تاع نومي و الصالون
الكوزينة و الدوش كانت بالكرلاج من قبل
ركبت الفوبلافو للغرفة تاعي و انت ممكن جدا تستغناي عليه
من بعد بديت شوي شوي


انت فيني غرفة نومك، ركبي التولات حاشاكم، و لافابو ، ابني بوتاجي و لا كنت تصبري ممكن تستغناي عن بنيانو
و الباقي بالشوي
بالتوفيق










رد مع اقتباس
قديم 2024-04-07, 20:10   رقم المشاركة : 14
معلومات العضو
amgad37
عضو جديد
 
إحصائية العضو










افتراضي

شكرا لك على هذا الموضوع كان لى تجربة فى البناء مع شركة كايدك للانشاء وكانت تجربة جيدة للغاية










رد مع اقتباس
قديم 2024-06-23, 22:41   رقم المشاركة : 15
معلومات العضو
جوليا محمد
عضو جديد
 
إحصائية العضو










افتراضي مرحبا

يعتمد على حجم المشروع الذي ستقومون بعمله .










رد مع اقتباس
إضافة رد

الكلمات الدلالية (Tags)
للموضوع, مالقيتش, عنوان

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 13:36

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc